பிரதமர்: நான் இந்த வீட்டில் கடந்த 10-12 ஆண்டுகளாக வசித்து வருகிறேன். இங்கு நான் தொடர்ந்து, ஒவ்வொரு முறையும் யாரையாவது வரவேற்றுச் சந்தித்திருக்கிறேன் என்றால், அது விளையாட்டு வீரர்களாகிய உங்களைத்தான். கடந்த 10-12 ஆண்டுகளாக உங்களது கடுமையான உழைப்பாலும், இந்தியாவிற்குத் தொடர்ந்து வெற்றிகளைக் கொண்டுவரும் உங்களது முயற்சிகளாலும், புதிய சாதனைகளைப் படைக்கும் வழக்கத்தாலும் ஒரு மாற்றம் நடந்திருக்கிறது. அதாவது, நாங்கள் பள்ளிகளுக்குச் சென்று "விளையாடுங்கள், இதைச் செய்யுங்கள், அதைச் செய்யுங்கள்" என்று சொல்வதைக் காட்டிலும், நீங்கள் வெல்லும் பதக்கங்கள் தான் மாணவர்களுக்கு மிகப்பெரிய ஊக்கமாக அமைகின்றன.

பிரதமர்: கடந்த முறை உங்கள் இரு மகள்களையும் விளையாட்டு வீரர்களாக்குவேன் என்று எனக்கு வாக்குறுதி அளித்திருந்தீர்களே?

வீரர்: ஆமாம் ஐயா, அவர்கள் இன்னும் சிறியவர்களாகத்தான் இருக்கிறார்கள். ஆனால், அடுத்த காமன்வெல்த் போட்டியில் எங்கள் வீட்டில் இருந்து மூன்று பதக்கங்கள் நிச்சயம் வரும்.

பிரதமர்: நிச்சயம் வரும்!

வீரர்: ஆமாம் ஐயா.

வீரர்: நான் ஓடிக் கொண்டிருந்தபோது, அதாவது ஜூலை 29 அன்று எனது போட்டி நடந்தபோது, அன்று குரு பூர்ணிமா. அதனால் அன்றைய தினம் எனது குருவிற்கு ஒரு பரிசைக் கொடுத்தேன்.

பிரதமர்: நீங்கள் நாட்டிற்குப் பெருமை சேர்த்துவிட்டீர்கள். போட்டிக்குப் பிறகு உங்களது கண்களில் இருந்து பெருக்கெடுத்த கண்ணீரின் ஒவ்வொரு துளியும், ஒரு தங்கப் பதக்கமாக மாறுவது போல் எனக்குத் தோன்றியது.

வீரர்: அன்று நான் மிகவும் மகிழ்ச்சியாகவும், அதே சமயம் உணர்ச்சிவசப்பட்டும் இருந்தேன். பாரிஸ் ஒலிம்பிக்கில் வெறும் 1 கிலோ வித்தியாசத்தில் நான் பதக்கத்தை தவறவிட்டிருந்ததால், இந்த வெற்றி எனக்கு அதிக மகிழ்ச்சியைத் தந்தது. மேலும், ஒரு விளையாட்டு வீரரின் வாழ்க்கையில் நாங்கள் எவ்வளவோ சவால்களை எதிர்கொள்கிறோம். கடந்த நான்கு ஆண்டுகளில் நான் பல பிரச்சனைகளைச் சந்தித்தேன் - இடைவிடாத காயங்கள், குடும்பப் பிரச்சனைகள் என எல்லாவற்றையும் கடந்து அந்த நான்கு ஆண்டுகளை எதிர்கொள்வது மிகவும் கடினமாக இருந்தது. நான் வெற்றி மேடையில்  நின்று, நமது தேசியக் கொடி மேலே உயர்த்தப்பட்டு, தேசிய கீதம் இசைக்கப்பட்டபோது, ஐயா... எங்களால் உணர்ச்சிகளைக் கட்டுப்படுத்த முடியவில்லை, தானாகவே கண்ணீர் வந்துவிட்டது.

பிரதமர்: மிக மிகச் சிறப்பு!

பிரதமர்: இந்த சாதனையை நான் உங்களுடையதாக மட்டும் பார்க்கவில்லை. இந்த வெற்றி எதிர்கால சந்ததியினருக்கு ஒரு மிகப்பெரிய ஊக்கமாக அமையும்.

வீரர்: எல்லோரும் நம்மைக் கண்டு பயந்தார்கள். "இந்தியாவுடன் மோதினால் முதல் போட்டியிலேயே தோற்றுவிடுவோம், அப்புறம் நமக்கு பதக்கமே கிடைக்காது" என்று பேசிக்கொண்டார்கள்.

பிரதமர்: அப்படியானால் அவர்களாகவே அதை முடிவு செய்துவிட்டார்கள்!

வீரர்: ஆமாம் ஐயா.

பிரதமர்: என்ன நடந்தது, உணவகச்  சாப்பாட்டு விஷயத்தில் நீங்கள் அங்கே உள்ளவர்களுடன் வாதாடியதாகக் கேள்விப்பட்டேனே?

வீரர்: எங்களுக்குப் போட்டிகள் மிகவும் நன்றாக அமைந்தன. அன்றுதான் கடைசி நாள், இந்தியர்கள் அனைவரும் வெற்றி பெற்றிருந்தோம். அங்கிருந்த சூழ்நிலை எனக்கு சற்று வருத்தமளிப்பதாக இருந்தது. அதனால் அவர்களிடம் நான் அமைதியாகவும் பணிவாகவும் பேசி வேண்டுகோள் விடுத்தேன். அவர்களும் ஒப்புக்கொண்டு, அதை மாற்றிக் கொடுத்தார்கள்.

பிரதமர்: வெற்றி, மகிழ்ச்சி, கொண்டாட்டம் நிறைந்த தருணம் அது. உங்களது சகாக்களுடன் போட்டிகள் முடிந்து, அனைவரும் சிரித்து மகிழும் அந்த நேரத்தில், உலக வரைபடத்தைக் கவனித்து அதைச் சுட்டிக்காட்டியது சாதாரண விஷயமல்ல. பதக்கங்கள் வெல்லும்போது மட்டுமல்ல, இதுபோன்ற தருணங்களிலும் ஒட்டுமொத்த தேசமும் உங்களுடன் நிற்பதை உணர்கிறது. உண்மையிலேயே சொல்கிறேன், இந்த வீடியோ சாதாரணமானது அல்ல; மக்கள் இதை நீண்ட காலம் நினைவில் வைத்திருப்பார்கள். இப்போது உலகெங்கிலும் உள்ள குத்துச்சண்டை வீரர்களும் உங்களைக் கண்டு பயப்படத் தொடங்கிவிட்டார்கள்!

வீரர்: நிச்சயமாக ஐயா, அனைவரும் பயந்தார்கள். ஒன்றன்பின் ஒன்றாகத் தொடர்ந்து தங்கப் பதக்கங்கள் வந்துகொண்டே இருந்தன, இறுதியில் அது ஒரு மாபெரும் வெடிப்பைப் போல் அமைந்தது. எங்களுக்குக் கிடைக்கும் ஆதரவும், தொடர்ந்து அடுத்தடுத்து கிடைக்கும் போட்டி வாய்ப்புகளும் மிகப்பெரிய விஷயங்கள். மேலும், நமது இளம் விளையாட்டு வீரர்களில் பலர் 'கேலோ இந்தியா' திட்டத்தின் மூலமே உருவெடுத்து வந்திருக்கிறார்கள். இது விளையாட்டுத் துறையிலேயே ஒரு மாபெரும் மாற்றத்தைக் கொண்டு வருகிறது.

பிரதமர்: நீங்களாகவே 'கேலோ இந்தியா' திட்டத்தின் பெருமையை உயர்த்தினால், ரிப்பன் வெட்டுவதால் மட்டும் அந்தப் பெருமை வந்துவிடாது. ஒரு சிறிய மாணவர், ஒரு சிறுவன் அல்லது ஒரு இளம் விளையாட்டு வீரர் எப்படி விளையாடுவாரோ, அதேபோல நீங்களும் விளையாட வேண்டும். இது ஒரு மிகப்பெரிய பங்களிப்பாக இருக்கும். ஏனென்றால், நாம் இன்னும் வெகுதூரம் செல்ல வேண்டியிருக்கிறது; இன்னும் எவ்வளவோ பதக்கங்களைக் கொண்டுவர வேண்டியிருக்கிறது. கார்கில் வெற்றி தினம் அன்று வெற்றி பெற்றது யார்?

வீரர்: அன்று கார்கில் தினம், மேலும் நான் பாகிஸ்தானுடன் போட்டியிட்ட நாளும் அதே தினம்தான். நான் இந்திய ராணுவத்தைச் சேர்ந்தவன் என்பதால், பாகிஸ்தானை நிச்சயம் தோற்கடிக்க வேண்டும் என்று முன்பே உறுதி பூண்டிருந்தேன். அதேபோல் பாகிஸ்தானை 5-0 என்ற கணக்கில் தோற்கடித்தேன். அந்த வெற்றியை நமது இந்திய ராணுவத்தின் கார்கில் வீரர்களுக்குச் சமர்ப்பித்தேன்.

பிரதமர்: நீங்கள் இதை நினைவில் கொள்ள வேண்டும். நீங்களே ராணுவத்தைச் சேர்ந்தவர் என்பதால், உங்களது பதக்கத்தைக் கார்கில் வெற்றி வீரர்களுக்குச் சமர்ப்பித்த அந்த உணர்வு, அந்த வெற்றிக்குப் பெருமை சேர்த்துள்ளது என்று நான் உண்மையிலேயே நம்புகிறேன். யாருக்குத் தோல்வியைக் கொடுக்க வேண்டுமோ, சரியாக அவருக்கே தோல்வியைக் கொடுத்துவிட்டீர்கள்!

வீரர்: பாகிஸ்தானைப் பற்றிப் பேசும்போது எனக்கு ஒரு சம்பவம் நினைவுக்கு வருகிறது ஐயா. 2015 உலக ராணுவப் போட்டிகளில், எனது முதல் போட்டியே பாகிஸ்தானுக்கு எதிரானதாக இருந்தது. ராணுவத்தைச் சேர்ந்தவர்கள் எனக்கு போன் செய்து, "பாகிஸ்தானிடம் மட்டும் தோற்றுவிடாதே" என்றார்கள். அதனால் நான் முதல் சுற்றை 4-1 என்றும், இரண்டாவது சுற்றை 3-2 என்றும் வென்றேன். ஆனால் போட்டியில் எங்கள் இருவரின் தலைகளும் மோதிக்கொண்டதால் இருவருக்குமே காயம் ஏற்பட்டு, தையல் போடுவதற்காக இருவருமே மருத்துவமனைக்குச் சென்றோம். ஆனாலும் அந்தப் போட்டியில் நானே வெற்றி பெற்றேன்.

பிரதமர்: ஆமாம்.

வீரர்: அதற்குப் பிறகு, இருவருமே தையல் போடுவதற்காக மருத்துவமனைக்குச் சென்றோம். பின்னர் 2014-ல் நீங்கள் முதன்முறையாகப் பிரதமரானபோது, நரேந்திர ராணா என்ற நபர் எங்கள் ராணுவப் பயிற்சியாளராக இருந்தார். அவர் சற்று நேரம் யோசித்துவிட்டு என்னிடம், "சகோதரா, நான் ஒன்று சொல்லட்டுமா?" என்றார். நான் "சொல்லுங்கள்" என்றேன். அதற்கு அவர், "உன் பெயர் நரேந்திரா, உன் பயிற்சியாளரின் பெயர் நரேந்திரா, பிரதமரின் பெயரும் நரேந்திரா... எனக்கு இந்த 'நரேந்திரா' என்ற பெயரைப் பார்த்தாலே வெறுப்பாக இருக்கிறது!" என்றார்.

பிரதமர்: நீங்கள் பதக்கங்களின் எண்ணிக்கையை மட்டும் உயர்த்தவில்லை, ஒரு முழு புதிய தலைமுறையையே உருவாக்கியிருக்கிறீர்கள்.

வீரர்: எனக்கு நெஞ்சு பதற்றத்தில் வேகமாகத் துடிக்கிறது ஐயா.

பிரதமர்: கவலைப்படாதீர்கள்.

வீரர்: இருந்தாலும்...

பிரதமர்: நீங்கள் நினைத்தால், பேசுவதற்குக் கூட ஒரு பதக்கம் வாங்கிவிடுவீர்கள்!

வீரர்: என் நண்பர்கள் வட்டத்தில், நான் யாருக்காவது நல்ல விஷயங்களை அறிவுரையாகச் சொன்னால், "என்ன, மோடியைச் சந்திக்கப் போகிறாயா?" என்று கேட்பார்கள்.

பிரதமர்: ஆமாம்.

வீரர்: ஹரியான்வி மொழியில் அவர்கள் என்னிடம், "என்ன, மோடியையா சந்திக்கப் போகிறாய்? நீ சொல்வதை அவர் கேட்பதற்கு?" என்று கேட்பார்கள். ஆனால் இன்று நான் உங்களைச் சந்தித்துவிட்டேன் ஐயா. இனி அவர்களிடம், "ஆமாம், நான் மோடிஜியைச் சந்தித்துவிட்டேன்" என்று என்னால் சொல்ல முடியும்.

வீரர்: காமன்வெல்த் போட்டியில் நான் வெள்ளிப் பதக்கம் வென்றேன். அதற்குப் பிறகு அந்த வெற்றிக்கான பெருமையை ஐயாவிற்குத்தான் அளித்தேன். ஒரு முறையாவது பதக்கம் வெல்ல வேண்டும் என்பதுதான் என் கனவாக இருந்தது. ஆனால் ஆரம்பத்தில் பயிற்சி மையம் எதுவும் இல்லை. இந்திய விளையாட்டு ஆணையத்தில் சேர்ந்த பிறகு, நான் தீவிரமாகப் பயிற்சிபெற்றுப் பதக்கம் வென்றேன். என் திறமை மிகவும் முன்னேற்றம் அடைந்ததால், நான் மிகுந்த மகிழ்ச்சியுடன் இந்த வெற்றிக்கான பெருமையை ஐயாவிற்கு அளித்தேன்.

பிரதமர்: இது எனக்குக் கிடைத்த மிகப்பெரிய பெருமை. நீங்கள் கடுமையாக உழைத்தீர்கள், அதே சமயம் என்னையும் நினைவில் வைத்திருந்தீர்கள். உங்களுக்கு என் மனமார்ந்த நன்றிகள், என் நண்பரே!

பிரதமர்: நீங்கள் வாரணாசியில்தானே பயிற்சி எடுத்துக்கொண்டிருந்தீர்கள்?

வீரர்: ஆமாம் ஐயா.

பிரதமர்: அங்குள்ள மைதானம் எப்படி இருக்கிறது?

வீரர்: ஐயா, அது நன்றாக இருக்கிறது. நான் அங்குள்ள கோவிலுக்குச் சென்றிருந்ததால், 10-12 நாட்கள் அங்கு தங்கிப் பயிற்சி செய்தேன். மேலும் எனக்கு காசி விஸ்வநாதரை மிகவும் பிடிக்கும் என்பதால், எதிர்காலத்தில் அங்கேயே குடியேறவும் ஆசைப்படுகிறேன் ஐயா.

பிரதமர்: நீங்கள் போபாலில்தானே பயிற்சி பெற்றுக்கொண்டிருந்தீர்கள்?

வீரர்: ஆமாம் ஐயா.

பிரதமர்: நீங்கள் உஜ்ஜைனிக்குச் சென்றீர்களா?

வீரர்: ஆமாம் ஐயா, நான் உஜ்ஜைனிக்கும் சென்றேன்.

பிரதமர்: நல்லது, மாகாளேஸ்வரர் கோவிலுக்கு அருகில் சென்றீர்களா?

வீரர்: ஆமாம் ஐயா.

பிரதமர்: நீங்கள் ஏற்கனவே ஒருமுறை காசி விஸ்வநாதர் கோவிலுக்கும் சென்றிருந்தீர்கள் அல்லவா?

வீரர்: ஆமாம் ஐயா.

பிரதமர்: இப்போது ஸ்ராவண (சரவன்) மாதம் நடக்கிறது.

வீரர்: நான் வீட்டிற்குச் சென்றுவிட்டு, பிறகு அங்கு செல்வேன் ஐயா.

பிரதமர்: சரி.

வீரர்: இந்திய விளையாட்டு ஆணையமும் எனக்கு மிகவும் ஆதரவாக இருந்தது ஐயா. அதனால்தான் நான் இந்த நிலையை அடைந்தேன். மேலும் 2018-ல் நடந்த முதல் 'கேலோ இந்தியா' போட்டியிலும் நான் பங்குபெற்றேன். அதில் நான் வெள்ளிப் பதக்கம் வென்றேன். தொடக்க விழாவில் உங்களை நான் பார்த்தேன். அங்கு பதக்கம் வென்றதால் எனக்கு இந்தத் திட்டத்தின் வாய்ப்பு கிடைத்து, இன்று இந்த அளவிற்கு உயர்ந்து நிற்கிறேன் ஐயா.

பிரதமர்: விளையாட்டுக்கான ஏற்பாடுகள் என்பது ஒருபுறம் இருக்க, நாட்டில் ஒரு விளையாட்டுப் பண்பாடு உருவாகும்போதுதான் நாடு பதக்கங்களை வெல்லும். நண்பர்களே, நீங்கள் ஒரு மாபெரும் காரியத்தைச் செய்திருக்கிறீர்கள். நாட்டிற்குப் பெருமை சேர்த்திருக்கிறீர்கள். உங்களுக்கு என் மனமார்ந்த வாழ்த்துகள். என்னை நம்புங்கள், எதிர்காலத்திலும் நீங்கள் வெற்றி பெறுவீர்கள்; மீண்டும் ஒருமுறை நாம் அனைவரும் இங்கே சந்திப்போம். மிக்க நன்றி, எனது நல்வாழ்த்துகள்!

பிரதமர்: நீங்கள் தொடர்ச்சியாக மூன்றாவது முறையாக நாட்டிற்குப் பதக்கம் கொண்டு வந்திருக்கிறீர்கள்.

வீரர்: மிக்க நன்றி ஐயா.

பிரதமர்: பல நல்வாழ்த்துகள், குழந்தாய்.

வீரர்: மேலும் மிக்க நன்றி ஐயா! நான் ஐயாவின் கையால் லட்டு சாப்பிடுகிறேன். நேற்றுதான் எனது பிறந்தநாள், அதனால் இன்று ஐயாவின் கையால்...

பிரதமர்: வாழ்த்துகள், அற்புதம்!

பிரதமர்: புன்னகையுங்கள், என் நண்பரே!

பிரதமர்: யார் விளையாடுகிறாரோ, அவர் நிச்சயம் மிளிருவார் .

பொறுப்புத் துறப்பு : இது பிரதமர் ஆற்றிய உரையாடலின் தோராயமான மொழிபெயர்ப்பாகும். மூல உரை இந்தியில் நிகழ்த்தப்பட்டது.

(Release ID: 2297002)

***

AD/VK/PD