প্রধানমন্ত্রীগী লোইশঙ
প্রধান মন্ত্রীনা হিস হাইনেস প্রিন্স রহিম আগা খান Vগা উনখ্রে, অগা খান দিবেলপমেন্ত নেৎৱার্ক্কী মতাংদা পার্তনরশিপ মপাঙ্গল কনখৎহন্নবা খন্নখ্রে
থাগৎখিবা:
10 SEP 2026 2:59PM by PIB Imphal
প্রধান মন্ত্রী, শ্রী নরেন্দ্র মোদীনা নই দিল্লীদা ইস্মাইলি কম্ম্যুনিতীগী ৫০শুবা ইমাম হিস হাইনেস প্রিন্স রহিম আগা খান Vগা উনখ্রে। মীফম অদুগী মনুংদা, শ্রী মোদীনা হিস হাইনেস প্রিন্স রহিম আগা খান Vগী মপা, লৈখিদ্রবা আগা খান IV অমসুং চাউখৎ-থৌরাংগী থবকশিংদা মহাক্না লেপ্তনা শরুক তমখিবা অদুবু নীংশিংখি।
প্রধান মন্ত্রীনা হকশেল, লৌউ-শিংউ, খুঙ্গংগী চাউখৎ-থৌরাং, নহারোলশিংগী শক্তি হেনগৎহনবা অমসুং নুপীশিংগী শক্তি হেনগৎহনবা য়াওনা মরুওইবা লমশিংদা আগা খান দিবেলপমেন্ত নেতৱর্ক্কা লোয়ননা পার্তনরশিপ অসি মখা তানা মপাঙ্গল কনখৎহন্নবা লম্বীশিং খন্নখি।
এক্সকী পোস্ত অমদা শ্রী মোদীনা হায়খি;
“ঐহাক্না হিস হাইনেস প্রিন্স রহিম আগা খান Vগা উনবদা নুংঙাইবা ফাওই। মহাক্কী মপা, লৈখিদ্রবা আগা খান IV অমসুং চাউখৎ-থৌরাংগী থবকশিংদা মহাক্না লেপ্তনা শরুক তমখিবশিং অদু নীংশিংজরি।
হকশেলগী লমদা, লৌউ-শিংউ, খুঙ্গংগী চাউখৎ-থৌরাং, নহাশিং অমসুং নুপীশিংদা শক্তি পীনবগী লমদা আগা খান দিবেলপমেন্ত নেৎৱার্ক্কা লোয়ননা ঐখোয়গী পার্তনরশিপ মখা তানা মপাঙ্গল কনখৎহন্নবা লম্বীশিং খন্নখি।
@akdn”
*****
(রিলিজ আই.দি.: 2308789)
ভিজিতর কাউন্তর : 14
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam