ভারতকী উপ-রাস্ত্রপতি, শ্রী সি. পি. রাধাকৃষ্ণননা ঙসি শিলোংগী সোসো থাম ওদিতোরিয়মদা মেঘালয়গী মীয়াম অমসুং সরকারনা মহাকপু ইকায় খুম্নবগা লোইননা ওকপগী মীয়ামগী ওইবা থৌরম অমদা শরুক য়াখ্রে। মহাকপু তরাম্না ওকপীবগীদমক থাগৎপা ফোংদোক্লদুনা হায়খি মদুদি রাজ্য অসিগী চাউখৎ থৌরাংগী খোঙচৎতা মহাক্না মতম পুম্নমক্তা মেঘালয়গী মীয়ামগা লোয়ননা লেপমিন্নগনি।

Vice-President Shri C. P. Radhakrishnan graced a public reception organised in his honour by the people and Government of Meghalaya at Soso Tham Auditorium, Shillong today.

The Vice President laid the foundation stones for five projects worth over ₹1000 crores. These include… pic.twitter.com/OZqJPC1g2Y

— Vice-President of India (@VPIndia) September 7, 2026

উপ-রাস্ত্রপতিনা মেঘালয়াগী মপুং ওইবা নাৎকী হেরিতেজ, মহৌশাগী ফজবা অমসুং মেত্রিলিনেএল হেরিতেজ য়াওনা তোপ তোপ্পা খুন্নাইগী ওইবা ইন্সতিত্যুসনশিংগী মতাংদা পনখি। মহাক্না হায়খি মদুদি রাজ্য অসিগী মখোঙদগী হৌনা চাউখৎলক্লিবা ইন্সতিত্যুসনশিং অসিনা ভারতকী মখল-মখা কয়া অমসুং দেমোক্রেসিগী চৎনবীশিং উৎলি। মহাক্কী হান্নগী লোক সভাগী মরুপ লৈখিদ্রবা শ্রী পি. এ. সাংমাবু মহাক্না অচৌবা লুচিংবা অমসুং পার্লিয়ামেন্তরী দেমোক্রেসীদা অচৌবা থৌদাং লৌখিবা শক্নাইরবা স্পীকর অমনি হায়না ফোংদোকখি।

শ্রী সি. পি. রাধাকৃষ্ণন্না হায়খি অশেংবা সেক্যুলরিতী হায়বসি অমনা অমগী ৱাখল্লোন অমসুং থাজবশিংবু ইকায় খুম্নবা হায়বনি। মীপুম খুদিংমক্না অমগা অমগা ইকায় খুম্নবা অমসুং নুংশি চান্ননা লৈমিন্নগদবনি হায়না মহাক্না অকনবা ৱাফম থমখি। চাউখৎ-থৌরাং অসি ইনক্লুসিব ওইগদবনি অমসুং খুন্নাইগী কাঙলুপ পুম্নমকপু চিত্থদনা কোনশিনগদবনি হায়নসু মহাক্না ফোংদোকখি।

লম্বী থোংগী মরুওইবা পল্লদুনা উপ রাস্ত্রপতিনা হায়খি মদুদি অরাপ্পা খুঙ্গংশিংবু শহরশিংগা শম্নহন্নবা হোৎনরি। মহাক্না হায়খি মদুদি পি.এম.জি.এস.ৱাই.গী মখাদা হৌখিবা চহী তরা অসিদা অৱাং-নোংপোক লমদমদা কি.মি. ৪৬,০০০গী খুঙ্গংগী লম্বীশিং শেমগৎখ্রে। মসিদা লুপা করোর ৪৭,০০০ হেন্না চাদিং তৌখ্রে। মহাক্না জল জীবন মিসন ২.০গী মখাদা মেঘালয়গী রিফোর্মগা মরী লৈনবা এম ও য়ুগীসু থাগৎপা ফোংদোকখি।

উপ রাস্ত্রপতিনা লুপা করোর ১০১০.৯৫গী প্রোজেক্ত মঙাগী উরেপ উয়ুং তমখি। মসিগী মনুংদা অর্বান চেলেঞ্জ ফন্দগী মখাদা ন্যু শিলোং ৱাতর সপ্লাই স্কিম ফেজ II, পার্ত এ (লুপা করোর ৮৫০.৫৮) য়াওরি। এন.ই.এস.আই.দি.এস.গী মখাদা লম্বী কনেক্তিবিতী প্রোজেক্ত অনি, শিলোং সিভিল হোস্পিতালদা ফমুং ৩০ লৈবা অয়ুশ ফেসিলিতী অমসুং পি.এম.-দিবাইনগী মখাদা মাৱখানুদা ১৩২/৩৩ কে.ভি. ১৩২/৩৩ কে.ভি. সবস্তেসন য়াওরি।

মহাক্না নেস্নেল হেল্থ মিসনগী মখাদা লুপা করোর ৩১.০৫গী শেনফম্না শাবা নোংস্তোইনদা লৈবা মেতর্নিতী অমসুং চিলদ্রেন হোস্পিতালসু শঙ্গাখি। মহাক্না হায়খি মদুদি চাউরাক্না লুপা করোর ১,০৪২গী অপুনবা শেনফম ওইগদবা প্রোজেক্তশিং অসিনা মেঘালয়দা ঈশিং সপ্লাই, কনেক্তিবিতী, হেল্থকেয়র অমসুং পাৱর ইনফ্রাস্ত্রকচর মপাঙ্গল কনখৎহল্লগনি।

উপ-রাস্ত্রপতিনা হোমস্তে প্রোগ্রাম, সি.এম.-এলিভেত অমসুং গ্রীন মেঘালয় য়াওনা ইনফ্রাস্ত্রকচর অমসুং তুরিজমদা রাজ্য সরকারনা পায়খৎলিবা থবকশিংবু থাগৎপা ফোংদোকখি। মহাক্না মুখ্য মন্ত্রী শ্রী কনরাদ কে. সাংমাগী চাউখৎ-থৌরাংগীদমক মহাক্কী মন্ত্রী পরিষদ অমসুং মেঘালয়গী মীয়ামদা য়াইফ-পাউজেল পীজরি।

২০৪৭ ফাওবদা বিক্সিত ভারতকী মঙলানগী মতাংদা পল্লদুনা শ্রী সি. পি. রাধাকৃষ্ণন্না মরুওইনা ফোংদোকখি মদুদি খোংজেল অসি ইনক্লুসিব ওইগদবনি, খুন্নাইগী কাঙলুপ অমত্তা চিত্থহল্লোইদবনি অমসুং মেঘালয়গী মরাং কায়রবা অকোয়বগী ফিভম, কলচর অমসুং চৎনবীশিং ঙাক্না চৎকদবনি। রাজ্য অসিগী লিভিং রুত ব্রিজ অমসুং সোহরা অমসুং মাওসিনরামগী লেন্দস্কেপশিংগী মতাংদা পল্লদুনা মহাক্না হায়খি মদুদি মেঘালায়না মহৌশাগা লোয়ননা অমত্তা ওইনা হিংমিন্নবগী মমল য়াম্লবা ৱারোলশিং পীরি।

মুখ্য মন্ত্রী শ্রী কনরাদ কে. সাংমা, উপ মুখ্য মন্ত্রী শ্রী প্রেস্তোন তিনসোং অমসুং শ্রী স্নিয়াবভলং ধার, মন্ত্রী শ্রী সানবোর শুলাই, চীফ সেক্রেতরী দোক্তর শকিল অহমদ অমসুং অতৈ মশক নাইবা মীওই কয়ানা থৌরম অদুদা শরুক য়াখি।

***