ভারতনা ১৭.০৮.২০২৬ তা উলানবাতর (মোঙ্গোলিয়া) দা পাঙথোকখিবা ১৭শুবা সেসন তু কন্ফরেন্স ওফ দি পার্তিজ (সি.ও.পি.১৭) তু দি য়ুনাইতেদ নেসন্স কনভেন্সন তু কোম্বেত দেজর্তিফিকেসন (য়ু.এন.সি.সি.দি.)দা ইহান হানবা গাইদ তু গ্রাসলেন্দস এন্দ অদর ওপন নেচরেল ইকোসিস্তেম্স (ও.এন.ই.) ওফ ইন্দিয়া ফোঙখ্রে। দোকুমেন্ত অসিনা ভারতকী গ্রাসলেন্দ, সবানা, লৈকঙলা অমসুং অতৈ ওপন নেচরেল ইকোসিস্তেমশিংগী ইনাক খুল্লবা দাইভর্সিতী, ইকোলোজীগী মরুওইবা অমসুং খুন্নাই-শেন্মিৎলোনগী মরুওইবশিং ফোঙদোক্লি। মসিনা মখোয়বা ঙাক শেনবা, হান্নগী ফীভমদা হঞ্জিলহনবা অমসুং তুং কোইগদবা মওংদা মেনেজ তৌবগী থৌওং মপাঙ্গল কনখৎহন্নবা মরুওইবা খোঙথাং অমনি।

লোঞ্চ তৌখিবা অদুগী মাঙওইননা ভারত লৈঙশক্কী এনভাইরনমেন্ত, ফোরেস্ত অমসুং ক্লাইমেত চেঞ্জকী মন্ত্রী শ্রী ভুপেন্দ্র য়াদবতগী অখন্নবা ভিদিও পাউজেল অমা থাদোকখি। গ্রাসলেন্দ, স্ক্রবলেন্দ অমসুং রেভাইনশিং অসি, ইকোসিস্তেমশিং অসিনা মালেমগী মফম অতৈদা ফংদবা স্পেসিসশিংগী মফম ওইজরবসু অমসুং পাস্তোরেল কম্ম্যুনিতীশিং তুং কোইনা থমজরবসু, মতম শাংনা উ পাম্বীশিং হৌদবনা মশক তাক্তুনা লাক্লি হায়না মহাক্না হায়খি। মশা মউ ফবা গ্রাসলেন্দশিং অসি বাইওদাইভর্সিতী, লাইবলিহুদ অমসুং ক্লাইমেত রেজিলিএন্সকীদমক তঙায় ফদবনি হায়বা লোকেল কম্ম্যুনিতীশিংগী ৱাখল লৌশিং অসি মোদর্ন সাইন্সনা হেন্না মপাঙ্গল হাপ্লি হায়না মহাক্না ফোঙদোকখি।

শ্রী য়াদবনা মহাক “ৱেস্তলেন্দ” নি হায়না হেক হেক হায়নবা গ্রেজিং লেন্দ অমসুং দেজর্ত স্ক্রবনা কোয়শিনবা রাজস্থানগী অজমেরদা চাউরকপা মরমনা গাইদ অসি মহাক্কী থম্মোয়গা য়াম্না নক্ননবা মরী লৈ হায়খি। খুঙ্গংশিংনা ঙাক শেন্দুনা লাকখিবা ত্রেদিস্নেল ওরান নৎত্রগা গাউচার লেন্দস্কেপ নীংশিংলদুনা, লোকেল কম্ম্যুনিতীশিংনা লম অমদি শা-শনশিং অসি নীংথিনা খঙই অমসুং মখোয়গী পুন্সিগা নক্নবা মরী লৈনৈ হায়না মহাক্না হায়খি।

মন্ত্রী অদুনা গাইদ অসি ভারতকী ওপন নেচরেল ইকোসিস্তেম শকখঙনবা মায়কৈদা মরুওইবা খোঙথাং অমনি হায়খি, অমসুং উমং-ৱামংগা লোয়ননা সাইন্সতা য়ুম্ফম ওইদুনা ঙাক শেনবগী মথৌ তাবশিং ফোঙদোকখি। মসিনা ইকোসিস্তেমশিং অসিগী মরমদা হেন্না মমুৎ তানা খঙনবা অমসুং ঙাক শেন্নবা পুক্নিং থৌগৎকনি হায়না মহাক্না থাজবা ফোঙদোকখি।

গাইদ অসি য়ু.এন.সি.সি.দি. সি.ও.পি.১৭গী ওফিসিএল সাইদ ইভেন্ত অমদা ভারত লৈঙাক্কী এনভাইরনমেন্ত, ফোরেস্ত অমসুং ক্লাইমেত চেঞ্জ (MoEF&CC) গী মীৎয়েঙ মখাদা ফোঙখিবনি। গাইদ ফোঙবা অমসুং ফোঙবগী থৌরম অদু অসোকা ত্রস্ত ফোর রিছর্চ ইন ইকোলোজী এন্দ দি এনভাইরনমেন্ত (ATREE) না ইন্তরনেস্নেল য়ুনিয়ন ফোর কঞ্জার্বেসন ওফ নেচর (IUCN), সেন্তর ওফ এক্সেলেন্স ওন সস্তেনেবল লেন্দ মেনেজমেন্ত (CoE-SLM), ইন্দিয়ন কাউন্সিল ওফ ফোরেস্ত্রী রিছর্চ এন্দ এজুকেসন (ICFRE), অমসুং স্পেস এপ্লিকেসন্স সেন্তর (SAC), ISRO গা খুৎশম্নরগা পাঙথোকপনি। মসিনা লৈঙাক, সাইন্তিফিক অমসুং রিছর্চ ইনস্তিত্যুসন্স, ইন্তরনেস্নেল ওর্গনাইজেসন অমসুং সিভিল সোসাইতীবু পুনমিন্নহনখি।

প্রেজেন্তেসন্স অমসুং খন্ন-নৈনখিবশিং অদুদা ভারতকী গ্রাসলেন্দশিং অমসুং ওপন নেচরেল ইকোসিস্তেমশিংগী খেন্নবা মওং মতৌ অমসুং দিস্ত্রিব্যুসন, মখোয়গী ইকোলোজীগী মরুওইবা, অমসুং ভারতকী লেন্দ দিগ্রেদেসন ন্যুত্রেলিতী (এল.দি.এন.) তার্গেতশিং ফংবদা মখোয়বু হান্নগী ফীভমদা হঞ্জিলহনবদা লৌরিবা থৌরাংশিং ফোঙদোক্নখি। হেন্না মপাঙ্গল কনবা সাইন্তিফিক নোলেজ, ফীভম ফগৎলবা লেন্দ-দিগ্রেদেসন এসেসমেন্ত অমসুং লেন্দস্কেপ-লেবেল প্লান্নিংগী মথৌ তাবশিংসু নৈনখি।

গাইদ অসিনা ভারত পুম্বদা লৈরিবা অচৌবা ওপন নেচরেল ইকোসিস্তেমশিংগী মতাঙদা মখোয়গী লৈরিবা মওং মতৌ, ইকোলোজীগী মশক মওং, বাইওদাইভর্সিতী অমসুং মখোয়গা মরী লৈনরিবা ফুরুপ অমসুং ত্রাইবশিং য়াওনা মরুওইবা ইনফোর্মেসনশিং পুনশিল্লি। মসিদা পেস্তরেলিজম, ফাইয়র ইকোলোজী অমসুং কার্বোন সিক্বেস্ত্রেসনগী থিমেতিক সেক্সনশিংসু য়াওরি। ভারতকী ওপন নেচরেল ইকোসিস্তেমশিং অসিদা হিমালয় অমসুং তেরাইগী গ্রাসলেন্দশিংদগী হৌরগা থার অমসুং বন্নি লেন্দস্কেপ্স, দেক্কান সভানা, রোকী প্লেচু, রেভাইন, স্ক্রবলেন্দ, কোস্তেল ইকোসিস্তেম অমসুং দেজর্ত লেন্দস্কেপ ফাওবা য়াওরি। ইকোসিস্তেমশিং অসিনা খেন্নবা বাইওদাইভর্সিতীশিংদা ঙাক্লৌ পী, লৈপাক লৈহাও অমসুং ঈশিংগী থৌওংদা থৌদাং লৌই, লৈপাক লৈহাউদা কার্বোন মরাং কায়না তুংশিল্লি, অমসুং পেস্তরেল, লাইবস্তোক-বেজ অমসুং লৌউ-শিংউগী হিংনবগী লম্বীশিং ঙাক্তুনা থম্মি।

থৌরম অদুদা নেস্নেল অমসুং ইন্তরনেস্নেল এক্সপর্তশিং, সাইন্তিফিক ইনস্তিত্যুসনশিং, সিভিল সোসাইতী অমসুং কম্ম্যুনিতী-বেজ ওর্গনাইজেসনশিংগী ফাইয়রসাইত চেত অনিসু পাঙথোকখি। খন্ন-নৈনখিবা অদুনা গ্রাসলেন্ত অমসুং দ্রাইলেন্দ ঙাক শেনবা অমসুং হান্নগী ফীভমদা হঞ্জিলহনবা, মীয়ামদা য়ুম্ফম ওইবা রেঞ্জলেন্দ গভর্নেন্স, ক্লাইমেত রেজিলিএন্স, অমসুং ওপন নেজরেল ইকোসিস্তেমশিংগী লেন্দস্কেপ-স্কেল কঞ্জার্বেসন অমসুং তুং কোইগদবা মেনেজমেন্তকীদমক মথৌ তাবা ইনস্তিত্যুস্নেল, সাইন্তিফিক অমসুং খুজিল থৌরাংগী মতাঙদা মীৎয়েঙ থমখি।

লোঞ্চ তৌখিবা অদুনা লেন্দ রেস্তোরেসনগী সাইন্স-ইনফোর্ম অমসুং লেন্দস্কেপ-বেজ এপ্রোচ অমসুং তুং কোইগদবা লেন্দ মেনেজমেন্তকীদমক ভারতনা লেপ্লিবা খোঙফম চেৎশিনহল্লে। মসিনা গ্রাসলেন্দ, রেঞ্জলেন্দ, অমসুং অতৈ ওপন নেচরেল ইকোসিস্তেমশিংবু লেন্দ দিগ্রেদেসন, বাইওদাইভর্সিতী কঞ্জার্বেসন, ক্লাইমেত রেজিলিএন্দ অমসুং সস্তেনেবল লাইবলিহুদগী মপুং ওইবা খন্ন-নৈনবদু পুশিল্লকপগী মথৌ তাবা ৱাফমশিং ফোঙদোক্লি।

গাইদ অসি ভারতকী গ্রাসলেন্ত অমসুং অতৈ ওপন নেচরেল ইকোসিস্তেমশিং ঙাক শেনবা, হান্নগী ফীভমদা হঞ্জিলহনবা অমসুং তুং কোইগদবা মওংগী মেনেজমেন্তকী লমদা থবক পায়খৎলিবা পোলিসীমেকর, রিছর্চর, কঞ্জার্বেসন প্রাক্তিস্নর, দিভেলপমেন্ত এজেন্সী অমসুং ফীয়ামগীদমক মমল য়াম্লবা মচাক অমা ওইগনি হায়না থাজবা থম্লি। মসিবু সি.ও.পি.১৭ দা লোঞ্চ তৌখিবা অসিনা ভারত্তা মাগী খেন্নবা ওপন ইকোসিস্তেমশিং উত্থোক্নবা অমসুং লেন্দ রেস্তোরেসন, রেঞ্জলেন্দ অমসুং লেন্দ দিগ্রেদেসন ন্যুত্রেলিতীগী মালেমগী খন্ন-নৈনবদা মাগী মফম চেৎশিলহন্নবা মরুওইবা ফম্পাক অমসু ফংহল্লি।

*****