₹37,500 ಕೋಟಿ ಮೊತ್ತದ ಭೂಮೇಲ್ಮೈ ಕಲ್ಲಿದ್ದಲು/ಲಿಗ್ನೈಟ್ ಅನಿಲೀಕರಣ ಯೋಜನೆಗಳ ಪ್ರಚಾರಕ್ಕಾಗಿ ಯೋಜನೆಯು ಯಾವುದೇ ಅರ್ಜಿಗಳನ್ನು ಆಹ್ವಾನಿಸಲಿಲ್ಲ ಎಂದು ಸೂಚಿಸುವ ಪತ್ರಿಕಾ ವರದಿಗಳನ್ನು ಉಲ್ಲೇಖಿಸಿ, ಕೇಂದ್ರ ಕಲ್ಲಿದ್ದಲು ಸಚಿವಾಲಯವು ಸರಿಯಾದ ಸಂಗತಿಗಳನ್ನು ದಾಖಲೆಯಲ್ಲಿ ಇರಿಸಲು ಪ್ರಯತ್ನಮಾಡಿದೆ. ಅಂತಹ ಪತ್ರಿಕಾ ವರದಿಗಳ ಅವಾಸ್ತವಿಕವಾಗಿವೆ ಮತ್ತು ಯೋಜನೆಯ ಸ್ಥಿತಿ ಅಥವಾ ಅರ್ಜಿ ಪ್ರಕ್ರಿಯೆಯನ್ನು ವಾಸ್ತವವಾಗಿ ಪ್ರತಿಬಿಂಬಿಸುವುದಿಲ್ಲ ಎಂದು ಕೇಂದ್ರ ಕಲ್ಲಿದ್ದಲು ಸಚಿವಾಲಯವು ಈ ಮೂಲಕ ಸ್ಪಷ್ಟಪಡಿಸ ಬಯಸುತ್ತದೆ.

ಭೂಮೇಲ್ಮೈ ಕಲ್ಲಿದ್ದಲು/ಲಿಗ್ನೈಟ್ ಅನಿಲೀಕರಣ ಯೋಜನೆಗಳ ಪ್ರಚಾರಕ್ಕಾಗಿ ಯೋಜನೆಯನ್ನು ಕೇಂದ್ರ ಸಚಿವ ಸಂಪುಟವು 13 ಮೇ 2026 ರಂದು ₹37,500 ಕೋಟಿ ಒಟ್ಟು ಆರ್ಥಿಕ ವೆಚ್ಚದೊಂದಿಗೆ ಅನುಮೋದಿಸಿತು. ದೇಶದಲ್ಲಿ ಕಲ್ಲಿದ್ದಲು ಮತ್ತು ಲಿಗ್ನೈಟ್ ಅನಿಲೀಕರಣದ ಅಭಿವೃದ್ಧಿಯನ್ನು ವೇಗಗೊಳಿಸುವ ಮತ್ತು ದೇಶೀಯ ಕಲ್ಲಿದ್ದಲು ಮತ್ತು ಲಿಗ್ನೈಟ್ ಅನ್ನು ಸಿಂಗಾಸ್, ಮೆಥನಾಲ್, ಅಮೋನಿಯಾ ಮತ್ತು ಯೂರಿಯಾ ಸೇರಿದಂತೆ ಹೆಚ್ಚಿನ ಮೌಲ್ಯದ ಉತ್ಪನ್ನಗಳಾಗಿ ಪರಿವರ್ತಿಸುವುದನ್ನು ಉತ್ತೇಜಿಸುವ ಗುರಿಯನ್ನು ಈ ಯೋಜನೆ ಹೊಂದಿದೆ. ಅಂತಹ ಮೌಲ್ಯವರ್ಧಿತ ಉತ್ಪನ್ನಗಳ ಉತ್ಪಾದನೆಗೆ ದೇಶೀಯ ಸಂಪನ್ಮೂಲಗಳ ಹೆಚ್ಚಿನ ಬಳಕೆಯನ್ನು ಸುಗಮಗೊಳಿಸುವ ಮೂಲಕ, ಈ ಯೋಜನೆಯು ಆಮದು ಮಾಡಿಕೊಂಡ ಕಚ್ಚಾ ಸಾಮಗ್ರಿಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಲು ಮತ್ತು ಭಾರತದ ಇಂಧನ ಮತ್ತು ಆರ್ಥಿಕ ಭದ್ರತೆಯನ್ನು ಬಲಪಡಿಸಲು ಪ್ರಯತ್ನಿಸುತ್ತದೆ.

ಯೋಜನೆಯ ಅನುಮೋದನೆಯ ನಂತರ, ಸಂಭಾವ್ಯ ಯೋಜನಾ ಅಭಿವರ್ಧಕರ ಭಾಗವಹಿಸುವಿಕೆಯನ್ನು ಉತ್ತೇಜಿಸಲು ಕೇಂದ್ರ ಕಲ್ಲಿದ್ದಲು ಸಚಿವಾಲಯವು ನಿರಂತರ ಸಂಪರ್ಕ ಮತ್ತು ಪಾಲುದಾರರ ತೊಡಗಿಸಿಕೊಳ್ಳುವಿಕೆಯ ವಿವಿಧ ಪ್ರಯತ್ನಗಳನ್ನು ಕೈಗೊಂಡಿತು. 2026 ರ ಮೇ 28 ರಂದು ನವದೆಹಲಿಯಲ್ಲಿ, 2026ರ ಜೂನ್ 11 ರಂದು ಹೈದರಾಬಾದ್‌ ನಲ್ಲಿ ಮತ್ತು 2026ರ ಜೂನ್ 18 ರಂದು ಮುಂಬೈನಲ್ಲಿ ರಸ್ತೆ ಪ್ರದರ್ಶನಗಳನ್ನು ಆಯೋಜಿಸಲಾಯಿತು. ಈ ಕಾರ್ಯಕ್ರಮಗಳಲ್ಲಿ ರಾಜ್ಯ ಸರ್ಕಾರಗಳು, ಸಾರ್ವಜನಿಕ ಮತ್ತು ಖಾಸಗಿ ವಲಯದ ಕಂಪನಿಗಳು, ತಂತ್ರಜ್ಞಾನ ಪೂರೈಕೆದಾರರು, ಹೂಡಿಕೆದಾರರು, ಹಣಕಾಸು ಸಂಸ್ಥೆಗಳು ಮತ್ತು ಇತರ ಪಾಲುದಾರರ ಪ್ರತಿನಿಧಿಗಳು ಒಟ್ಟಾಗಿ ಸೇರಿದರು. ಈ ಕಾರ್ಯಕ್ರಮಗಳಲ್ಲಿ ಕೇಂದ್ರ ಕಲ್ಲಿದ್ದಲು ಮತ್ತು ಗಣಿ ಸಚಿವರು ಮತ್ತು ಸಚಿವಾಲಯದ ಹಿರಿಯ ಅಧಿಕಾರಿಗಳು ಭಾಗವಹಿಸಿದ್ದರು, ಇದು ಯೋಜನೆಯಲ್ಲಿ ಜಾಗೃತಿ ಮೂಡಿಸುವ ಮತ್ತು ಉದ್ಯಮ ಭಾಗವಹಿಸುವಿಕೆಯನ್ನು ಸುಗಮಗೊಳಿಸುವ ಸರ್ಕಾರದ ಮಹತ್ವವನ್ನು ಪ್ರತಿಬಿಂಬಿಸುತ್ತದೆ.

ಯೋಜನೆಯ ಅಡಿಯಲ್ಲಿ ಪ್ರಸ್ತಾವನೆಗಾಗಿ ವಿನಂತಿಯನ್ನು ಜುಲೈ 7, 2026 ರಂದು ಹೊರಡಿಸಲಾಯಿತು, ಅದರ ನಂತರ ಅರ್ಜಿಗಳನ್ನು ಸಲ್ಲಿಸಲು ಆನ್ಲೈನ್ ಪೋರ್ಟಲ್ ಅನ್ನು ಪ್ರಾರಂಭಿಸಲಾಯಿತು. ಹೆಚ್ಚಿನ ಸ್ಪಷ್ಟತೆಯನ್ನು ಸುಲಭಗೊಳಿಸಲು ಮತ್ತು ಸಂಭಾವ್ಯ ಅರ್ಜಿದಾರರಿಗೆ ಸ್ಪಷ್ಟೀಕರಣಗಳನ್ನು ಪಡೆಯಲು ಅವಕಾಶವಿದೆ ಎಂದು ಖಚಿತಪಡಿಸಿಕೊಳ್ಳಲು, ಜುಲೈ 20, 2026 ರಂದು ಅರ್ಜಿ ಸಲ್ಲಿಸುವ ಪೂರ್ವ ಸಮ್ಮೇಳನವನ್ನು ನಡೆಸಲಾಯಿತು. ಸಮ್ಮೇಳನದ ಸಮಯದಲ್ಲಿ, ಸಂಭಾವ್ಯ ಅರ್ಜಿದಾರರು ಯೋಜನೆಯ ವಿವಿಧ ನಿಬಂಧನೆಗಳು, ಅರ್ಹತಾ ಅವಶ್ಯಕತೆಗಳು ಮತ್ತು ಅರ್ಜಿ ಪ್ರಕ್ರಿಯೆಗೆ ಸಂಬಂಧಿಸಿದಂತೆ ಪ್ರಶ್ನೆಗಳನ್ನು ಎತ್ತಿದರು ಮತ್ತು ಸ್ಪಷ್ಟೀಕರಣಗಳನ್ನು ಕೋರಿದರು. ಸಚಿವಾಲಯವು ಆಸಕ್ತಿ ಹೊಂದಿರುವ ಪಾಲುದಾರರೊಂದಿಗೆ ಅವರ ಭಾಗವಹಿಸುವಿಕೆಯನ್ನು ಸುಗಮಗೊಳಿಸಲು ಸಹ ಮುಂದುವರಿಸಿದೆ.

ಅರ್ಜಿಗಳನ್ನು ಸಲ್ಲಿಸಲು ಮೊದಲ ಸುತ್ತಿನ ಗಡುವು ಸೆಪ್ಟೆಂಬರ್ 7, 2026. ಅದರಂತೆ, ಅರ್ಜಿ ಸಲ್ಲಿಸುವ ವಿಂಡೋ ಮುಚ್ಚುವವರೆಗೆ ಮೊದಲ ಸುತ್ತಿನಲ್ಲಿ ಸ್ವೀಕರಿಸಿದ ಅರ್ಜಿಗಳ ಸಂಖ್ಯೆಯನ್ನು ನಿರ್ಣಯಿಸಲು ಅಥವಾ ನಿರ್ಣಾಯಕವಾಗಿ ಹೇಳಲಾಗುವುದಿಲ್ಲ. ಮೊದಲ ಅರ್ಜಿ ಸಲ್ಲಿಸುವ ವಿಂಡೋ ಇನ್ನೂ ತೆರೆದಿರುವಾಗ ಯೋಜನೆಯು ಯಾವುದೇ ಅರ್ಜಿಗಳನ್ನು ಸ್ವೀಕರಿಸಿಲ್ಲ ಎಂಬ ಯಾವುದೇ ತೀರ್ಮಾನವು ಅಕಾಲಿಕವಾಗಿದೆ ಮತ್ತು ನಿಜವಾದ ಸ್ಥಾನವನ್ನು ಪ್ರತಿನಿಧಿಸುವುದಿಲ್ಲ.

ಇದಲ್ಲದೆ, ಪಾಲುದಾರರೊಂದಿಗೆ ಚರ್ಚೆಗಳ ಆಧಾರದ ಮೇಲೆ, ಟಾಲ್ಚರ್ ಫರ್ಟಿಲೈಸರ್ಸ್ ಲಿಮಿಟೆಡ್ (ಟಿ ಎಫ್‌ ಎಲ್) ಮತ್ತು ಎನ್‌.ಟಿ.ಪಿ.ಸಿ. ಲಿಮಿಟೆಡ್ ಈಗಾಗಲೇ ಆನ್ಲೈನ್ ಪೋರ್ಟಲ್ ಮೂಲಕ ತಮ್ಮ ಅರ್ಜಿಗಳನ್ನು ಸಲ್ಲಿಸಿವೆ ಎಂದು ಸಚಿವಾಲಯಕ್ಕೆ ತಿಳಿಸಲಾಗಿದೆ. ಯೋಜನೆಯು "ಯಾವುದೇ ಅರ್ಜಿದಾರರನ್ನು" ಸ್ವೀಕರಿಸಿಲ್ಲ ಎಂಬ ಪತ್ರಿಕಾ ವರದಿಯು ವಾಸ್ತವಿಕವಾಗಿ ತಪ್ಪಾಗಿದೆ. ಯೋಜನಾ ಸಿದ್ಧತೆ ಮತ್ತು ಅರ್ಜಿ ಅಂತಿಮಗೊಳಿಸುವ ವಿವಿಧ ಹಂತಗಳಲ್ಲಿರುವ ಇತರ ಸಂಭಾವ್ಯ ಅರ್ಜಿದಾರರೊಂದಿಗೆ ಸಚಿವಾಲಯವು ಇನ್ನೂ ಕೂಡಾ ಸಂವಹನ ನಡೆಸುತ್ತಿದೆ.

ಯೋಜನೆಯಡಿಯಲ್ಲಿ ಕಲ್ಪಿಸಲಾದ ಯೋಜನೆಗಳ ಗಮನಾರ್ಹ ಪ್ರಮಾಣ ಮತ್ತು ಸಂಕೀರ್ಣತೆಯನ್ನು ಗಮನದಲ್ಲಿಟ್ಟುಕೊಂಡು, ಸಂಭಾವ್ಯ ಅರ್ಜಿದಾರರು ಪೂರ್ವ-ಕಾರ್ಯಸಾಧ್ಯತಾ ವರದಿಗಳ ತಯಾರಿಕೆ, ತಂತ್ರಜ್ಞಾನ ಆಯ್ಕೆಗಳ ಮೌಲ್ಯಮಾಪನ, ಕಲ್ಲಿದ್ದಲು/ಲಿಗ್ನೈಟ್ ಮತ್ತು ಇತರ ಫೀಡ್ಸ್ಟಾಕ್ ವ್ಯವಸ್ಥೆಗಳ ಗುರುತಿಸುವಿಕೆ, ಯೋಜನೆಯ ಅರ್ಥಶಾಸ್ತ್ರದ ಮೌಲ್ಯಮಾಪನ ಮತ್ತು ವಿವರವಾದ ಯೋಜನಾ ಪ್ರಸ್ತಾವನೆಗಳ ತಯಾರಿಕೆ ಸೇರಿದಂತೆ ಗಣನೀಯ ಪೂರ್ವಸಿದ್ಧತಾ ಕಾರ್ಯಗಳನ್ನು ಕೈಗೊಳ್ಳಬೇಕಾಗುತ್ತದೆ. ಆದ್ದರಿಂದ ಗಡುವು ಸಮೀಪಿಸುತ್ತಿದ್ದಂತೆ ಹೆಚ್ಚುವರಿ ಅರ್ಜಿದಾರರು ತಮ್ಮ ಪ್ರಸ್ತಾವನೆಗಳನ್ನು ಅಂತಿಮಗೊಳಿಸಬಹುದು ಮತ್ತು ಸಲ್ಲಿಸಬಹುದು ಎಂದು ನಿರೀಕ್ಷಿಸಲಾಗಿದೆ.

ಮುಖ್ಯವಾಗಿ, ಉದ್ಯಮವು ಭಾಗವಹಿಸಲು ಬಹು ಅವಕಾಶಗಳನ್ನು ಒದಗಿಸಲು ಯೋಜನೆಯನ್ನು ರಚಿಸಲಾಗಿದೆ. ಅರ್ಜಿ ಸುತ್ತುಗಳು ರೋಲಿಂಗ್ ಆಧಾರದ ಮೇಲೆ ಕಾರ್ಯನಿರ್ವಹಿಸುತ್ತವೆ. ಒಂದು ಸುತ್ತಿನ ಅರ್ಜಿ ಹಂತ ಮುಚ್ಚಿದ ನಂತರ, ನಂತರದ ಮುಂದಿನ ಸುತ್ತು ಮರುದಿನದಿಂದಲೇ ತೆರೆಯುತ್ತದೆ ಮತ್ತು ಎರಡು ತಿಂಗಳ ಅವಧಿಗೆ ತೆರೆದಿರುತ್ತದೆ. ಯೋಜನಾ ಸಿದ್ಧತೆಯನ್ನು ಪೂರ್ಣಗೊಳಿಸಲು ಹೆಚ್ಚುವರಿ ಸಮಯ ಬೇಕಾಗಬಹುದಾದ ಕಂಪನಿಗಳು ಹಿಂದಿನ ಸುತ್ತಿನಲ್ಲಿ ಭಾಗವಹಿಸಲು ಸಾಧ್ಯವಾಗದ ಕಾರಣ ಅವುಗಳನ್ನು ಹೊರಗಿಡಲಾಗುವುದಿಲ್ಲ ಎಂದು ಇದು ಖಚಿತಪಡಿಸುತ್ತದೆ. ದೊಡ್ಡ ಪ್ರಮಾಣದ ಕಲ್ಲಿದ್ದಲು/ಲಿಗ್ನೈಟ್ ಅನಿಲೀಕರಣ ಯೋಜನೆಗಳಿಗೆ ಸಂಬಂಧಿಸಿದ ಗಣನೀಯ ಸಿದ್ಧತೆ ಮತ್ತು ಹೂಡಿಕೆ ಅಗತ್ಯತೆಗಳನ್ನು ಗಮನದಲ್ಲಿಟ್ಟುಕೊಂಡು ರೋಲಿಂಗ್-ರೌಂಡ್ ಕಾರ್ಯವಿಧಾನವನ್ನು ಉದ್ದೇಶಪೂರ್ವಕವಾಗಿ ಸಂಯೋಜಿಸಲಾಗಿದೆ.

ಯೋಜನೆಯಲ್ಲಿ ಬಲವಾದ ಕೈಗಾರಿಕಾ ಭಾಗವಹಿಸುವಿಕೆಯ ಬಗ್ಗೆ ಸಚಿವಾಲಯವು ಬಹಳಷ್ಟು ವಿಶ್ವಾಸ ಹೊಂದಿದೆ. ಈ ಉಪಕ್ರಮವು ಸುಮಾರು 25 ಯೋಜನೆಗಳಲ್ಲಿ ಸುಮಾರು ₹2.5 ಲಕ್ಷ ಕೋಟಿಯಿಂದ ₹3 ಲಕ್ಷ ಕೋಟಿವರೆಗಿನ ಹೂಡಿಕೆಗಳನ್ನು ಉತ್ತೇಜಿಸುವ ಮತ್ತು ಸುಮಾರು 50,000 ನೇರ ಮತ್ತು ಪರೋಕ್ಷ ಉದ್ಯೋಗಾವಕಾಶಗಳನ್ನು ಸೃಷ್ಟಿಸುವ ನಿರೀಕ್ಷೆಯಿದೆ. 2030ರ ವೇಳೆಗೆ 100 ಮಿಲಿಯನ್ ಟನ್ ಕಲ್ಲಿದ್ದಲು ಅನಿಲೀಕರಣ ಸಾಮರ್ಥ್ಯವನ್ನು ಸಾಧಿಸುವ ಸರ್ಕಾರದ ವಿಶಾಲ ಉದ್ದೇಶಕ್ಕೂ ಈ ಯೋಜನೆ ಗಮನಾರ್ಹವಾಗಿ ಕೊಡುಗೆ ನೀಡುತ್ತದೆ.

ಈ ಯೋಜನೆಯು ಅನುಷ್ಠಾನದ ಆರಂಭಿಕ ಹಂತದಲ್ಲಿದೆ ಮತ್ತು ಮೊದಲ ಅರ್ಜಿ ಸಲ್ಲಿಕೆ ಅವಧಿ ಸೆಪ್ಟೆಂಬರ್ 7, 2026 ರವರೆಗೆ ತೆರೆದಿರುತ್ತದೆ ಮತ್ತು ಆದ್ದರಿಂದ, ಯೋಜನೆ ಪ್ರಕ್ರಿಯೆಯ ಮಧ್ಯಂತರ ಹಂತದಲ್ಲಿ "ಯಾವುದೇ ಆಹ್ವಾನ ಬಂದಿಲ್ಲ" ಎಂದು ನಿರೂಪಿಸುವುದು ಸೂಕ್ತವಲ್ಲ ಎಂದು ಕೇಂದ್ರ ಕಲ್ಲಿದ್ದಲು ಸಚಿವಾಲಯ ಪುನರುಚ್ಚರಿಸಿದೆ. ಪ್ರಾರಂಭಿಕ ಪ್ರಕ್ರಿಯೆ ಹಾಗೂ ಸ್ಪಂದನೆಗಳ ಪೂರ್ವ ಹಂತದ ಮೌಲ್ಯಮಾಪನಗಳ ಆಧಾರದ ಮೇಲೆ ಅಲ್ಲ, ನಿಗದಿತ ಅರ್ಜಿ ಪ್ರಕ್ರಿಯೆ ಮತ್ತು ನಂತರದ ಸುತ್ತುಗಳ ಪೂರ್ಣಗೊಂಡ ನಂತರ ಅದರ ಯಶಸ್ಸು ಮತ್ತು ಭಾಗವಹಿಸುವಿಕೆಯ ಮಟ್ಟವನ್ನು ನಿರ್ಣಯಿಸಬೇಕು.

ಈ ಯೋಜನೆಯು ನಿರಂತರ ಉದ್ಯಮ ಭಾಗವಹಿಸುವಿಕೆಯನ್ನು ಪಡೆಯುತ್ತದೆ ಮತ್ತು ಭಾರತದಲ್ಲಿ ಕಲ್ಲಿದ್ದಲು ಮತ್ತು ಲಿಗ್ನೈಟ್ ಅನಿಲೀಕರಣದ ಅಭಿವೃದ್ಧಿಗೆ ಗಮನಾರ್ಹ ಪ್ರಚೋದನೆಯನ್ನು ನೀಡುತ್ತದೆ ಎಂದು ಕೇಂದ್ರ ಕಲ್ಲಿದ್ದಲು ಸಚಿವಾಲಯ ವಿಶ್ವಾಸ ಹೊಂದಿದೆ.

*****