ঙসি প্রধান মন্ত্রী শ্রী নরেন্দ্র মোদীনা লুচিংদুনা সেবা তির্থদা আই.সি.তি শীজিন্নরবা, মল্তি-মোদাল প্লেতফোর্ম প্রাগাতি (প্রো-এক্তিপ গভর্নান্স এন্দ তাইম্লি ইমপ্লিমেন্তেসন) গী ৫৩ শুবা মীফম পাংথোকখ্রে।

মীফম মনুংদা, রাজ্য  ৯ দা অপুনবা শেনফম লুপা করোর ৩০,০০০ হেন্না চঙনা পায়খৎপা রেলৱেজ, লম্বী অমসুং পৱার সেক্তরশিংগী মরুওইবা ইনফ্রাষ্ট্রকচর প্রোজেক তরুক হন্না য়েংশিনখ্রে। লম্বী-থোঙ, উদ্যোগ অমসুং শেন-থুমগী থবকশিং শৌগৎপা অমসুং মীয়ামগী থবক ফগৎহন্নবা মরুওইবা প্রোজেকশিং অদু মতম চানা পায়খৎনবা, এজেন্সিশিংগী মরক্ত পুন্না চৎমিন্ননবা, পন্দুনা লৈবগী খুদোংচাদবশিং কোকহন্নবা অমসুং য়াংনা লোইশিন্নবা হন্না য়েংশিনখিবনি।

প্রধান মন্ত্রীনা হায়খি মদুদি ইনফ্রাষ্ট্রকচর প্রোজেকশিং থেংথবা অসিনা শেন চঙবা হেনগৎহল্লি, মখোয়না মীয়াম্না ফংগদবা কান্নবশিং, ললোন-ইতিক অমসুং শেন-থুমগী থবকশিং থেংথহল্লি। ইনফ্রাষ্ট্রকচর প্রোজেকশিং নাইতোম সেক্সনশিং নত্ত্রগা  পেকেজশিং ওইনা উবগী মহুত্ত অপুনবা অমা ওইনা উদুনা মখোয় হন্না য়েংশিনগদবনি। নাইতোম পায়খৎপা পেকেজশিং মতম চানা লোইশিনগদবনি অমসুং অপুনবা প্রোজেক অদু থবক হৌগদবনি। থবক পায়খৎপা অমসুং কান্নবশিং ফংহনবদা অপনবা পীরিবশিং কোকহন্নবা মিনিষ্ট্রিশিং অমসুং রাজ্যশিংনা হৌবগী লোইবা ফাওবা য়েংশিনবগী থবক পায়খৎকদবনি। প্রোজেক পায়খৎপগী তাঙ্কক খুদিংমক্ত লেপ্তনা অওনবশিং পুরক্নবা অমসুং মিনিষ্ট্রিশিং অমসুং রাজ্যশিং শীনবা থুংনা অফবা থবক শুবগী চৎনবী অমা লৈহন্নবা প্রধান মন্ত্রীনা তকশিনখি।

প্রধান মন্ত্রীনা হায়খি মদুদি মরুওইনা অচৌবা ত্রান্সপোর্ত অমসুং ইনফ্রাষ্ট্রকচর প্রোজেকশিং থৌরাং তৌবা মতমদা ইনফ্রাষ্ট্রকচরগী থবকশিংগীদমক কম্মন য়ুনিতিলিতি কোরিদোরশিং মশক খঙদোকপা দরকার ওইরে। মখোয়গী তেক্নিকেল অমসুং শেন-থুমগী লমদা থবক ওইনা পায়খৎপা য়াগদরা হায়বা মীৎয়েং থমদুনা, প্রোজেক অসি থৌরাং তৌবা হৌরকপা মফমদা মিনিষ্ট্রিশিং অমসুং রাজ্যশিংনা অপুনবা থৌরাংশিং ওইনা য়েংশিনগদবনি।

প্রধান মন্ত্রীনা হায়খি মদুদি খোঙজেল য়াংনা থবক পায়খৎপগা মগুন লৈবগা পুন্না চৎমিন্নগদবনি। মতমগী অনৌবা তেক্নোলোজিশিং শীজিন্নগদবনি অমসুং থবক্কী তাঙ্কক খুদিংমক্ত মগুন লৈবা হেনগৎহনগদবনি অমসুং থবক য়েংশিনগদবনি।

দিজিতেল এগ্রিকলচরে মিসনগী মখাদা এগ্রিষ্টেক হন্না য়েংশিনবদা, প্রধান মন্ত্রীনা হায়খি মদুদি লৌউ-শিংউগী দেতাদগী হেন্না কান্নবা লৌনবা এ.আই য়াওনা খ্বাইদগী নৌবা তেক্নোলোজিশিং শীজিন্নবগী তঙাইফদবা লৈরে। চঙগদবা পোৎলমশিং থৌরাং তৌবা, শেম-শাবা, দেতানা য়ুম্ফম ওইরবা ৱারেপশিং লৌবা য়াওনা লৌউ-শিংউগী অপুনবা ভেলু চেন্দা দেতা ইকোসিষ্টেম মপুংফানা শীজিন্নগদবনি। এগ্রিষ্টেক ইকোসিষ্টেম শেমগৎপদা রাজ্যশিং অমসুং কেন্দ্র সরকারনা লৌরিবা থৌদাং মহাক্না থাগৎপা ফোঙদোকখি অমসুং লৌমীশিং হেন্না পোৎথোক পুথোক্নবা মসি শীজিন্নবা মখা তানা হেনগৎহন্নবা তকশিনখি।

সাইবরগী নমথাক অমসুং ‘দিজিতেল এরেষ্ট’ কী মতাং হন্না য়েংশিনবদা, প্রধান মন্ত্রীনা হায়খি ত্রেনিং, মীয়াম ৱাখল তাহনবা, সাইবর-সেফতি ইজুকেসন অমসুং পুন্না থবক তৌমিন্নবগী খুৎথাংদা মাংজৌননা ঙাকথোকপগী থবক হেনগৎহনগদবনি। অহলশিং, নহারোলশিং অমসুং অতোপ্পা খুদোংথিনিঙাই ওইবা কাংলুপশিং নমথাক তৌবগী থবকশিং, চেকশিন্নবা সাইনশিং অমসুং অশোই-অঙাম য়াওদবা দিজিতেলগী থবকশিংগী মরমদা খঙনবা মখা তানা অমসুং মীয়াম ৱাখল তাহনবগী কেম্পেনশিং পাংথোকপা দরকার ওই। নৌনা লাকপা সাইবরগী নমথাকশিং মশক খঙদোক্নবা অমসুং    মখোয়গী মথক্ত য়াংনা থবক পায়খৎনবা মরী লৈনবা মীওইশিং চাংনাইনা কেপাসিতি বিল্দিং পায়খৎকদবনি।

***