প্রধান মন্ত্রী – নখোয়না অনৌবা লম অমদা থৌনা উৎখ্রে, খ্বাইদগী চাউবা ৱাফমদি নখোয়না সরকারগী ৱাফমদা থাজবা থমখি। ঐগী ৱাখল্লোন অমা লৈখি মদুদি ঐখোয়না লেপখিবশিং অদুদা ঐখোয়না লেংদনা লৈগদবনি, ঐখোয়না মদুদা তোয়না হোংদোক-হোংজিন তৌরোইদবনি, মরম অদুনা কনাগুম্বা অমনা রিস্ক লৌনিংলবদি, মহাক্না থাজবা থমগদবনি মদুদি ঐগী অশোইবনা মরম ওইরগা খরা অমা শোইজরবশু করিশু কাইদে, অদুবু কনা অমত্তনা ঐগী খুৎপুদি থাদোক্লরোই। অমসুং থাজবা অসি শেমগৎনবা ঐখোয়না হোৎনখিবনি।

সি.ই.ও. – ঐখোয়দি ভারতকী অহানবা স্পেস তেক য়ুনিকোর্ননি। হৌখিবা জুলাই ১৮দা ঐখোয়না ভারতকী অহানবা প্রাইভেত রোকেত মাইপাক্না সেতলাইতশিং ইজেক্ত তৌদুনা লোঞ্চ তৌখ্রে। অমসুং, অসিদি হৌরকপদা ঙাইরি। মহৌশানা, ঐখোয়না হায় মদুদি স্কাইরুতকীদমক ৱার্ম অপ তৌরি, হৌবদা ঙাইরি। অমসুং মথং চহিগী ময়ায় চল্লকপফাওবদা ঐখোয়না থা অমদা অমা লোঞ্চ তৌগনি। অমসুং সেক্তর অসি হাংদোকপীবগীদমক নহাকপু থাগৎচরি সর। ফেক্তরী অহুম শারে। থাদা রোকেত অমগী কেপাসিতী হান্ননা লৈরে। অমসুং, অসিদি অহৌবগীনি। হৌজিক্তি তুংগী মংলানদি চয়োল অমদা অমা লোঞ্চ তৌবা অমসুং নুমিৎ অমদা কয়া অমা লোঞ্চ তৌবা অসিনি।

সি.ই.ও. – মালেমগী খ্বাইদগী নৌবা ইঞ্জিনশিংগী মনুং চল্লবা ইঞ্জিন অমা শেম্লে। সর, অসি ঐখোয়না হৌজিক শেম্লে, মসিগী তেস্তিং চত্থরি।

প্রধান মন্ত্রী – ইনভেস্তরশিংগী কনফিদেন্স লৈব্রা?

সি.ই.ও. – সর, স্কাই রুতকী অহানবা লোঞ্চ তৌখ্রবা মতুংদগীদি হেনগৎলে।

প্রধান মন্ত্রী – ফরে। রুত অদু নখোয়দা কান্নবা ফংলিব্রা?

সি.ই.ও. – মদু য়াম্না কান্নবা ফংলি।

প্রধান মন্ত্রী – মালেম্না হৌজিক ভারতকী স্তার্তঅপশিং থিরমগনি, মসিদা কনা য়াওরি? মরমদি ব্রেক থ্রু অমা থোকপা মতমদা, মীওইশিংগী পুক্নিং খুদক্তা চিংশিল্লি।

সি.ই.ও. – ঐনা খল্লি, স্পেস ইন্দস্ত্রী হাংদোক্লবা মতুংদা ঐখোয়না য়াম্না ফবা ত্রেন্দ অমা উরে। য়ু.এস. অমসুং য়ুরোপতা লৈরিবা ঐখোয়গী সিতিজন পুম্নমক হল্লক্তুনা ঐখোয়গা লোইননা থবক তৌমিন্ননিংলি।

প্রধান মন্ত্রী – ঐখোয়না মীওই কয়াগা শম্নহনগদবনি অমসুং মেহতানা হায়খিবগুম্না হৌজিক্তি মীরৈবাক্তা চৎখ্রবা মীওইশিং হল্লক্লি। ঐনা খল্লি মদুদি ঐখোয়না অসিগুম্বা ফিভম অমা শেমগৎকদবনি মদুদি ফিল্দ অসিদা মালেম শিনবা থুংবগী মীওইশিংদা পুন্সি শেমগদবা ওইরদি, ভারত্তা চৎলো হায়না খলহনবা অসিনি। ভারতকী স্তার্তঅপ অমহেক্তগা শম্নরো। ভারতকী স্পেস এজেন্সী অমহেক্তগা শম্নরো। ঐনা শোইদনা থাজৈ মদুদি, লৈরিবা অপুনবা তেলেন্ত পুল অসি, মেগ্নেত অমগুম্না নখোয়না মরম ওইরগা ঐখোয়না চিংশিনবা ঙমগনি অমসুং মদু ঐখোয়গী খ্বাইদগী চাউবা পাঙ্গল অমা ওইরক্কনি।

সি.ই.ও. – ঐখোয়গী মীৎয়েংদি মথংগী থা ১৮গী মনুংদা ঐখোয়না গ্লোবেল গ্রাউন্দ স্তেসন নেতৱর্ক লিংখৎনিংই।

সি.ই.ও. – ঐখোয়না সেতলাইতশিংগী ইঞ্জিন ওইরিবা, সেতেলাইতপু স্পেস্তা মফম অমদগী অতৈ মফম অমদা পুথোক-পুশিন তৌবা। সেতলাইতশিংবু চহি ৫ নত্ত্রগা চহি ১৫ ফাওবা পুথোক-পুশিন তৌরিবা ইঞ্জিনশিং অদু ঐখোয়না শারি সর। গ্লোবেল ওইনা য়াম্না ফবা ত্রেক্সন ফংলে অমসুং মসিদা নহাক্কী হোৎনজমলসু য়াম্না য়াওরি সর মদুদি ইন্দিয়াগী কম্পেনীশিংনা হৌজিক এক্সপোর্ত তৌনবা সরকারগী সপোর্ত লৈরে।

প্রধান মন্ত্রী – মমলগী লমদা ঐখোয় য়াম্না কম্পিতিতিব ওই, তেলেন্তকী লমদদি ৱাহং অমত্তা থোকলক্তে অমসুং রিস্ক লৌবগী কেপাসিতী ঐখোয়গী লৈবাক্কী মীওইশিংগী মহৌশানা য়াম্না লৈ। অমসুং মদুনা মরম ওইরগা ঐখোয়না য়াম্না থুনা ঐখোয়গী মফম শেমগৎপা ঙমগনি।

সি.ই.ও. – রোবোতিক স্পেসক্রাফ অসি স্পেস্তা চৎকনি, হকথেংননা অসিবা সেতলাইত অদু ফাগনি অমসুং ওর্বিততগী লৌথোক্কনি।

সি.ই.ও. – ঐখোয়দি স্পেস্তা ফ্যুয়েল স্তেসন অমা লিংখৎপগী মীৎয়েংগা লোইননা রিফ্যুয়েলিং তেক্নোলোজীশিংগী মখাদা দোকিংদা থবক তৌরিবা অহানবা ইন্দিয়ন কম্পেনীনি।

সি.ই.ও. – ঐগী মীং অন্তরীক্ষনি, ঐগী কো-ফাউন্দর মোনিকাসু মফম অসিদা লৈরি। সর ঐখোয়দি ইন্দিয়গী অহানবা স্পেস ফার্মা স্তার্তঅপনি। ঐখোয়না, মদুনা স্পেস্তা চৎলগা ফার্মাসিস্যুতিকেলশিং মেনভুফেকচর তোবা ঙমগদবা অমসুং মদুবু স্পেসতগী অমুক হন্না পুরকপা ঙমগদবা সেতলাইতশিং শারি।

প্রধান মন্ত্রী – নহাক্কী মিং অন্তরীক্ষ থোনবনি, নহাক্কী ইমুংগী মীওইশিং মসিদা হান্নদগী য়াওরমব্রা?

সি.ই.ও. – হোয় সার, নত্তে ঐগী ইমানা থোনবিখিবদি সর।

সি.ই.ও. – লোঞ্চ অমগী মতুংদা হৌখিবা থা অমদা লোঞ্চ কন্ত্রেক্ত নিপাল ফংখ্রে।

প্রধান মন্ত্রী – ফরে, ফরে।

সি.ই.ও. – অমসুং অয়াম্বদি ইন্তরনেস্নেলনি।

সি.ই.ও. – সার হৌজিক্তি লৌমী লাখ ১০গা লোইননা ঐখোয়না মসিগী ইন্নোবেসন অসি লোঞ্চ তৌনবা থৌরাং তৌরি।

সি.ই.ও. – সর মসি নহাক্কীদমক নীংশিংনবা অমা ওইনা লৈহৌনবা।

প্রধান মন্ত্রী – ৱাহ।

সি.ই.ও. – ওপনিং অসি, নহাক্না প্রাইভেত সেক্তরদা হাংদোকপীখিবা অদুনা, প্রাইভেত সেতলাইত লৈরিবা অদুনা, ভারতকী ফজবা অদু উবা ফংলি।

*****