কেন্দ্রগী পাৱর অমসুং হাউজিং এন্দ অবর্ন এফিয়র্সকী মন্ত্রী, শ্রী মনোহর লালনা ২০২৬কী সেপ্তেম্বর ১৪-১৬ ফাওবা য়ুনাইতেদ স্তেতস ওফ অমেরিকাগী হ্যুস্তন্দা পাংথোক্কদৌরিবা জি.২০ ইনর্জী মিনিস্তরিয়েল মীতিংদা শরুক য়াগনি। য়ু.এস.কী জি.২০ প্রসিদেন্সীগী মখাদা পাংথোকপা মীতিং অসিদা মালেমগী ইনর্জী সেক্যুরিতী, মমল হোংনা ফংহনবা, ইনফ্রাস্ত্রকচর শেমগৎপা অমসুং লেংদবা ইনর্জী সপ্লাই চেনশিংগা মরী লৈনবা মরুওইবা ৱাফমশিংদা খন্ন-নৈননবা জি.২০ মেম্বরশিংদগী ইনর্জী মিনিস্তরশিং অমসুং সেনিয়র রেপ্রজেন্তেতিবশিং পুল্লরগনি।

মন্ত্রীনা মরুওইবা য়ুম্বী অহুমগী মখাদা মিনিস্তরিয়েল সেসনশিংদা শরুক য়াগনি – “ইনর্জী সেক্যুরিতী অমসুং মমল হোংবা বেজলোদ,” “পর্মিতিং অমসুং রেগ্যুলেতরী ইফিসিয়েন্সী,” অমসুং “ক্রিতিকেল মিনরেলশিং অমসুং লেংদবা সপ্লাই চেনশিং।” খন্ন-নৈনবশিং অসি ইনর্জী সেক্যুরিতী অমসুং মমল হোংনা ফংহনবা, এফিসিয়েন্ত রেগ্যুলেতরী ফ্রেমৱার্কশিংগী খুত্থাংদা ইনর্জী ইনফ্রাস্ত্রকচর মতম চানা শেমগৎ-শাগৎপদা লাইহনবা, অমসুং অশোই-অঙাম লৈতবা, রেজিলিয়েন্ত ওইবা অমসুং তোঙান-তোঙানবা মখলগী ক্রিতিকেল-মিনরেল সপ্লাই চেনশিং শেমগৎপদা মীৎয়েং চংগনি।

মীফম অসিগী মনুংদা, শ্রী মনোহর লালনা য়াংনা চাউখৎলক্লিবা ইনর্জীগী মথৌতাবশিং ফংনবা রেজিলিয়েন্ত ওইবা অমসুং তুংলমচৎকীদমক শেম-শারবা ইনর্জী সীস্তেম অমা শেমগৎপদা ভারতকী থৌওং অদুবু পুথোক্নবা হোৎনগনি, অমসুং ইন্সতিত্যুস্নেল অমসুং পোলিসীগী রিফোর্মশিংগী খুত্থাংদা পর্মিতিং অমসুং রেগ্যুলেতরী ইফিসিয়েন্সী হেনগৎহনবদা ভারতকী এক্সপিরিয়েন্স শেয়র তৌগনি, মসিগা লোয়ননা ক্রিতিকেল মিনরেলশিংগী ভেল্যু চেন পুম্ববু তোঙান-তোঙানবা মখল ওইহনবা, সর্কল ওইবা অমসুং মপাঙ্গল কনখৎহনবদা ভারতকী মীৎয়েং অদু মশক তাক্কনি।

মন্ত্রীনা শরুক য়াবা অসিনা হোংলক্লিবা মালেমগী ইনর্জীগী খুদোংচাদবশিং থেংনবদা কনস্ত্রক্তিব ওইবা ইন্তরনেস্নেল এঙ্গেজমেন্ত অমসুং অপুনবগী থবকশিংদা ভারতকী ফিরেপ অদু অমুক হন্না চেৎশিনহল্লগনি। তোঙান-তোঙানবা লৈবাক্কী ফিভমশিংবু ইকাইখুম্নবা অমসুং ময়াম পুম্নমক্কীদমক অশোই-অঙাম লৈতবা, মমল হোংবা, থাজনীংঙাই ওইবা, রেজিলিয়েন্ত ওইবা অমসুং তুং-কোইনা চৎনবা য়াবা ইনর্জী সীস্তেমশিংবু খুমাং চাউশিলহনবা প্রেগমেতিক ওইবা, পুম্নমক য়াওবা অমসুং তেক্নোলোজী-ন্যুত্রেল ওইবা থৌওং-থৌরাংশিং ভারতনা মখাতানা শৌগৎকনি।

***