સ્મોલ ઈન્ડસ્ટ્રીઝ ડેવલપમેન્ટ બેંક ઓફ ઈન્ડિયા (SIDBI) એ 25 ઓગસ્ટ 2026ના રોજ નવી દિલ્હીમાં SIDBI-RRB MSME કો-લેન્ડિંગ વ્યવસ્થાના વિસ્તરણ પર પ્રાદેશિક ગ્રામીણ બેંકોના વડાઓની એક કૉન્ક્લેવનું આયોજન કર્યું હતું. નાણાકીય સેવાઓ વિભાગના સચિવ શ્રી સંજય લોહિયાની અધ્યક્ષતામાં યોજાયેલી આ કૉન્ક્લેવમાં SIDBIના CMD શ્રી મનોજ મિત્તલ; DFS, SIDBI અને NABARDના વરિષ્ઠ અધિકારીઓ; અને તમામ 28 પ્રાદેશિક ગ્રામીણ બેંકોના ચેરમેનોએ હાજરી આપી હતી.

કૉન્ક્લેવ દરમિયાન, DFS સચિવે ગ્રામીણ અને અર્ધ-શહેરી વિસ્તારોમાં MSME ધિરાણને વિસ્તારવાના મહત્વ પર ભાર મૂક્યો હતો. સૂચિત વ્યવસ્થા SIDBIની શક્તિઓ, જે MSMEsની ક્રેડિટ જરૂરિયાતોને સમજે છે અને RRBs, જે દેશના નાના શહેરો અને ગામડાઓમાં ઉત્કૃષ્ટ પહોંચ ધરાવે છે, તેને એકસાથે લાવે છે. RRBs MSME ધિરાણ પર ધ્યાન કેન્દ્રિત કરીને તેમના લોન પોર્ટફોલિયોમાં વૈવિધ્ય લાવવાના તેમના લક્ષ્યને પ્રાપ્ત કરવા માટે પણ સક્ષમ બનશે અને રૂલ એન્જિન-આધારિત અંડરરાઇટિંગથી તેમને સારી સંપત્તિ ગુણવત્તા જાળવવામાં મદદ મળશે તેવી અપેક્ષા છે.

કોન્ક્લેવને સંબોધતી વખતે DFSના એડિશનલ સચિવે મોટી સંખ્યામાં MSMEs સુધી પહોંચવા માટેના ધ્યાન કેન્દ્રિત અભિગમ માટે MSME ક્લસ્ટર ડેટાના મહત્વનો નિર્દેશ કર્યો હતો. RRBએ દેશને નેક્સ્ટ-જનરેશન મેન્યુફેક્ચરિંગ હબ બનાવવામાં યોગદાન આપવું જોઈએ અને MSMEમાં નાણાકીય જાગરૂકતા ફેલાવવા માટે રાજ્ય સરકારો દ્વારા યોજાતા રોજગાર મેળાઓમાં પણ સક્રિય ભાગ લેવો જોઈએ. DFSના જોઈન્ટ સચિવે સૂચવ્યું હતું કે RRB આ કો-લેન્ડિંગ વ્યવસ્થા દ્વારા MSME ધિરાણને શાખાઓ માટે એક મહત્વપૂર્ણ લક્ષ્ય બનાવે. SIDBIના CMD એ પણ RRBને આગળ આવવા અને આ વ્યવસ્થાને સફળ બનાવવા વિનંતી કરી હતી.

SIDBI દ્વારા વિકસાવવામાં આવેલ કો-લેન્ડિંગ ઓરિજિનેશન પ્લેટફોર્મ એ એન્ડ-ટુ-એન્ડ ડિજિટલ પ્લેટફોર્મ છે જે ઝડપી અને પેપરલેસ ક્રેડિટ જર્ની પૂરી પાડે છે, જેના પરિણામે લોનની ઝડપી મંજૂરી અને વિતરણ થાય છે. એપ્લિકેશન પોર્ટલ દ્વારા તમામ વિગતો પૂરી પાડવામાં આવ્યા પછી લોન અરજદારોને ખૂબ જ ટૂંકા સમયમાં તેમની સૈદ્ધાંતિક મંજૂરીઓ વિશે જાણ કરવામાં આવશે. ડિજિટલ દસ્તાવેજીકરણ અને વિતરણ પ્રક્રિયા એ પણ સુનિશ્ચિત કરે છે કે ગ્રાહકોને પ્રક્રિયાના કોઈપણ તબક્કે શાખાઓની મુલાકાત લીધા વિના સીધા તેમના ખાતામાં લોનનું વિતરણ પ્રાપ્ત થાય. ત્રણ RRB ખાતે પાયલોટ અમલીકરણના પ્રોત્સાહક પરિણામો સાથે, આ કો-લેન્ડિંગ પ્રોગ્રામનું વધુ RRB સુધી સૂચિત વિસ્તરણ ગ્રામીણ અને અર્ધ-શહેરી વિસ્તારોમાં ખાસ કરીને માઇક્રો અને સ્મોલ વિભાગોમાં ધિરાણકર્તાઓની ક્રેડિટ જરૂરિયાતોને નોંધપાત્ર રીતે સંબોધિત કરે તેવી અપેક્ષા છે.

SM/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad