ਭਾਰਤ ਸਰਕਾਰ ਨੇ ਜਾਪਾਨ ਦੀ ਪ੍ਰਮੁੱਖ ਕ੍ਰੈਡਿਟ ਰੇਟਿੰਗ ਏਜੰਸੀ- ਜੇਸੀਆਰ ਦੁਆਰਾ ਭਾਰਤ ਦੀ ਦੀਰਘਕਾਲੀ ਵਿਦੇਸ਼ੀ ਮੁਦਰਾ ਅਤੇ ਸਥਾਨਕ ਮੁਦਰਾ ਜਾਰੀਕਰਤਾ ਰੇਟਿੰਗ ਇੱਕ ਪਾਏਦਾਨ ਉੱਪਰ ਵਧਾ ਕੇ ਟ੍ਰਿਪਲ ਬੀ+ ਤੋਂ ਏ- ਅੱਪਗ੍ਰੇਡ ਕਰਨ ਅਤੇ ਸਥਿਰ ਆਊਟਲੁੱਕ ਦੱਸਣ ਦਾ ਸੁਆਗਤ ਕੀਤਾ ਹੈ। ਇਹ ਰੇਟਿੰਗ ਕਿਸੇ ਦੇਸ਼ ਦੀ ਸਰਕਾਰ ਦੀ ਕ੍ਰੈਡਿਟ ਚੁਕਾਉਣ ਦੀ ਸਮਰੱਥਾ ਅਤੇ ਵਿੱਤੀ ਸਾਖ ਦਾ ਸੁਤੰਤਰ ਮੁਲਾਂਕਣ ਹੁੰਦਾ ਹੈ। ਜੇਸੀਆਰ ਨੇ ਭਾਰਤ ਦੀ ਕੰਟ੍ਰੀ ਸੀਲਿੰਗ ਵੀ ਇੱਕ ਪਾਏਦਾਨ ਉੱਪਰ ਵਧਾ ਕੇ ‘ਏ’ ਕਰ ਦਿੱਤੀ ਹੈ। ਕਿਸੇ ਦੇਸ਼ ਦੀ ਕੰਟਰੀ ਸੀਲਿੰਗ ਵਿੱਚ ਸੁਧਾਰ ਨਾਲ ਉੱਥੋਂ ਦੀਆਂ ਨਿਜੀ ਅਤੇ ਸਰਕਾਰੀ ਕੰਪਨੀਆਂ ਲਈ ਅੰਤਰਰਾਸ਼ਟਰੀ ਬਜ਼ਾਰਾਂ ਤੋਂ ਘੱਟ ਵਿਆਜ਼ ਦਰਾਂ ‘ਤੇ ਕ੍ਰੈਡਿਟ ਜੁਟਾਉਣਾ ਅਸਾਨ ਹੋ ਜਾਂਦਾ ਹੈ।

ਇਸ ਅੱਪਗ੍ਰੇਡ ਨਾਲ ਭਾਰਤ ਦੇ ਮਜ਼ਬੂਤ ਆਰਥਿਕ ਵਾਧੇ, ਵਿਕਾਸ ਦਾ ਅਧਾਰ ਮਜ਼ਬੂਤ ਬਣਾਉਣ ਵਿੱਚ ਆਰਥਿਕ ਨੀਤੀਆਂ ਦੀ ਪ੍ਰਭਾਵਸ਼ੀਲਤਾ ਅਤੇ ਬਿਹਤਰ ਵਿੱਤੀ ਪ੍ਰਣਾਲੀ ਦਿਖਦੀ ਹੈ। ਜੇਸੀਆਰ ਨੇ ਕਿਹਾ ਕਿ ਮਜ਼ਬੂਤ ਨਿਜੀ ਉਪਭੋਗ ਅਤੇ ਜਨਤਕ ਨਿਵੇਸ਼ ਨਾਲ ਭਾਰਤੀ ਅਰਥਵਿਵਸਥਾ ਵਿੱਚ ਉੱਚ ਵਿਕਾਸ ਦਰ ਬਣੀ ਹੋਈ ਹੈ। ਅੰਕੜਾ ਅਤੇ ਪ੍ਰੋਗਰਾਮ ਲਾਗੂਕਰਨ ਮੰਤਰਾਲੇ ਵੱਲੋਂ ਜਾਰੀ ਨਵੀਨਤਮ ਕੁੱਲ ਘਰੇਲੂ ਉਤਪਾਦ ਵਿਕਾਸ ਦਰ ਦੇ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਤੋਂ ਪਤਾ ਚਲਦਾ ਹੈ ਕਿ ਵਿੱਤੀ ਵਰ੍ਹੇ 2026 ਵਿੱਚ ਅਸਲ ਜੀਡੀਪੀ ਵਾਧਾ 7.8 ਪ੍ਰਤੀਸ਼ਤ ‘ਤੇ ਮਜ਼ਬੂਤ ਬਣੀ ਰਹੀ। ਗਲੋਬਲ ਚੁਣੌਤੀਆਂ ਦੇ ਬਾਵਜੂਦ ਵਿੱਤੀ ਵਰ੍ਹੇ 2027 ਦੀ ਪਹਿਲੀ ਤਿਮਾਹੀ ਵਿੱਚ ਵੀ ਵਿਕਾਸ ਦੀ ਗਤੀ ਬਰਕਰਾਰ ਰਹੀ ਹੈ ਅਤੇ ਜੀਡੀਪੀ ਵਿੱਚ 7.8 ਪ੍ਰਤੀਸ਼ਤ ਦਾ ਵਾਧਾ ਦਰਜ ਕੀਤਾ ਗਿਆ। ਏਜੰਸੀ ਨੇ ਉਤਪਾਦਕਤਾ ਦੇ ਵਾਧੇ ਅਤੇ ਆਰਥਿਕ ਵਿਕਾਸ ਲਈ ਅਨੁਕੂਲ ਨੀਤੀਆਂ ਦੇ ਸਰਕਾਰ ਦੇ ਨਿਰੰਤਰ ਲਾਗੂਕਰਨ ਨੂੰ ਵੀ ਉਜਾਗਰ ਕੀਤਾ, ਜਿਸ ਵਿੱਚ ਡਿਜੀਟਲ ਜਨਤਕ ਬੁਨਿਆਦੀ ਢਾਂਚੇ ਦਾ ਵਿਕਾਸ ਅਤੇ ਵਸਤੂਆਂ ਅਤੇ ਸੇਵਾਵਾਂ ਟੈਕਸ (ਜੀਐੱਸਟੀ) ਦਾ ਲਾਗੂਕਰਨ ਸ਼ਾਮਲ ਹੈ, ਜਿਸ ਨਾਲ ਭਾਰਤ ਦੀ ਆਰਥਿਕ ਨੀਂਹ ਮਜ਼ਬੂਤ ਹੋਈ ਹੈ।

ਜੇਸੀਆਰ ਨੇ ਵਿੱਤੀ ਖਰਚ ਗੁਣਵੱਤਾ ਵਿੱਚ ਸੁਧਾਰ ‘ਤੇ ਵੀ ਗੌਰ ਕੀਤਾ, ਜਿਸ ਵਿੱਚ ਪੂੰਜੀਗਤ ਖਰਚੇ, ਵਿਸ਼ੇਸ਼ ਤੌਰ ‘ਤੇ ਢਾਂਚਾਗਤ ਨਿਵੇਸ਼ ‘ਤੇ ਵਧੇਰੇ ਜ਼ੋਰ ਦਿੱਤਾ ਗਿਆ ਹੈ। ਜੇਸੀਆਰ ਨੇ ਕਿਹਾ ਕਿ ਭਾਰਤ ਸਰਕਾਰ ਦਾ ਵਿੱਤੀ ਘਾਟਾ ਵਿੱਤੀ ਵਰ੍ਹੇ 2025 ਵਿੱਚ 4.7 ਪ੍ਰਤੀਸ਼ਤ ਤੋਂ ਘੱਟ ਕੇ ਵਿੱਤੀ ਵਰ੍ਹੇ 2026 ਵਿੱਚ 4.4 ਪ੍ਰਤੀਸ਼ਤ ਰਿਹਾ, ਜਦੋਂ ਕਿ ਪੂੰਜੀਗਤ ਖਰਚ ਉੱਚ ਪੱਧਰ ‘ਤੇ ਬਣਿਆ ਰਿਹਾ।

ਜੇਸੀਆਰ ਨੇ ਭਾਰਤ ਦੀ ਵਿੱਤੀ ਪ੍ਰਣਾਲੀ ਦੀ ਸਮੁੱਚੀ ਮਜ਼ਬੂਤੀ ਵਿੱਚ ਹੋਏ ਮਹੱਤਵਪੂਰਨ ਸੁਧਾਰ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ। ਦੀਵਾਲੀਆਪਨ ਅਤੇ ਦੀਵਾਲੀਆਪਨ ਕੋਡ ਸਥਾਪਿਤ ਕਰਨ ਨਾਲ ਸਰਕਾਰ ਦੁਆਰਾ ਪੂੰਜੀ ਨਿਵੇਸ਼ ਅਤੇ ਭਾਰਤੀ ਰਿਜ਼ਰਵ ਬੈਂਕ ਦੀ ਮਜ਼ਬੂਤ ਨਿਗਰਾਨੀ ਨਾਲ ਬੈਂਕਿੰਗ ਖੇਤਰ ਦੀ ਸੰਪਤੀ ਗੁਣਵੱਤਾ ਮਜ਼ਬੂਤ ਹੋਈ ਹੈ। ਬੈਂਕਿੰਗ ਖੇਤਰ ਵਿੱਚ ਪੂੰਜੀ ਦੀ ਅਨੁਕੂਲਤਾ ਅਤੇ ਮੁਨਾਫ਼ਾ ਮਜ਼ਬੂਤ ਰਿਹਾ ਹੈ। ਨੌਨ-ਬੈਂਕਿੰਗ ਵਿੱਤੀ ਖੇਤਰ ਦੀ ਸੰਪਤੀ ਗੁਣਵੱਤਾ ਅਤੇ ਪੂੰਜੀ ਦੀ ਅਨੁਕੂਲਤਾ ਵਿੱਚ ਵੀ ਸੁਧਾਰ ਹੋਇਆ ਹੈ, ਜਿਸ ਨਾਲ ਵਿੱਤੀ ਪ੍ਰਣਾਲੀ ਹੋਰ ਵੀ ਮਜ਼ਬੂਤ ਹੋਈ ਹੈ।

ਬਾਹਰੀ ਖੇਤਰ ਸੰਦਰਭ ਵਿੱਚ, ਕ੍ਰੈਡਿਟ ਰੇਟਿੰਗ ਏਜੰਸੀ ਨੇ ਕਿਹਾ ਕਿ ਭਾਰਤ ਦਾ ਐਕਟਿਵ ਖਾਤਾ ਘਾਟਾ ਸੇਵਾਵਾਂ ਦੇ ਸੰਤੁਲਨ ਵਿੱਚ ਵਾਧੂ ਮਾਤਰਾ ਦੁਆਰਾ ਕੰਟਰੋਲ ਕੀਤਾ ਗਿਆ ਹੈ। ਥੋੜ੍ਹੇ ਸਮੇਂ ਦੇ ਬਾਹਰੀ ਡੈਬਿਟ ਤੋਂ ਕਿਤੇ ਵੱਧ ਭਰਪੂਰ ਵਿਦੇਸ਼ ਮੁਦਰਾ ਭੰਡਾਰ, ਬਾਹਰੀ ਪ੍ਰਭਾਵ ਨਾਲ ਨਜਿੱਠਣ ਵਿੱਚ ਮਜ਼ਬੂਤ ਪ੍ਰਤੀਰੋਧਕ ਸਮਰੱਥਾ ਪ੍ਰਦਾਨ ਕਰਦਾ ਹੈ।

ਜਾਪਾਨ ਦੀ ਕ੍ਰੈਡਿਟ ਰੇਟਿੰਗ ਏਜੰਸੀ ਦੁਆਰਾ ਕਰਜ਼ੇ ਦੀ ਅਦਾਇਗੀ ਸਮਰੱਥਾ ਦੇ ਮੁਲਾਂਕਣ ਵਿੱਚ ਅੱਪਗ੍ਰੇਡ ਚੁਣੌਤੀਪੂਰਨ ਵਿਸ਼ਵਵਿਆਪੀ ਵਾਤਾਵਰਣ ਵਿੱਚ ਹੋਇਆ ਹੈ। ਇਹ ਭਾਰਤ ਵਿੱਚ ਨਿਰੰਤਰ ਵਿਕਾਸ, ਪ੍ਰਭਾਵਸ਼ਾਲੀ ਆਰਥਿਕ ਨੀਤੀਆਂ, ਬਿਹਤਰ ਵਿੱਤੀ ਪ੍ਰਬੰਧਨ  ਅਤੇ ਮਜ਼ਬੂਤ ਵਿੱਤੀ ਪ੍ਰਣਾਲੀ ਦੁਆਰਾ ਸਮਰਥਿਤ ਆਰਥਿਕ ਬੁਨਿਆਦੀ ਸਿਧਾਂਤਾਂ ਦੇ ਨਿਰੰਤਰ ਮਜ਼ਬੂਤੀਕਰਣ ਨੂੰ ਰੇਖਾਂਕਿਤ ਕਰਦਾ ਹੈ।

ਪਿਛਲੇ ਇੱਕ ਵਰ੍ਹੇ ਵਿੱਚ ਪ੍ਰਮੁੱਖ ਅੰਤਰਰਾਸ਼ਟਰੀ ਰੇਟੰਗ ਏਜੰਸੀਆਂ ਦੁਆਰਾ ਸੌਵਰੇਨ ਰੇਟਿੰਗ ਵਿੱਚ ਭਾਰਤ ਦਾ ਅੱਪਗ੍ਰੇਡ ਜ਼ਿਕਰਯੋਗ ਹੈ। ਇਸ ਤੋਂ ਪਹਿਲਾਂ ਮੌਰਨਿੰਗਸਟਾਰ ਡੀਬੀਆਰਐੱਸ ਨੇ ਮਈ 2025 ਵਿੱਚ ਭਾਰਤ ਦਾ ਸੌਵਰੇਨ  ਰੇਟਿੰਗ ਸੁਧਾਰ ਕੀਤਾ ਸੀ, ਉਸ ਤੋਂ ਬਾਅਦ ਅਗਸਤ 2025 ਵਿੱਚ ਪ੍ਰਮੁੱਖ ਅਮਰੀਕੀ ਕ੍ਰੈਡਿਟ ਰੇਟਿੰਗ ਏਜੰਸੀ- ਸਟੈਂਡਰਡ ਐਂਡ ਪੂਅਰਸ ਗਲੋਬਲ ਰੇਟਿੰਗਸ ਅਤੇ ਸਤੰਬਰ 2025 ਵਿੱਚ ਰੇਟਿੰਗ ਐਂਡ ਇਨਵੈਸਟਮੈਂਟ ਇਨਫੋਰਮੇਸ਼ਨ, ਇੰਕ, ਜਾਪਾਨ ਨੇ ਵੀ ਇਸ ਨੂੰ ਅੱਪਗ੍ਰੇਡ ਕੀਤਾ ਸੀ।

****

ਐੱਸਆਰ/ਕੇਐੱਮਐੱਨ/ਏਕੇ