امور داخلہ کی وزارت
امورِ داخلہ اور امدادِ باہمی کے مرکزی وزیر جناب امت شاہ نے ویڈیو کانفرنسنگ کے توسط سے آرچری ایسو سی ایشن آف انڈیا کی ’ورلڈ آرچریز پیرا سیریز‘ کا افتتاح کیا
یہ مقابلے، جن کا اہتمام 5 سے 9 ستمبر تک کیا جا رہا ہے، ایتھلیٹوں اور احمدآباد دونوں کے لیے ایک یادگار موقع ثابت ہوں گے
اس اسپورٹس سینٹر میں کوچنگ اور تربیتی سہولتوں کو بین الاقوامی معیارات کے مطابق تیار کیا جائے گا، یہ سینٹر نہ صرف بھارت کے ایتھلیٹوں کے لیے بلکہ دنیا بھر کے کھلاڑیوں کے لیے بھی تربیت کا ایک بڑا مرکز ہوگا
بھارت بھی تمام طرح کے کھیلوں کی تربیت کا مرکز بنے گا، اس کے علاوہ ملک کھیل کود سے متعلق سہولتوں اور سازو سامان کی تیاری کا بھی مرکز بنے گا
آنے والے دنوں میں، بھارت اسپورٹس انجینئرنگ اور اسپورٹس میڈیکل سائنس کے میدانوں میں ایک عالمی قائد کے طور پر ابھرے گا، ساتھ ہی ملک کھیل کود میں لگنے والی چوٹوں کے علاج اور طبی بحالی کے ایک بڑا طبی مرکز بھی بنے گا
وزیر اعظم جناب نریندر مودی کی قیادت میں، ہم بھارت کو کھیل کود کے معاملے میں دنیا کا وسیع ترین مرکز بنانے کی تصوریت کے ساتھ آگے بڑھ رہے ہیں
بھارت کا مقصد صرف زیادہ سے زیادہ تمغات جیتنا ہی نہیں، بلکہ اولمپکس، ایشین گیمز، کامن ویلتھ گیمز، پولیس گیمز، اور اسی طرح کے مقابلوں میں شامل تمام تر کھیلوں کو مضبوط بنانا ہے
مرکزی وزیر داخلہ نے ’’ورلڈ آرچری پیرا سیریز‘‘ میں شرکت کرنے والے 19 ممالک کے 108 ایتھلیٹوں کو اپنی جانب سے نیک ترین خواہشات پیش کیں اور کہا، ’’آپ بھارت آئے ہو، جس کی تہذیبی اقدار ’واسودھیو کٹمبکم‘- پوری دنیا ایک کنبہ ہے کے جذبے میں مضمر ہے‘‘
سال 2030 میں کامن ویلتھ گیمز کے 100برس مکمل ہوجائیں گے، اور یہ بڑی خوشی کی بات ہے کہ احمد آباد اس تقریب کی میزبانی کرے گا
احمدآباد 2036 اولمپک گیمز کی میزبانی کے لیے اپنا نام داخل کر چکا ہے، اور ہمیں یقین ہے کہ 2036 اولمپک گیمز بھی احمدآباد میں منعقد ہوں گے
چیمپئنس صرف کھیل کود، مشق اور کوچنگ سے نہیں تیار ہوتے؛ وہ جیتنے کی خواہش اور مسلسل سخت محنت سے تیار ہوتے ہیں، کھلاڑی کا جذبہ، لگن اور جیتنے کا عزم ہی چیمپئن بننے کی حقیقی بنیاد ہے
پوسٹ کرنے کی تاریخ:
04 SEP 2026 8:19PM by PIB Delhi
امور داخلہ اور امدادِ باہمی کے مرکزی وزیر جناب امت شاہ نے آج ویڈیو کانفرنسنگ کے ذریعے آرچری ایسوسی ایشن آف انڈیا کی 'ورلڈ آرچری پیرا سیریز' کا افتتاح کیا۔ اپنے خطاب میں، مرکزی وزیر داخلہ اور تعاون کے وزیر نے کہا کہ 5 سے 9 ستمبر 2026 تک منعقد ہونے والا یہ مقابلہ کھلاڑیوں اور احمد آباد دونوں کے لیے ایک انتہائی یادگار موقع ثابت ہوگا۔
جناب امت شاہ نے کہا کہ آنے والے دنوں میں احمد آباد، گجرات اور بھارت کھیلوں کی دنیا کے بڑے مراکز بن کر ابھریں گے۔ بھارت نہ صرف ہر قسم کے کھیلوں کی تربیت کا مرکز بنے گا، بلکہ کھیلوں کی سہولیات اور ساز و سامان کی تیاری کا بھی مرکز بن جائے گا۔ انہوں نے کہا کہ اسی جامع وژن کے ساتھ، وزیر اعظم جناب نریندر مودی کی قیادت میں، ہم بھارت کو دنیا کا سب سے بڑا کھیلوں کا مرکز بنانے کی سمت میں آگے بڑھ رہے ہیں۔
امورِ داخلہ اور امدادِ باہمی کے مرکزی وزیر نے کہا کہ ہمارا مقصد محض زیادہ سے زیادہ تمغے جیتنا نہیں ہے، بلکہ اولمپکس، ایشین گیمز، کامن ویلتھ گیمز، پولیس گیمز اور اس طرح کے دیگر مقابلوں میں شامل تمام کھیلوں کو مضبوط بنانا ہے۔ انہوں نے کہا کہ یہاں دستیاب جدید ترین تربیت اور کوچنگ کی سہولیات صرف احمد آباد، گجرات یا بھارت تک محدود نہیں رہیں گی، بلکہ انہیں بین الاقوامی معیار کو مدنظر رکھ کر تیار کیا جا رہا ہے۔ یہ سہولت نہ صرف بھارت کے کھلاڑیوں بلکہ دنیا بھر کے کھلاڑیوں کے لیے کوچنگ کا ایک بڑا مرکز بن جائے گی۔ انہوں نے کہا کہ آنے والے دنوں میں، بھارت اور گجرات ’اسپورٹس انجری کیئر‘ کے شعبے میں بھی بڑے عالمی مراکز کے طور پر ابھریں گے۔
جناب امت شاہ نے کہا کہ ان کھیلوں میں بھوٹان، برطانیہ، چین، بنگلہ دیش، فرانس، جرمنی، انڈونیشیا اور امریکہ سمیت 19 ممالک کے کھلاڑی حصہ لے رہے ہیں۔ مرکزی وزیر داخلہ نے 'ورلڈ آرچری پیرا سیریز' میں شرکت کرنے والے 19 ممالک کے 108 کھلاڑیوں کو اپنی نیک تمنائیں پیش کیں اور کہا، 'آپ ایک ایسے بھارت میں آئے ہیں جس کی تہذیبی اقدار 'وسودھیو کٹمبکم' یعنی پوری دنیا ایک خاندان ہے، کے جذبے میں مضمر ہیں۔' ہرویندر سنگھ، شیتل دیوی، راکیش کمار، شیام سندر سوامی اور پایل ناگ جیسے کھلاڑیوں نے عالمی سطح پر بھارت کا نام روشن کیا ہے۔
امورِ داخلہ اور امدادِ باہمی کے مرکزی وزیر نے کہا کہ 2030 میں دولت مشترکہ کھیلوں کے 100 برس مکمل ہو جائیں گے، اور یہ انتہائی خوشی کی بات ہے کہ احمد آباد اس تاریخی ایونٹ کی میزبانی کرے گا۔ احمد آباد نے 2036 کے اولمپک گیمز کی میزبانی کے لیے بھی اپنا نام پیش کیا ہے، اور ہمیں پورا یقین ہے کہ 2036 کے اولمپکس بھی احمد آباد ہی میں منعقد ہوں گے۔ جناب امت شاہ نے مزید کہا کہ گجرات نے 2025 اور 2026 کے درمیان تقریباً 10 بین الاقوامی کھیلوں کے مقابلوں کی میزبانی کی ہے۔ یہ مقابلے شریک کھلاڑیوں کو احمد آباد، گجرات اور بھارت کو قریب سے دیکھنے اور جاننے کا بہترین موقع فراہم کرتے ہیں۔ انہوں نے کہا کہ ایک چیمپئن صرف کھیل، مشق اور کوچنگ سے نہیں بنتا، بلکہ کھلاڑی کے اندر موجود جیتنے کی سچی تڑپ اور خواہش سے بنتا ہے۔
******
(ش ح –ا ب ن)
U.No:2897
(ریلیز آئی ڈی: 2306891)
وزیٹر کاؤنٹر : 9