امور داخلہ و امداد باہمی کے مرکزی وزیر  جناب امت شاہ نے آج کہا کہ 80ویں یوم آزادی کے موقع پر وزیراعظم نریندر مودی کا ’سودیشی‘، خوشحالی اور خود انحصاری کے عزم سے معمور خطاب تمام شعبوں میں سرکردہ ملک بننے کے ہندوستان کے سفر میں ایک سنگِ میل ثابت ہوگا۔

سوشل میڈیا پلیٹ فارم ایکس پر ایک پوسٹ میں جناب امت شاہ نے کہا، ’’80ویں یوم آزادی کے موقع پر قوم سے خطاب کرتے ہوئے وزیراعظم نریندر مودی نے ’نشہ سے پاک ہندوستان‘، ’محفوظ ہندوستان‘ اور ’راشٹر پہلے‘ کے جذبے سے تحریک حاصل کرنے والے ’وکست بھارت‘ کی تعمیر کا جامع لائحہ عمل پیش کیا۔ سیمی کنڈکٹر، اہم معدنیات، توانائی اور ریلوے ٹرانسپورٹ جیسے شعبوں میں گزشتہ 12 برسوں میں ہوئی بے مثال پیش رفت کو اجاگر کرتے ہوئے وزیراعظم نے ملک کو نئی بلندیوں تک لے جانے اور تمام شعبوں میں خود کفیل بنانے کے لیے ’سپت دھارا‘ یعنی طاقت کے سات ستونوں کا منتر دیا۔

انہوں نے کہا کہ نوجوانوں کی صلاحیتوں کو بروئے کار لانے کے لیے وزیراعظم نے ایک ہی سال میں ایک کروڑ سے زائد نوجوانوں کو مصنوعی ذہانت (اے آئی) کی تربیت دینے، مفت آن لائن کوچنگ کے لیے ایک نیٹ ورک قائم کرنے اور 2036 کے اولمپکس کے لیے ٹیلنٹ ہنٹ مہم شروع کرنے کے اقدامات کا اعلان کیا۔

جناب امت شاہ نے کہا کہ وزیراعظم نے 2047 تک نیوکلیئر توانائی کی صلاحیت کو 100 گیگاواٹ تک پہنچانے اور آٹھ نئی سیمی کنڈکٹر یونٹس قائم کرنے جیسے بلند اہداف بھی مقرر کیے ہیں۔

انہوں نے کہا کہ ’سودیشی‘، خوشحالی اور خود انحصاری کے عزم سے معمور وزیراعظم نریندر مودی کا یہ خطاب تمام شعبوں میں سرکردہ ملک بننے کے ہندوستان کے سفر میں ایک اہم سنگِ میل ثابت ہوگا۔

80वें स्वतंत्रता दिवस पर प्रधानमंत्री श्री @narendramodi जी ने राष्ट्र को संबोधित करते हुए 'नशामुक्त भारत', 'सुरक्षित भारत' और 'राष्ट्र प्रथम' की भावना के साथ विकसित भारत बनाने का व्यापक रोडमैप दिया। प्रधानमंत्री जी ने बीते 12 वर्षों में सेमीकंडक्टर, क्रिटिकल मिनरल्स, एनर्जी व…

— Amit Shah (@AmitShah) August 15, 2026

 

ایک دیگر پوسٹ میں جناب امت شاہ نے کہا، ’’آزادی کی تحریک کے جوش سے بھرپور گیت ’وندے ماترم‘ آزادی کے 80 سال بعد آج پہلی بار لال قلعہ کی فصیل سے گایا گیا۔ اس تاریخی لمحے کا مشاہدہ کرتے ہوئے نہ صرف میرے رونگٹے کھڑے ہوگئے بلکہ میرا پورا وجود بے حد مسرت اور جوش سے بھر گیا۔‘‘

'वंदे मातरम्', जो स्वतंत्रता आंदोलन का प्रखर जयघोष रहा, उसका आजादी के 80 वर्ष बाद आज पहली बार लाल किले की प्राचीर से गान हुआ।

इस ऐतिहासिक पल का साक्षी बनकर न सिर्फ रोंगटे खड़े हो गए, बल्कि रोम-रोम पुलकित हो उठा। pic.twitter.com/snWJ9tgEvz

— Amit Shah (@AmitShah) August 15, 2026

 

************

 

 

ش ح ۔   م    د۔  م  ص

(U :2155  )

(रिलीज़ आईडी: 2299910) आगंतुक पटल : 7