دفاع کے شعبے میں خود کفالت کے وژن کو عملی جامہ پہنانے کی جانب ایک اہم قدم  کے طور پر وزیر دفاع جناب راج ناتھ سنگھ نے ڈی آر ڈی او کی جانب سے تیار کردہ تمام روایتی میزائل نظام سے متعلق ٹیکنالوجی کو ملک کے اندر پیداوار کے لیے بھارتی دفاعی صنعت کو منتقل کرنے کی منظوری دے دی ہے۔ ٹیکنالوجی کی یہ منتقلی دفاعی ماحولیاتی نظام میں ملکی صنعتوں کی زیادہ سے زیادہ شمولیت کو فروغ دینے کی جانب ایک اہم سنگِ میل ہے، جس کے تحت متعلقہ اہلیت، سرٹیفیکیشن اور ضابطہ جاتی تقاضوں کے مطابق ملکی صنعتیں مقامی سطح پر متعلقہ نظام کی تیاری کر سکیں گی۔

یہ پہل میزائل نظام  کی تیاری کے مرحلے سے صنعتی پیداوار کی جانب کامیاب منتقلی کو ممکن بنائے گی۔ اس سے جدید دفاعی نظام کی تیاری اور ترقی کے لیے بھارتی صنعت کی صلاحیتوں سے استفادہ کرنے کی ڈی آر ڈی او کی مسلسل کوششوں کی بھی عکاسی ہوتی ہے۔ اس پہل کا مقصد ملکی پیداواری صلاحیتوں کو فروغ دینا، دفاعی صنعتی بنیاد کو مضبوط بنانا اور بھارت کی چھوٹی،بہت چھوٹی اور درمیانہ درجے کی صنعتوں سمیت دیگر ٹیکنالوجی سے متعلق دیگر شراکت داروں کے لیے سپلائی چین میں شرکت کے مواقع پیدا کرنا ہے۔

اس پہل کا مقصد دفاعی آپریشنل صلاحیت میں اضافہ، درآمدات پر انحصار میں کمی اور ملکی سطح پر اضافی قدر میں اضافہ کرنا ہے، جبکہ بھارت کے دفاعی مینوفیکچرنگ شعبے کی ترقی کو بھی فروغ دینا ہے۔ ڈی آر ڈی او جدید دفاعی ٹیکنالوجیز کی منتقلی اور ان کے مؤثر استعمال میں بھارتی صنعت کے ساتھ قریبی تعاون جاری رکھنے اور ملک کی مقامی دفاعی صلاحیتوں کو مزید مضبوط بنانے کے تئیں پُرعزم ہے۔

****

ش ح۔ش م ۔ ش ا

U. NO.: 2559