പ്രധാനമന്ത്രി – ഒരു പുതിയ മേഖലയിൽ നിങ്ങൾ ധൈര്യം കാണിച്ചിരിക്കുന്നു. ​ഗവൺമെന്റിൻ്റെ വാക്കുകളിൽ നിങ്ങൾ വിശ്വാസമർപ്പിച്ചുവെന്നതാണ് ഏറ്റവും പ്രധാനപ്പെട്ട കാര്യം. നാം എടുക്കുന്ന തീരുമാനങ്ങൾ എന്തുതന്നെയായാലും അവയിൽ സ്ഥിരത പുലർത്തണം, അവ വീണ്ടും വീണ്ടും മാറ്റിക്കൊണ്ടിരിക്കരുത് എന്നതായിരുന്നു എപ്പോഴും എന്റെ കാഴ്ചപ്പാട്. അങ്ങനെയാകുമ്പോൾ റിസ്ക് ഏറ്റെടുക്കാൻ ആഗ്രഹിക്കുന്ന ഏതൊരാൾക്കും ആത്മവിശ്വാസം ലഭിക്കും. അതായത്, എന്തെങ്കിലും തെറ്റ് സംഭവിച്ചാൽ അത് എന്റെ തെറ്റ് കൊണ്ടായിരിക്കും, പക്ഷേ ആരും എന്നെ ഉപേക്ഷിക്കില്ലെന്ന്. ആ ഒരു വിശ്വാസം ഉണ്ടാക്കിയെടുക്കുക എന്നതായിരുന്നു ഞങ്ങളുടെ ശ്രമം.

സി.ഇ.ഒ – ഞങ്ങൾ ഇന്ത്യയിലെ ആദ്യത്തെ സ്പേസ് ടെക് യൂണികോണാണ്. ജൂലൈ 18-ന് ഞങ്ങൾ ഉപഗ്രഹങ്ങൾ ഭ്രമണപഥത്തിൽ എത്തിച്ചുകൊണ്ട് ഇന്ത്യയുടെ ആദ്യത്തെ സ്വകാര്യ റോക്കറ്റ് വിജയകരമായി വിക്ഷേപിച്ചു. ഇത് ഒരു തുടക്കം മാത്രമാണ്. സാധാരണയായി ഞങ്ങൾ പറയാറുള്ളത് ഇത് സ്‌കൈറൂട്ടിന്റെ വെറുമൊരു വാം-അപ്പ് മാത്രമാണ്, ഇതൊരു തുടക്കം മാത്രമാണ് എന്നാണ്. അടുത്ത വർഷം പകുതിയോടെ ഞങ്ങൾ പ്രതിമാസം ഒരു വിക്ഷേപണം വീതം നടത്തും. കൂടാതെ, ഈ മേഖല തുറന്നുതന്നതിന് സാറിനോട് നന്ദി പറയുന്നു. മൂന്ന് ഫാക്ടറികൾ ഇതിനകം നിർമ്മിച്ചുകഴിഞ്ഞു. പ്രതിമാസം ഒരു റോക്കറ്റ് നിർമ്മിക്കാനുള്ള ശേഷി ഇപ്പോൾത്തന്നെ ഞങ്ങൾക്കുണ്ട്. ഇത് ഒരു തുടക്കം മാത്രമാണ്. പ്രതിവാരം ഒരു വിക്ഷേപണവും പ്രതിദിനം നിരവധി വിക്ഷേപണങ്ങളും നടത്തുക എന്നതാണ് ഞങ്ങളുടെ ഭാവി സ്വപ്നം.

സി.ഇ.ഒ – ലോകത്തിലെ ഏറ്റവും ആധുനിക എഞ്ചിനുകളിലൊന്നായ ഒരു എഞ്ചിൻ ഞങ്ങൾ നിർമ്മിച്ചിട്ടുണ്ട്. സർ, ഞങ്ങൾ അത് തയ്യാറാക്കിയിട്ടുണ്ട്, അതിന്റെ പരീക്ഷണം നടന്നുകൊണ്ടിരിക്കുകയാണ്.

പ്രധാനമന്ത്രി – നിക്ഷേപകർക്ക് ആത്മവിശ്വാസമുണ്ടോ?

സി.ഇ.ഒ – സർ, സ്‌കൈറൂട്ടിന്റെ ആദ്യ വിക്ഷേപണത്തിന് ശേഷം അവരുടെ ആത്മവിശ്വാസം വർധിച്ചിട്ടുണ്ട്.

പ്രധാനമന്ത്രി – നല്ലത്. ആ വഴി നിങ്ങളെ സഹായിക്കുന്നുണ്ടോ?

സി.ഇ.ഒ – അത് ഒരുപാട് സഹായിക്കുന്നുണ്ട്.

പ്രധാനമന്ത്രി – ലോകം ഇപ്പോൾ ഇന്ത്യയുടെ സ്റ്റാർട്ടപ്പുകളെ തിരയുന്നുണ്ടാകും, ഇതിന് പിന്നിൽ ആരാണെന്ന് അത്ഭുതപ്പെടുന്നുണ്ടാകും. കാരണം ഒരു വലിയ മുന്നേറ്റം ഉണ്ടാകുമ്പോൾ ഉടൻ തന്നെ ആളുകളുടെ ശ്രദ്ധ അതിലേക്ക് തിരിയുന്നു.

സി.ഇ.ഒ – ബഹിരാകാശ മേഖല തുറന്നുകൊടുത്തതിന് ശേഷം വളരെ മികച്ച ഒരു പ്രവണതയാണ് നമ്മൾ കാണുന്നതെന്ന് ഞാൻ കരുതുന്നു. അമേരിക്കയിലും യൂറോപ്പിലുമുള്ള നമ്മുടെ പൗരന്മാർ തിരികെ വരാനും ഞങ്ങളോടൊപ്പം പ്രവർത്തിക്കാനും ആഗ്രഹിക്കുന്നു.

പ്രധാനമന്ത്രി – നമുക്ക് നിരവധി ആളുകളെ ബന്ധിപ്പിക്കേണ്ടതുണ്ട്. മെഹ്ത പറഞ്ഞതുപോലെ, വിദേശത്തേക്ക് പോയ ആളുകൾ ഇപ്പോൾ തിരികെ വരുന്നുണ്ട്. ലോകമെമ്പാടുമുള്ള ആളുകൾക്ക് തങ്ങളുടെ ജീവിതം കെട്ടിപ്പടുക്കണമെങ്കിൽ അവർ ഹിന്ദുസ്ഥാനിലേക്ക് വരണമെന്ന് തോന്നുന്ന തരത്തിലുള്ള ഒരു അന്തരീക്ഷം നമ്മൾ സൃഷ്ടിക്കണമെന്ന് ഞാൻ വിശ്വസിക്കുന്നു. ഏതെങ്കിലും ഇന്ത്യൻ സ്റ്റാർട്ടപ്പിൽ ചേരുക. ഏതെങ്കിലും ഇന്ത്യൻ ബഹിരാകാശ ഏജൻസിയിൽ ചേരുക. നിങ്ങൾ കാരണം ഈ മുഴുവൻ കഴിവുള്ള ആളുകളെയും ഒരു കാന്തം പോലെ ആകർഷിക്കാൻ നമുക്ക് കഴിയുമെന്ന് ഞാൻ ഉറച്ചുവിശ്വസിക്കുന്നു, അത് നമുക്ക് വളരെ വലിയൊരു ശക്തിയായി മാറും.

സി.ഇ.ഒ – അടുത്ത 18 മാസത്തിനുള്ളിൽ ഒരു ആഗോള ഗ്രൗണ്ട് സ്റ്റേഷൻ നെറ്റ്‌വർക്ക് സ്ഥാപിക്കുക എന്നതാണ് ഞങ്ങളുടെ കാഴ്ചപ്പാട്.

സി.ഇ.ഒ – ബഹിരാകാശത്ത് ഒരു സ്ഥലത്ത് നിന്ന് മറ്റൊരു സ്ഥലത്തേക്ക് മാറാൻ ഉപഗ്രഹങ്ങൾ 5 വർഷമോ 15 വർഷമോ ഉപയോഗിക്കുന്ന എഞ്ചിനുകളാണ് ഞങ്ങൾ നിർമ്മിക്കുന്നത്. ആഗോളതലത്തിൽ ഞങ്ങൾക്ക് വളരെ മികച്ച സ്വീകാര്യത ലഭിച്ചിട്ടുണ്ട്. സർ, ഇതിലും താങ്കളുടെ ശ്രമം വളരെ പ്രധാനപ്പെട്ടതാണ്, കാരണം ഇപ്പോൾ ഇന്ത്യൻ കമ്പനികൾക്ക് കയറ്റുമതി ചെയ്യുന്നതിന് ​ഗവൺമെന്റിൻ്റെ പിന്തുണയുണ്ട്.

പ്രധാനമന്ത്രി – ചെലവിന്റെ കാര്യത്തിൽ നമ്മൾ വളരെ മികച്ച മത്സരശേഷിയുള്ളവരാണ്, കഴിവുള്ളവരുടെ കാര്യത്തിൽ യാതൊരു സംശയവുമില്ല, നമ്മുടെ ആളുകളുടെ റിസ്ക് എടുക്കാനുള്ള ശേഷി എന്തായാലും കൂടുതലാണ്. അതുമൂലം നമുക്ക് വളരെ പെട്ടെന്ന് തന്നെ നമ്മുടെ സ്ഥാനം ഉറപ്പിക്കാൻ കഴിയും.

സി.ഇ.ഒ – ഈ റോബോട്ടിക് ബഹിരാകാശ പേടകം ബഹിരാകാശത്തേക്ക് പോയി, പ്രവർത്തനരഹിതമായ ഉപഗ്രഹത്തെ ഭൗതികമായി പിടിച്ചെടുത്ത് ഭ്രമണപഥത്തിൽ നിന്ന് നീക്കം ചെയ്യും.

സി.ഇ.ഒ – ബഹിരാകാശത്ത് ഒരു ഇന്ധന സ്റ്റേഷൻ സ്ഥാപിക്കുക എന്ന ലക്ഷ്യത്തോടെ ഡോക്കിംഗ് (docking), റീഫ്യുവലിംഗ് (refueling) സാങ്കേതികവിദ്യകളിൽ പ്രവർത്തിക്കുന്ന ആദ്യത്തെ ഇന്ത്യൻ കമ്പനിയാണ് ഞങ്ങൾ.

സി.ഇ.ഒ – എന്റെ പേര് അന്തരീക്ഷ്, എന്റെ സഹസ്ഥാപകയായ മോണിക്കയും ഇവിടെയുണ്ട്. സർ, ഞങ്ങൾ ഇന്ത്യയിലെ ആദ്യത്തെ സ്പേസ് ഫാർമ സ്റ്റാർട്ടപ്പാണ്. ബഹിരാകാശത്തേക്ക് പോയി അവിടെ വെച്ച് മരുന്നുകൾ നിർമ്മിച്ച് ബഹിരാകാശത്ത് നിന്ന് തിരികെ കൊണ്ടുവരാൻ കഴിയുന്ന ഉപഗ്രഹങ്ങളാണ് ഞങ്ങൾ നിർമ്മിക്കുന്നത്.

പ്രധാനമന്ത്രി – നിങ്ങളുടെ പേര് അന്തരീക്ഷ് എന്നാണ് - നിങ്ങളുടെ കുടുംബം നേരത്തെ തന്നെ ഈ മേഖലയിൽ ഉണ്ടായിരുന്നോ?

സി.ഇ.ഒ – അല്ല സർ, എന്റെ അമ്മയാണ് എനിക്ക് ഈ പേര് നൽകിയത്.

സി.ഇ.ഒ – ഒരു വിക്ഷേപണത്തിന് ശേഷം, കഴിഞ്ഞ ഒരു മാസത്തിനുള്ളിൽ ഞങ്ങൾക്ക് എട്ട് വിക്ഷേപണ കരാറുകൾ ലഭിച്ചു.

പ്രധാനമന്ത്രി – കൊള്ളാം, കൊള്ളാം.

സി.ഇ.ഒ – അവയിൽ മിക്കവയും അന്താരാഷ്ട്ര തലത്തിലുള്ളതാണ്.

സി.ഇ.ഒ – സർ, 10 ലക്ഷം കർഷകരുമായി ചേർന്ന് ഈ നൂതനാശയം അവതരിപ്പിക്കാനാണ് ഞങ്ങൾ ഇപ്പോൾ പദ്ധതിയിട്ടിരിക്കുന്നത്.

സി.ഇ.ഒ – സർ, ഇതൊരു ഓർമ്മയ്ക്കായി, താങ്കൾക്കുള്ളതാണ്.

പ്രധാനമന്ത്രി – ഗംഭീരം.

സി.ഇ.ഒ – സ്വകാര്യ മേഖലയ്ക്കായി താങ്കൾ തുറന്നിട്ട ഈ അവസരത്തിലൂടെ, സ്വകാര്യ ഉപഗ്രഹങ്ങൾ ഇപ്പോൾ ഇന്ത്യയുടെ സൗന്ദര്യം കാണിച്ചുതരികയാണ്.

***

SK