સામાજિક ન્યાય અને આધિકારિતા મંત્રાલયના કેન્દ્રીય રાજ્ય મંત્રી શ્રી રામદાસ આઠવલેએ રાષ્ટ્રીય રાજધાની સ્થિત એમસીડી કમ્યુનિટી હોલ, મટિયાલા ખાતે યોજાયેલા એક કાર્યક્રમમાં એમસીડી નજફગઢ ઝોનના વેસ્ટ પીકર્સને નમસ્તે કાર્ડ્સ (NAMASTE Cards) આપવાનો પ્રારંભ કરાવ્યો.

આ કાર્યક્રમ દેશભરમાં સ્વચ્છતા કામદારોની સુરક્ષા, ગૌરવ અને સામાજિક-આર્થિક સ્થિતિમાં સુધારો લાવવાના ઉદ્દેશ્યથી શરૂ કરાયેલી નેશનલ એક્શન ફોર મિકેનાઇઝ્ડ સેનિટેશન ઇકોસિસ્ટમ (NAMASTE) યોજના હેઠળ વેસ્ટ પીકર્સની સત્તાવાર ઓળખ અને સશક્તિકરણ તરફ એક મહત્વપૂર્ણ પગલું દર્શાવે છે.

નમસ્તે કાર્ડ્સની સાથે, મંત્રીશ્રીએ આ મહત્ત્વપૂર્ણ કાર્યબળને આરોગ્ય સંભાળ કવરેજના લાભો પહોંચાડતા ઉપસ્થિત વેસ્ટ પીકર્સ વચ્ચે આયુષ્માન કાર્ડ્સનું પણ વિતરણ કર્યું.

પોતાના સંબોધનમાં શ્રી આઠવલેએ ભારતીય શહેરોને સ્વચ્છ રાખવામાં વેસ્ટ પીકર્સના અથાક યોગદાનની સરાહના કરી અને તેમના કામને રાષ્ટ્રની સ્વચ્છતા અને જાહેર આરોગ્યના પ્રયાસો માટે આવશ્યક ગણાવ્યું. તેમણે કામદારોને તેમની કામગીરીની સ્થિતિ અને કલ્યાણકારી યોજનાઓ સુધી પહોંચ સુધારવામાં સરકારના સંપૂર્ણ સહયોગ અને સતત ટેકાની ખાતરી આપી.

કાર્યક્રમમાં ઉપસ્થિત જનમેદનીને સંબોધિત કરતા શ્રી રામદાસ આઠવલે

નજફગઢ ઝોનના 300 થી વધુ વેસ્ટ પીકર્સે આ કાર્યક્રમમાં ભાગ લીધો હતો.
 

નેશનલ એક્શન ફોર મિકેનાઇઝ્ડ સેનિટેશન ઇકોસિસ્ટમ (NAMASTE) એ ભારત સરકારના સામાજિક ન્યાય અને આધિકારિતા મંત્રાલયની એક સેન્ટ્રલ સેક્ટર સ્કીમ છે, જે ગટર અને સેપ્ટિક ટેન્કના કામદારો તેમજ વેસ્ટ પીકર્સ સહિતના સ્વચ્છતા કામદારોની સુરક્ષા, ગૌરવ અને સામાજિક-આર્થિક ઉત્થાન સુનિશ્ચિત કરવા માટે અમલમાં મુકવામાં આવી છે. આ યોજના દેશભરમાં જોખમી મેન્યુઅલ સફાઈ પ્રથાઓને નાબૂદ કરવાના ઉદ્દેશ્ય સાથે વ્યવસાયિક સુરક્ષા, કામદારોની સત્તાવાર ઓળખ, આરોગ્ય સંભાળ અને સામાજિક સુરક્ષા લાભો સુધી પહોંચ, કૌશલ્ય વિકાસ અને જોખમી સ્વચ્છતા કાર્યના યાંત્રીકરણ પર ધ્યાન કેન્દ્રિત કરે છે.

SM/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad