جواہر نوودیہ ودیالیہ کے 27 ویں نیشنل یوتھ پارلیمنٹ مقابلہ ، 2025-26 کی تقسیم انعامات کی تقریب  جمعرات ، 10 ستمبر 2026 کو سہ پہر 3:00 بجے سے جی ایم سی بال یوگی آڈیٹوریم ، پارلیمنٹ لائبریری بلڈنگ ، پارلیمنٹ ہاؤس کمپلیکس ، نئی دہلی میں منعقد ہوگی ۔

پارلیمانی امور اور اقلیتی امور کے مرکزی وزیر جناب کرن رجیجو تقریب کی صدارت کریں گے اور انعام حاصل کرنے والے طلبہ اور ودیالیہ کو مقابلے میں شاندار کارکردگی کے لیے انعامات تقسیم کریں گے ۔ اس موقع پر ’’پی ایم شری جواہر نوودیہ ودیالیہ ، اکھرول-1 ، منی پور (خطہ شیلانگ)‘‘ کے طلباء ، جنہوں نے جواہر نوودیہ ودیالیہ کے لیے 27 ویں نیشنل یوتھ پارلیمنٹ مقابلہ ،26-2025  میں پہلا مقام حاصل کیا ، انعامات کی تقسیم کی تقریب کے دوران ’’یوتھ پارلیمنٹ سٹنگ‘‘ کی دوبارہ کارکردگی پیش کریں گے ۔

پارلیمانی امور کی وزارت پچھلے 30 برسوں  سے جواہر نوودیہ ودیالیہ میں یوتھ پارلیمنٹ مقابلوں کا انعقاد کر رہی ہے ۔ جواہر نوودیہ ودیالیہ کے لیے نیشنل یوتھ پارلیمنٹ مقابلے کی اسکیم کے تحت ، سیریز کا 27 واں مقابلہ26-2025 کے دوران پورے ہندوستان میں نوودیہ ودیالیہ سمیتی کے 8 خطوں میں پھیلے 100 ودیالیوں کے درمیان منعقد کیا گیا تھا ۔

وزارت کے یوتھ پارلیمنٹ پروگرام کا مقصد نوجوان نسلوں میں خود کے لیے نظم و ضبط کا جذبہ  پیدا کرنے، متنوع آراء کے تئیں رواداری ، نظریات کے منصفانہ اظہار اور جمہوری طرز زندگی کی دیگر خوبیوں کو پروان چڑھانا ہے ۔ اس کے علاوہ ، یہ پروگرام طلبہ کو پارلیمنٹ کے طورطریقوں اور طریقہ کار ، بحث و مباحثے کی تکنیکوں سے بھی واقف کراتا ہے اور ان میں خود اعتمادی ، قیادت کا معیار  اور موثر تقریر کے فن اور مہارت کو فروغ دیتا ہے ۔

مقابلے میں پہلے نمبر پر آنے کے لیے رننگ پارلیمنٹری شیلڈ اور ٹرافی ’’پی ایم شری جواہر نوودیہ ودیالیہ ، اکھرول-1 ، منی پور (خطہ شیلانگ)‘‘کو دی جائے گی ۔ اس کے علاوہ ، وزیر موصوف کے ذریعے درج ذیل 7 ودیالیوں کو ان کے متعلقہ علاقوں میں پہلے نمبر پر آنے پر میرٹ ٹرافیاں بھی دی جائیں گی:

 

 

********

 (ش ح ۔ش ب  ۔ج ا )

U. No.3190

 

(ریلیز آئی ڈی: 2308173) وزیٹر کاؤنٹر : 7