প্রধানমন্ত্রীগী লোইশঙ
প্রধান মন্ত্রীনা ব্রিক্স সম্মিতকা ইরোইননা ইরানগী প্রসিদেন্তগা উনখ্রে
থাগৎখিবা:
11 SEP 2026 8:33PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি নই দিল্লীদা পাংথোকপা ব্রিক্স সম্মিতকা ইরোইননা ইরানগী (ইসলামিক রিপব্লিক ওফ ইরান) প্রসিদেন্ত, ঐচ.ই. দাক্তর মাসুদ পেজেশকিয়ানগা উনখ্রে। মসি লুচিংবা অনিগী মরক্তা চয়োল অনিগী মনুংদা উনখিবা অনিশুবা মীফমনি। মখোয়না মমাংদা ওগস্ত ৩১দা বিশকেক্তা পাংথোকপা এস.সি.ও. সম্মিতকা ইরোইননা উনখ্রে।
লুচিংবা অনিনা নাকল আনিগী ওইবা মরীগী তোঙান-তোঙানবা হীরমশিংগী মতাংদা খন্ন-নৈনখি। শিংননিংঙাই ওইরবা ফীভমশিং লৈরবা ফাওবদা ব্রিক্সকা মরী লৈনবা মীফমশিংদা চাং নাইনা, অৱাংবা থাক্তা শরুক য়াখিবগীদমক প্রধান মন্ত্রীনা ইরানবু থাগৎপা ফোংদোকখি। গ্লোবেল সাউথকী লৈবাকশিংগী মরক্তা অৱাবশিংবু থৌনা ফনা মাইয়োক্নবা ঙম্বা, অনৌবা পুথোকপা, তেংবাংনবা অমসুং তুং-কোইনা চৎনবা য়াবা মওংদা শেমগৎপদা ব্রিক্সকী পোতেন্সিয়েল অদু মহাক্না পনখি। ব্রিক্স বিজিনেস ফোরমগী লিদর্স সেসন্দা শরুক য়াখিবগীদমক মহাক্না প্রসিদেন্ত পেজেশকিয়ানবুসু থাগৎপা ফোংদোকখি।
লুচিংবা অনিনা ৱেস্ত এসিয়াগী হন্দক্কী ফীভমশিংগী মতাংদা মখোয়গী ৱাখল্লোনশিং ফোংদোক্নখি। ৱাফম পুম্নমক ৱারী-ৱাতাই শানবা অমসুং দিপ্লোমেসীগী খুত্থাংদা লোইশিনগদবনি হায়বা ভারতকী অহোংবা লৈতবা ফিরেপ অদু প্রধান মন্ত্রীনা অমুক হন্না ফোংদোকখি। লমদম অদুদা তুং-কোইবা শান্তি অমসুং তংদু-লৈতাবা ফীভম থম্নবা, নেভিগেসন অমসুং কম্মর্সকী নিংতম্বা ঙাক-শেনবা, অমসুং জহাজতা থবক তৌরিবশিংগী (seafarers) অশোই-অঙাম লৈতবা অমসুং য়াইফনবা লেপ্তনা হোৎনবগী মরুওইবা অদুবুসু মহাক্না থমখি।
ব্রিক্স য়াওনা মল্তিলেতরেল ওর্গেনাইজেসনশিংদা নাকল অনিমক্তা কান্নমিন্নগদবা হীরমশিংদা নাকল অনিগী মরক্তা লেপ্তনা তেংবাংনরিবা অদুগীদমক প্রধান মন্ত্রীনা থাগৎপা ফোংদোকখি।
******
(রিলিজ আই.দি.: 2309525)
ভিজিতর কাউন্তর : 4