સંરક્ષણ મંત્રી શ્રી રાજનાથ સિંહ 1 સપ્ટેમ્બર, 2026ના રોજ નવી દિલ્હીમાં 16 ડિફેન્સ પબ્લિક સેક્ટર અંડરટેકિંગ્સ (DPSUs)ની વાર્ષિક કામગીરીની સમીક્ષા કરશે, જે નવી સ્વદેશી ટેકનોલોજી વિકસાવવા અને નિકાસ વધારવાના મહત્વ પર ભાર મૂકે છે. કાર્યક્રમ દરમિયાન, સાત DPSUs - હિન્દુસ્તાન એરોનોટિક્સ લિમિટેડ (HAL), મઝગાંવ ડોક શિપબિલ્ડર્સ લિમિટેડ (MDL), ભારત ઈલેક્ટ્રોનિક્સ લિમિટેડ (BEL), ભારત ડાયનેમિક્સ લિમિટેડ (BDL), ગાર્ડન રીચ શિપબિલ્ડર્સ એન્ડ એન્જિનિયર્સ લિમિટેડ (GRSE), BEML, અને MIDHANI ના CMDs નાણાકીય વર્ષ (FY) 2025–26 માટે સરકારના ઈક્વિટી શેર માટે રક્ષા મંત્રીને ડિવિડન્ડ ચેક અર્પણ કરશે.

આ પ્રસંગે, શ્રી રાજનાથ સિંહ ચાર પુસ્તકોનું વિમોચન કરશે એટલે કે ‘આત્મનિર્ભર DPSU - આત્મનિર્ભરતા તરફ DPSUsની સફર; દિશા (DISHA), સંરક્ષણ તકનીકો અને આધુનિક ઉત્પાદન પ્રક્રિયાઓ પર વિદ્યાર્થીઓની પ્રત્યક્ષ જાગૃતિ માટે DPSUsની એક પહેલ; HALનો આધુનિકીકરણ રોડમેપ; અને HALનો સ્વદેશીકરણ રોડમેપ.

ઉલ્લેખનીય છે કે, FY 2025-26માં DPSUsની કામગીરી પ્રશંસનીય રહી છે. તેમનું કુલ ટર્નઓવર ₹1.29 લાખ કરોડ રહ્યું હતું, જે FY 2024-25ના આંકડા કરતાં 15.4% વધુ છે. DPSUs એ 2025-26 માં ₹23,136 કરોડનો સંચિત કર પછીનો નફો (પ્રોફિટ આફ્ટર ટેક્સ) નોંધાવ્યો હતો, જેમાં અગાઉના વર્ષની સરખામણીમાં 15.6% નો ગ્રોથ નોંધાયો છે. નોંધપાત્ર રીતે, 2025-26માં, DPSUએ અગાઉના નાણાકીય વર્ષ કરતાં નિકાસમાં 151.2% નો નોંધપાત્ર વધારો નોંધાયો છે. 

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad