প্ৰধানমন্ত্ৰীৰ কাৰ্যালয়
ড০ ভূপেন হাজৰিকাৰ ১০০ সংখ্যক জয়ন্তী উপলক্ষে প্ৰধানমন্ত্ৰীৰ শ্ৰদ্ধাঞ্জলি জ্ঞাপন
পোষ্ট কৰা হৈছে:
08 SEP 2026 11:55AM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে কিংবদন্তি শিল্পী ড০ ভূপেন হাজৰিকাৰ ১০০ সংখ্যক জয়ন্তী উপলক্ষে তেওঁৰ প্ৰতি শ্ৰদ্ধাঞ্জলি জ্ঞাপন কৰে।
প্ৰধানমন্ত্ৰীয়ে কয় যে ড০ ভূপেন হাজৰিকাৰ কণ্ঠই অসমৰ আত্মা তথা উত্তৰ-পূবৰ প্ৰাণশক্তিক সমগ্ৰ দেশলৈ কঢ়িয়াই লৈ গৈছিল। সংগীতৰ জৰিয়তে ড০ হাজৰিকাই অগণন লোকৰ চিন্তা আৰু ভাৱনাক সুন্দৰকৈ প্ৰকাশ কৰাৰ লগতে জনসাধাৰণৰ মাজত একতাৰ ভাৱ গঢ়ি তুলিছিল বুলি প্ৰধানমন্ত্ৰীগৰাকীয়ে উল্লেখ কৰে।
শ্ৰী মোদীয়ে যোৱা বছৰ গুৱাহাটীৰ ড০ হাজৰিকাৰ জন্ম শতবাৰ্ষিকী উদযাপনৰ আৰম্ভণি কাৰ্যসূচীত উপস্থিত থকাৰ কথা আন্তৰিকতাৰে স্মৰণ কৰে।
প্ৰধানমন্ত্ৰীগৰাকীয়ে কয় যে ভূপেন দাৰ জীৱন আৰু কৰ্মই প্ৰজন্মৰ পাছত প্ৰজন্মক অনুপ্ৰাণিত কৰি থাকিব।
প্ৰধানমন্ত্ৰীয়ে এক্স-ত লিখিছে;
"কিংবদন্তি ড০ ভূপেন হাজৰিকাৰ ১০০ সংখ্যক জন্ম বাৰ্ষিকী উপলক্ষে তেওঁক সুঁৱৰিছো।
তেওঁৰ কণ্ঠই অসমৰ আত্মা তথা উত্তৰ-পূবৰ প্ৰাণশক্তিক সমগ্ৰ দেশলৈ লৈ গৈছিল।
সংগীতৰ জৰিয়তে তেওঁ অগণন লোকৰ চিন্তা আৰু মনোভাৱক সুন্দৰভাৱে প্ৰকাশ কৰিছিল। তেওঁৰ গীতসমূহে মানুহৰ মাজত একতাৰ ভাৱ গঢ়ি তুলিছিল।
যোৱা বছৰ গুৱাহাটীত তেওঁৰ জন্ম শতবাৰ্ষিকী উদযাপনৰ আৰম্ভণি অনুষ্ঠানত অংশগ্ৰহণ কৰাৰ কথা মই আন্তৰিকতাৰে স্মৰণ কৰিছো। ভূপেন দাৰ জীৱন আৰু কৰ্মই প্ৰজন্মৰ পাছত প্ৰজন্মক অনুপ্ৰাণিত কৰি থাকিব।"
*****
MJPS/SS/ST/DD
(ৰিলিজ আই ডি : 2307757)
অতিথি কক্ষ : 7