بھارت-نیپال مشترکہ ورکنگ گروپ (جے ڈبلیو جی) کا 14واں اجلاس 20-21 اگست 2026 کو دہرادون میں منعقد ہوا۔

بھارت کے وفد کی قیادت وزارتِ داخلہ، بھارت سرکار کی جوائنٹ سیکرٹری (بی ایم-I) محترمہ پوسومی باسو نے کی۔ نیپالی وفد کی قیادت وزارتِ داخلہ، نیپال سرکار کے جوائنٹ سیکرٹری جناب آنند کفلے نے کی۔

دونوں فریقوں نے سرحد کے انتظام اور سلامتی پر دوطرفہ تعاون کے پورے دائرہ کار کا جائزہ لیا اور ان شعبوں میں تعاون کو مضبوط بنانے کے اپنے عزم کا اعادہ کیا۔

گفت و شنید میں سرحد پار جرائم اور مجرمانہ سرگرمیوں سے نمٹنا؛ سرحدی بنیادی ڈھانچے، خاص طور پر مربوط چیک پوسٹوں (آئی سی پیز)، سڑکوں اور ریلوے نیٹ ورکس کو مضبوط بنانا اور مؤثر طریقے سے استعمال کرنا؛ اور تجاوزات کو ہٹانا اور سرحدی ستونوں کی دیکھ بھال شامل تھی۔

دونوں فریقوں نے مختلف شعبوں میں ادارہ جاتی ہم آہنگی اور صلاحیت سازی کو مضبوط بنانے پر بھی تبادلہ خیال کیا اور ان شعبوں میں مصروفیت کو برقرار رکھنے پر اتفاق کیا۔

اس بات پر اتفاق کیا گیا کہ مشترکہ ورکنگ گروپ کا اگلا اجلاس باہمی طور پر مناسب تاریخ پر نیپال میں منعقد ہوگا۔

***

(ش ح - ع ا)

U.No. 2454