જવાહર નવોદય વિદ્યાલયો માટેની 27મી નેશનલ યુથ પાર્લામેન્ટ સ્પર્ધા, 2025-26નો પુરસ્કાર વિતરણ સમારોહ ગુરુવાર, 10 સપ્ટેમ્બર, 2026 ના રોજ બપોરે 3:00 વાગ્યાથી GMC બાલયોગી ઓડિટોરિયમ, પાર્લામેન્ટ લાઇબ્રેરી બિલ્ડિંગ, પાર્લામેન્ટ હાઉસ કોમ્પ્લેક્સ, નવી દિલ્હી ખાતે યોજાશે.

કેન્દ્રીય સંસદીય બાબતો અને અલ્પસંખ્યક બાબતોના મંત્રી શ્રી કિરેન રિજિજુ આ સમારોહની અધ્યક્ષતા કરશે અને સ્પર્ધામાં ઉત્કૃષ્ટ પ્રદર્શન કરવા બદલ વિજેતા વિદ્યાર્થીઓ અને વિદ્યાલયોને પુરસ્કારોનું વિતરણ કરશે. આ પ્રસંગે, જવાહર નવોદય વિદ્યાલયો માટેની 27મી નેશનલ યુથ પાર્લામેન્ટ સ્પર્ધા, 2025-26માં પ્રથમ સ્થાને રહેલી “PM શ્રી જવાહર નવોદય વિદ્યાલય, ઉખરૂલ-1, મણિપુર (શિલોંગ રિજન)” ના વિદ્યાર્થીઓ પુરસ્કાર વિતરણ સમારોહ દરમિયાન "યુથ પાર્લામેન્ટ સીટિંગ" નું પુનઃ પ્રદર્શન રજૂ કરશે.

સંસદીય બાબતોનું મંત્રાલય છેલ્લા 30 વર્ષથી જવાહર નવોદય વિદ્યાલયોમાં યુથ પાર્લામેન્ટ સ્પર્ધાઓનું આયોજન કરી રહ્યું છે. જવાહર નવોદય વિદ્યાલયો માટેની નેશનલ યુથ પાર્લામેન્ટ સ્પર્ધાની યોજના હેઠળ, આ શ્રેણીમાં 27મી સ્પર્ધાનું આયોજન સમગ્ર ભારતમાં નવોદય વિદ્યાલય સમિતિના 8 રિજનોમાં પથરાયેલી 100 વિદ્યાલયો વચ્ચે 2025-26 દરમિયાન કરવામાં આવ્યું હતું.

મંત્રાલયના યુથ પાર્લામેન્ટ કાર્યક્રમનો ઉદ્દેશ્ય યુવા પેઢીઓમાં આત્મ-શિસ્તની ભાવના, વિવિધ મંતવ્યો પ્રત્યે સહિષ્ણુતા, વિચારોની યોગ્ય અભિવ્યક્તિ અને લોકશાહી જીવનશૈલીના અન્ય ગુણો કેળવવાનો છે. આ ઉપરાંત, આ કાર્યક્રમ વિદ્યાર્થીઓને સંસદની પદ્ધતિઓ અને પ્રક્રિયાઓ, ચર્ચા અને વાદ-વિવાદની તકનીકોથી પરિચિત કરે છે અને તેમનામાં આત્મવિશ્વાસ, નેતૃત્વના ગુણો અને અસરકારક વક્તૃત્વની કળા અને કૌશલ્યનો વિકાસ કરે છે.

સ્પર્ધામાં પ્રથમ સ્થાને રહેવા બદલ રનિંગ પાર્લામેન્ટરી શીલ્ડ અને ટ્રોફી “PM શ્રી જવાહર નવોદય વિદ્યાલય, ઉખરૂલ-1, મણિપુર (શિલોંગ રિજન)” ને એનાયત કરવામાં આવશે. આ ઉપરાંત, મંત્રી દ્વારા નીચેની 7 વિદ્યાલયોને તેમના સંબંધિત રિજનોમાં પ્રથમ સ્થાને રહેવા બદલ મેરિટ ટ્રોફી પણ એનાયત કરવામાં આવશે:

SM/JY/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad