প্রধান মন্ত্রী শ্রী নরেন্দ্র মোদীনা পেরিসতা বি.এ.পি.এস. স্বামিনরায়ন হিন্দু মন্দির শঙ্গাবগী থৌরমদা ভিদিও কনফরেন্সকী খুত্থাংদা মীয়ামদা ৱা ঙাংখ্রে। ফ্রাঞ্চকী কোনুংদা পাংথোকপা নিংশিংবা য়াবা থৌরম অমা ওরিবা শঙ্গাবগী থৌরম অসি পল্লদুনা প্রধান মন্ত্রীনা পুৱারী ওইরবা থৌরম অসিবু লৈবাক অনিগী মরীগী য়ুম্ফম ওইবা থৌরম অমা ওইনা শকখঙখি। শ্রী মোদীনা হায়খি, "চাউরবা স্বামিনরায়ন লাইশঙ অসি ভারত অমসুং ফ্রাঞ্চকী মরক্তা লৈরিবা নাৎকী মরীদা অনৌবা মায় পাকপা অমনি।"

ইকাই খুম্নরবা সেন্তশিং অমসুং সনাতন চৎনবী চৎচরিবা মীওইশিংদা য়াইফ-পাউজেল পীরদুনা প্রধান মন্ত্রীনা থৌরম অসি মালেমগী ওইনা নুংশিনবগী অশেংবা মশক অমনি হায়না ফোঙদোকখি। মহাক্না হায়খি মদুদি হায়রিবা থৌরম অসিনা মালেমগী থাক্তা অরিবা মতমগী ফিলোসোফীশিংবু মশক তাক্লি। শ্রী মোদীনা হায়খি, "ঙসিদি, ফম্বাক অসিনা ভাসুধৈব কুতুম্বকমগী ইনোতপু পুক্নিং থৌগৎপা ফম্বাক অমা ওইরে।"

লাইগী মঙাল ফংলবা অমসুং স্পিরিচুএল লুচিংবশিংগী নুংশিববু ইকাইখুম্নবা  ফোংদোক্লদুনা, প্রধান মন্ত্রীনা অসিগুম্বা অখন্নবা মায় পাকপশিং অসিগা লোইননা লেপ্তনা  লৈরক্লিবা মরীগী মতাংদা পনখি। শ্রী মোদীনা হায়খি, "ঐহাক্না অসিগুম্বা অখন্নবা থৌরমশিংদা শরুক য়াবগী খুদোংচাবা অসি লেপ্পা লৈতনা ফংলি।"

লাপ্না মীয়ামদা ৱা ঙাংলদুনা, প্রধান মন্ত্রীনা মহাক মশামক্না মফম অদুদা লৈত্রবসু হৌজিক চত্থরিবা কুমহৈশিং অসিগা মরী লৈনবগী মতাংদা মহাক্কী থম্মোয়গী ওইবা মরী অদু ফোংদোকখি। শ্রী মোদীনা হায়খি, "ঐহাক্কী ৱাখল অমসুং থম্মোয়দা ঐহাক অসি নখোয়গী মরক্তা লৈ হায়না লৌই।"

পরম পুজ্যা প্রমুখ স্বামীজী মহারাজবু ইকায় খুম্নবা উৎলদুনা, প্রধান মন্ত্রীনা ভারতকী অরিবা মতমগী কলচরেল অমসুং স্পিরিচুএলগী মায় পাকপশিংবু অমুক হন্না হিংগৎহন্নবা হৌদোকখিবা কেম্পেন অদু নীংশিংখি। মালেম শীনবা থুংনা পাংথোকপা মিসন অসিনা চহি কয়া অসিদা মতৌ করম্না চাউনা খুমাং চাওশিল্লক্লিবগে হায়বদু মহাক্না পনখি। শ্রী মোদীনা হায়খি মদুদি ঙসিদি রিনাসান্সকী মঙাল অসি য়ুরোপ য়াওনা মালেম শীনবা থুংনা শন্দোরক্লি।

২০২৪গী অঙনবা শরুক্তা শঙ্গাখিবা অবু ধাবি লাইশঙদগী হৌরগা হৌজিক ফাওবদগী খোঙচৎ অদু য়েংলদুনা, প্রধান মন্ত্রীনা স্পিরিচুএল লিদরশিং অসিগী থৱায় য়াওনা হোৎনরিবশিং অসিবু শিংথাখি। শ্রী মোদীনা হায়খি মদুদি, লৈশেম্লোন মখা চত্থদুনা লৈরকপা অসিনা সেন্তশিংগী অচেৎপা ফিরেপ অদুগী খুদম ওইরি।"

পরম পুজ্য মহন্ত স্বামী মহারাজদা অচেৎপা ইকাই খুম্নবা উৎলদুনা, প্রধান মন্ত্রীনা বি.এ.পি.এস. ওর্গনাইজেসন অমসুং মসিগী মীওই মিলিয়ন কয়াবু থম্মোয় শেংনা থাগৎপা ফোংদোকখি। শ্রী মোদীনা হায়খি, "ঐহাক্না মসিগী অফবা থবক অসিগীদমক ঐহাক্কী থাগৎপা ফোংদোকচরি।"

মালেম শীনবা থুংনা লাইশং শঙ্গাবা অসিনা ভারতকী অরিবা মতমগী ফিলোসোফীবু মতৌ করম্না শন্দোকপগে হায়বদু শন্দোক্না তাক্লদুনা প্রধান মন্ত্রীনা মীওইবগী অচেৎপা অমত্তা ওইবগী তঙাই ফদবা লৈ হায়বা লমজিং-লমতাক্লিবা ৱাখল্লোন অদু পনখি। অসিগুম্বা মরুওইবা ভেল্যুশিং অসি মহৌশানা স্পিরিচুএল সেরিমোনিয়মশিংগা লোয়ননা চৎলি হায়না মহাক্না অকনবা ৱাফম থমখি। ঐখোয়গী ৱাখল্লোন অসি অমত্তা ওইগদবনি অমসুং ঐখোয়গী থম্মোয় অসি শম্নগদবনি হায়না ভারতকী ৱাখল্লোন অসিনা হায়রি।"

পাক-চাউবা খুন্নাইগী ইথিল অদু পল্লদুনা, প্রধান মন্ত্রীনা অকনবা ৱাফম থমখি মদুদি অঙকপা স্ত্রকচর অসিনা মতম অমত্তদা লোকেল কলচরেল লেন্দস্কেপশিং হেনগৎহল্লগনি অমসুং নাকল অনিগী মরীদা অহেনবা শক্তি পীরগনি। শ্রী মোদীনা হায়খি মদুদি লাইশং অসিনা ফ্রাঞ্চকী মখল-মখা য়াম্লবা নাৎকী মপাঙ্গল কনখৎহল্লগনি অমসুং ঐখোয়গী চৎনবীগী মরীশিংবু মপাঙ্গল কনখৎহল্লগনি।

হৌখিবা চহিশিংদা দিপ্লোমেতিক ওইবা মরীশিং হেনগৎলকপগী মতাংদা প্রধান মন্ত্রীনা প্রসিদেন্ত ইমানুয়েল মেক্রোনগা লোইননা পুন্না মিৎয়েং চঙদুনা হোৎনমিন্নবগী মতাংদা পনখি। লৈবাক অনিমক্না পুন্না অখন্নবা গ্লোবেল স্ত্রেতেজিক পার্তনরশিপ অমা শেমগৎলি হায়না শ্রী মোদীনা ফোংদোকখি।

এ.আই., ঙাকশেল, স্পেস অমসুং ক্লাইমেৎ এক্সনগী লমদা নাকল অনিগী ওইবা তেংবাং পীনবগী পাক চাউরবা স্কোপ অদু পল্লদুনা প্রধান মন্ত্রীনা লাক্কদৌরিবা ২০২৬ ভারত-ফ্রান্স ইয়র ওফ ইনোবেসনগী মতাংদা পনখি। মহাক্না হায়খি মদুদি অপুনবা হোৎনরিবশিং অসিনা হান্নগা মান্নদবা তেক্নোলোজিগী খুমাং চাওশিল্লকপগী থোঙ হাংদোক্লি। শ্রী মোদীনা হায়খি মদুদি ঐখোয়না অনৌবা থৌনা অমসুং অনৌবা ইনর্জীগা লোয়ননা মাংলোমদা চংশিল্লি।

মোদর্ন এলাইন্স অসিগী অখন্নবা মশক অদু পল্লদুনা, প্রধান মন্ত্রীনা লৈবাক অনিগী মরক্তা লৈনরিবা অচেৎপা পুৱারী ওইরবা মরীশিং অদুগীদমক মসিগী হৌজিক্কী মতমগী মপাঙ্গল অসি লৈ হায়না ফোংদোকখি। শ্রী মোদীনা হায়খি মদুদি স্ত্রেতেজিক পার্তনরশিপ অসিগী অখন্নবা মরমদি মসিনা ঐখোয়গী অরিবা কলচরেল অমসুং রাজনিতীগী ওইবা মরীশিংগী মপাঙ্গল কনখৎপদা য়ুম্ফম ওইরি।

ফ্রাঞ্চকী লৈমায়দা ভারতকী লান্মীশিংনা উৎখিবা থৌনা অদু নীংশিংলদুনা, মালেমগী থাক্তা ভারতকী ক্লাসিকেল লোল অমা ৱাংখৎহনবদা ফ্রেঞ্চ স্কোলরশিংনা লৌরিবা মরুওইবা থৌদাং অদুসু প্রধান মন্ত্রীনা থাগৎখি। শ্রী মোদীনা হায়খি, "মখোয়না সংস্কৃতপু মীয়াম্না খঙহনবদা য়াম্না মরু ওইবা থৌদাং লৌরি।"

লিতরেচর অমসুং স্পিরিচুএল এক্সচেঞ্জশিংদা ৱা ঙাংলদুনা, প্রধান মন্ত্রীনা রোমান রোলান্দগী ইন্দিয়ন মিস্তিক্সকী ৱারীশিং অমসুং পুদুচেরীদা মাদরগী ত্রান্সফোর্মেতিব ওইবা খোংচৎপু ইথিল পীনবগী শক্তি লৈরবা মশক অমা ওইনা পনখি। মহাক্না হায়খি মদুদি ৱাখলগী ওইবা থবকশিং অসিনা লৈবাক অনিমক্কী মীয়ামদা মতৌ করম্না ইথিল পীবগে হায়বদু মহাক্না খঙখি। শ্রী মোদীনা হায়খি, "মসিগুম্বা স্পিরিচুএল কনেক্সনশিং অসিনা চহি কয়া অসিদা ঐখোয়গী খুন্নাইশিং অসি য়াম্না নকশিন্নহল্লে।"

থাজবগী পুৱারী ওইরবা মাইলস্তোনশিং অদু য়েংলদুনা প্রধান মন্ত্রীনা চহি তরাগী খুজিং কয়াগী মমাংদা ফ্রান্সতা শক্নাইরবা স্পিরিচুএল লিদর অমা লাকখিবগী মতাংদা পনখি। শ্রী মোদীনা হায়খি, "ইস্কোনগী খুত্থাংদা শ্রীল প্রভুপদ স্বামীনা স্পিরিচুএল রিলেসনশিংগী অনৌবা চেপ্তর অমা হৌদোকখি।"

আইফেল তাৱর অমসুং অনৌবা লাইশং অসিগী মনাক্তা য়োগবু পাক শন্না শীজিন্নবগী মরী অদু পল্লদুনা প্রধান মন্ত্রীনা হায়খি মদুদি মসি মীয়ামগা মীয়ামগা শম্ননবগী মতিক চাবা পাম্বৈ অমনি। শ্রী মোদীনা হায়খি, "মসিগী চাউরবা লাইগী লাইশঙ অসিগী খুত্থাংদা ঐখোয়গী কলচরগী মরীদা অনৌবা চেপ্তর অমা হাপচিল্লি।"

ইকোনোমিক টর্মিনোলোজীবু স্পিরিচুএল নেরেতিবতা হাপচিন্দুনা, প্রধান মন্ত্রীনা লাইশং অসি শেমগৎলকপা অসি অনৌবা মতমগী বাইলেতরেল এন্তরপ্রাইজ দিসকশন্দা শান্নরগা চাংদম্নখি। শ্রী মোদীনা হায়খি, "স্বামিনরায়ন লাইশঙ অসিনা জোইন্ত ভেঞ্চরশিংগী ওইথোকপা য়াবা মওংদা মপুং ফানা অনৌবা দিমেন্সন অমা হাপচিল্লে।"

আর্কিতেকচরেল সিন্থেসিসকী মতাংদা পল্লদুনা, প্রধান মন্ত্রীনা হায়খি মদুদি অরিবা মতমগী ভারতকী কার্বিং তেলেন্তনা মতৌ করম্না মোদর্ন ফ্রেঞ্চ ইঞ্জিনীয়রিংগা লোইননা চপ মান্ননা পুন্সিনবগে হায়বদু শন্দোক্না তাকখি। মহাক্না ভারত্‌তগী থারকপা নুংশিংনা চেকশিন্না হক্লিবশিংগী থবক অদু ফোংদোকখি। শ্রী মোদীনা হায়খি মদুদি লাইশং অসি তশেংনা 'মেদ ইন ইন্দিয়া' অমসুং 'বিল্ত ইন ফ্রান্স'নি।

তুংলমচৎকী মায়কৈদা মিৎয়েং অমা থম্লদুনা, প্রধান মন্ত্রীনা মসিগী কোলাবোরেতিব আর্কিতেকচরেল ৱার্লদ অসিগী লেমহৌরিবা লিগেসী অসিদা অৱাংবা থাক্কী থাজবা ফোংদোকখি। শ্রী মোদীনা হায়খি, "মসি ভারত অমসুং ফ্রাঞ্চকী মরক্তা চহী চা কয়া তেংবাং পীনবা অমসুং ওইথোকপা য়াবশিংগী খুদম অমা ওইখিগনি।"

ইন্সতিত্যুসনশিং অসিদা য়াওরিবা স্পিরিচুএল প্রাক্তিস অমসুং সোসিএল ৱেলফেয়রগী মিসন অদু মপাঙ্গল কনখৎহন্দুনা, প্রধান মন্ত্রীনা মফম অসিগী লাক্কদৌরিবা হ্যুমেনিতরিয়ান প্রোজেক্তশিংগী মতাংদা অপেনবা ফোংদোকখি। শ্রী মোদীনা হায়খি, স্বামিনরায়ন লাইশঙশিং অসি মতম পুম্নমক্তা ভক্তিগা লোয়ননা সেবা তৌবগী মীৎয়েং অমা ওইদুনা লাক্লি।

সেন্তর অসিনা লমদম অসিদা করি শাফু পীরক্কদগে হায়বদু পল্লদুনা প্রধান মন্ত্রীনা হায়খি মদুদি ভারতকী হেরিতেজকী মগুনশিং অসিনা চাউরবা কন্তিনেন্ত অসি চাউখৎহল্লগনি। মহাক্না থাজবা থমখি মদুদি তাকপীরম্বশিং অসি পেরিসতগী হেন্দোক্না শন্দোক্কনি। শ্রী মোদীনা হায়খি, "মসিদগী থোরক্লিবা ভারতকী চৎনবীগী খোঞ্জেল অসিনা য়ুরোপ শিনবা থুংবগী মীয়ামদা কান্নবা পীগনি।" তুংদা, মতম ফংলবা মতমদা, ঐহাক্না লাইশঙ অসিদা খুরমজনবা চৎকনি হায়না শ্রী মোদীনা ফোংদোকখি।

হরাওবগা লোইননা মহাক্কী ৱারোল লোইশিল্লদুনা, প্রধান মন্ত্রীনা থৌরম অদুদা শরুক য়াখিবা মীওইশিং, ইমুং-মনুংশিং, ভক্তশিং অমসুং হৌদোকপগী থৌরম পাংথোক্লিবা মপান্দা লৈবা মীওই পুম্নমক্তা মহাক্কী য়াইফ পাউজেল পীখি।

It is a matter of great joy that BAPS Swaminarayan Hindu Mandir is being inaugurated in Paris.@BAPS https://t.co/PaXRoM0mkv

— Narendra Modi (@narendramodi) September 6, 2026

***