কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা ঙসি হায়খি মদুদি স্বদেশী, চাউখৎপা অমসুং মশা-মরোমদোম লেপচবগী ৱারেপনা ইথিল পীরদুনা ৮০শুবা নীংতম্বা নুমিৎকী থৌরমদা পীখিবা প্রধান মন্ত্রী শ্রী নরেন্দ্র মোদীগী ৱারোল অসি সেক্তর খুদিংমক্তা মকোক থোংবা লৈবাক অমা ওইনবগী মাইকৈদা চংশিল্লিবা খোঙচৎতা মাইলস্তোন অমা ওইগনি।

এক্সকী পোস্ত অমদা, কেন্দ্রগী গৃহ মন্ত্রী শ্রী অমিত শাহনা হায়খি, “৮০শুবা নীংতম্বা নুমিৎতা লৈবাক মীয়ামদা ৱা ঙাংলদুনা, প্রধান মন্ত্রী শ্রী নরেন্দ্র মোদীনা 'দ্রগ ফ্রী ইন্দিয়া', 'সেফ ইন্দিয়া' অমসুং 'নেসন ফার্স্ত'গী ৱাখল্লোন্না লমজিংদুনা 'বিক্সিৎ ভারত' অমা শেমগৎনবা পাক-শন্না রোদমেপ অমা থমখি। সেমিকন্দক্তরশিং, ক্রিতিকেল মিনরেলশিং, ইনর্জী অমসুং রেলৱে ত্রান্সপোর্তনচিংবা সেক্তরশিংদা হৌখিবা চহি ১২দা মমাংঙৈদা ওইখিদ্রিবা মওংদা খুমাং চাউশিল্লকপগী মতাংদা পল্লদুনা, প্রধান মন্ত্রীনা লৈবাক অসিবু অনৌবা অৱাংবা থাক্তা পুখৎনবা অমসুং সেক্তর খুদিংমক্তা মশা-মরোমদোম লেপচবা ঙম্নবা 'সপ্তধারা'গী মন্ত্র অসি পীখি। নহারোলশিংগী ওইথোকপা য়াবশিং ফংহন্নবা, মোদী জীনা চহি অমদা নহারোল করোর অমা হেন্না এ.আই. স্কিলিং ফংহন্নবা, ফ্রী ওনলাইন কোচিংগী নেৎৱার্ক অমা লিংখৎনবা অমসুং ২০৩৬ ওলিম্পিক্সকীদমক তেলেন্ত হন্ত কেম্পেন অমা হৌদোক্নবা থৌরাংশিং লৌখৎলি হায়না লাউথোকখি। মহাক্না ২০৪৭ ফাওবদা ন্যুক্লিয়র পাৱর কেপাসিতী গিগাৱাৎ ১০০ ফংনবা অমসুং অনৌবা সেমিকন্দক্তর য়ুনিৎ ৮ লিংখৎনবা পান্দমসু থমখি। স্বদেশী, চাউখৎপা অমসুং মশা-মরোমদোম লেপচবগী ৱারেপ্না ইথিল পীদুনা, মোদী জীগী ৱারোল অসি সেক্তর খুদিংমক্তা মকোক থোংবা লৈবাক অমা ওইবগী খোঙচৎতা মাইলস্তোন অমা ওইরগনি।”

80वें स्वतंत्रता दिवस पर प्रधानमंत्री श्री @narendramodi जी ने राष्ट्र को संबोधित करते हुए 'नशामुक्त भारत', 'सुरक्षित भारत' और 'राष्ट्र प्रथम' की भावना के साथ विकसित भारत बनाने का व्यापक रोडमैप दिया। प्रधानमंत्री जी ने बीते 12 वर्षों में सेमीकंडक्टर, क्रिटिकल मिनरल्स, एनर्जी व…

— Amit Shah (@AmitShah) August 15, 2026

অতোপ্পা পোস্ত অমদা, শ্রী অমিত শাহনা হায়খি, “নীংতম্বা ফংবগী চহি ৮০গী মতুংদা ঙসি অহানবা ওইনা লাল কিল্লাগী লানবনদগী নীংতম ইহৌগী ময়েক শেংলবা অকনবা খোলাউ - 'বন্দে মাতরম' – শকখি। পুৱারী ওইরবা তাঙ্কক অসি উবদা তু চুংবা পোকপতা নত্তনা ঐহাক্কী হকচাং পুম্বনা নুংঙাইবা ফাওখি।”

'वंदे मातरम्', जो स्वतंत्रता आंदोलन का प्रखर जयघोष रहा, उसका आजादी के 80 वर्ष बाद आज पहली बार लाल किले की प्राचीर से गान हुआ।

इस ऐतिहासिक पल का साक्षी बनकर न सिर्फ रोंगटे खड़े हो गए, बल्कि रोम-रोम पुलकित हो उठा। pic.twitter.com/snWJ9tgEvz

— Amit Shah (@AmitShah) August 15, 2026

***