প্রধানমন্ত্রীগী লোইশঙ
জপানগী ঙাকশেল মন্ত্রীনা পি.এম. মোদীগা উন্নখ্রে
হন্দক্তা ভারত্তা লাকখিবা মতমদা প্রধান মন্ত্রী সনাই তাকায়চিগা লোয়ননা প্রজক্তিব ওইবা খন্ন-নৈনবশিং অদু পি.এম.না নিংশিংখি
পি.এম.না মেক-ইন-ইন্দিয়াগী মখাদা দিফেন্স কো-দিবেলপমেন্ত অমসুং কো-প্রদক্সন্দা ভারতকি কম্পেনিশিং অমসুং স্তার্ত-অপশিংগা পার্ত্নরশিপ তৌনবা জপানগী খুদোংচাবশিং অদু ফোঙদোকখি
प्रविष्टि तिथि:
20 AUG 2026 9:08PM by PIB Imphal
ভারত্তা ওফিসিয়েল ওইবা খোঙচৎ অমা ওইনা জপানগী ঙাকশেল মন্ত্রী সিঞ্জিরো কোইজুমিনা ঙসি প্রধান মন্ত্রী শ্রী নরেন্দ্র মোদীগা ৱারি শান্নখ্রে।
প্রধান মন্ত্রীনা ২০২৬কি জুলাইদা হন্দক্তা ভারত্তা পাংথোকখিবা ১৬শুবা ভারত-জাপান এনুএল সমিৎকিদমক প্রধান মন্ত্রী সনাই তাকায়চিগা লোয়ননা মহাক্কী অকুপ্পা ৱারি শান্নবা অদু নিংশিংখি, অমসুং ভারত অমসুং জপানগী মরক্তা ঙাক-শেলদা তেংবাং পীনবদা লেংদবা খোঙজেল অদু থাগত্পা ফোঙদোকখি।
প্রধান মন্ত্রীনা ভারত অমসুং জপানগী মরক্তা স্পিসিএল স্ত্রেতেজিক অমসুং গ্লোবেল পার্ত্নরশিপ মখা তানা চেৎশিলহন্নবাা মহাক্কী মিত্য়েং অদু ফোঙদোকখি অমসুং ইন্দো-পেসিফিক অমসুং মপান লৈবাকশিংদা শান্তি, তংদু লৈতাবা অমসুং নুংঙায়-য়াইফবা মখা তানা হেনগৎহনবদা ভারত-জাপান দিফেন্স অমসুং সেক্যুরিতি কোওপরেসনগী মরুওইবা অদু ফোঙদোকখি।
প্রধান মন্ত্রীনা জপাননা দিফেন্শ সেক্তারদা ভারতকি কম্পেনিশিং অমসুং স্তার্ত-অপশিংগা পার্ত্নরশিপ তৌনবগী খুদোংচাবশিং ফোঙদোকখি, মরুওইনা ‘মেক ইন ইন্দিয়া’গী থৌরাংগী মখাদা কো-দিবেলপমেন্ত অমসুং কো-প্রদক্সনগীদমক।
ঙাকশেল মন্ত্রী কোইজুমিনা নাকল অনিগী ঙাকশেলগী মতেং পিনবদা খুমাং চাউশিনবগী মতাংদা প্রধান মন্ত্রীদা পাওদমখি অমসুং ভারতকা মরি হেন্না চেৎশিলহন্নবগী মায়কৈদা জপান সরকারনা মখা তানা ৱাশক অদু অমুক হন্না ফোঙদোকখি।
***
(रिलीज़ आईडी: 2301905)
आगंतुक पटल : 5
इस विज्ञप्ति को इन भाषाओं में पढ़ें:
Assamese
,
Malayalam
,
English
,
Urdu
,
Marathi
,
हिन्दी
,
Bengali
,
Punjabi
,
Gujarati
,
Odia
,
Telugu