প্রধানমন্ত্রীগী লোইশঙ
প্রধান মন্ত্রীনা নীংতম নুমিৎনা লাকপদা মীপুম খুদিংমক্তা য়াইফ-পাউজেল পীখ্রে
পি.এম.না মশীং লাকঙমদ্রবা নীংতম লান্মীশিংগী থৌনা, কত্থোকপা অমসুং লেংদ্রবা ফিরেপ অদুবু নীংশিংখ্রে
प्रविष्टि तिथि:
15 AUG 2026 6:46AM by PIB Imphal
প্রধান মন্ত্রী শ্রী নরেন্দ্র মোদীনা ঙসি নীংতম্বা নুমিৎকী থৌরমদা লৈবাক মীয়ামদা য়াইফ-পাউজেল পীখ্রে। জাতিগী কুহ্মৈ অসিনা লোইলম লৈঙাক লোইশিনবা ঙমহনখিবা ঐখোয়গী থৌনা ফরবা নীংতম লান্মীশিংনা উৎখিবা থোইদোক হেন্দোকপা থৌনা, চোকথবা লৈতবা লান্থেংনখিবা অমসুং মমা লৈবাক্কীদমক্তা হনবা লৈত্রবা থৌনা অদুগী নীংঙমদবনা থল্লবা নীংশিং মমি অমা ওইরি হায়না মহাক্না ফোংদোকখি।
প্রধান মন্ত্রীনা ফোংদোকখি মদুদি মখোয়গী মঙলানশিং অসিনা ঐখোয়দা ইথিল পীরি, ঐখোয়না বিক্সিৎ ভারতকী ৱারেপ অদু মপুং ফাহন্নবগীদমক পুন্না থবক তৌমিন্নদুনা মখোয়গী ৱাখল্লোনশিং অদু ঙাক্না চৎনবা মহাক্না লৈবাক মীয়ামদা হায়জখি।
শ্রী মোদীনা হায়খি মদুদি ভারত মচা করোর ১৪০না শক্তি পীদুনা ঐখোয়গী লৈবাক অসিনা সেক্তর কয়াদা চাউখৎপগী অনৌবা থাক্তা চঙশিল্লি। মসিগী চাউখৎ-থৌরাংগী খোঙচৎ অসিনা লাক্কদৌরিবা মতমশিংদা হেন্না য়াংবা খোঙজেল অমদা খুমাং চাউশিল্লগনি হায়না মহাক্না থাজবা থমখি।
এক্সতা পোস্ত অমদা, প্রধান মন্ত্রীনা অসুম্না ইখি:
“নীংতম্বা নুমিৎকী য়াইফ পাউজেল পীজরি।
ঐখোয়না লোইলম লৈঙাক লোইশিনবা ঙমহনখিবা মশীং লাকঙমদ্রবা নীংতম লান্মীশিংগী থৌনা, কত্থোকপা অমসুং হনবা লৈত্রবা ফিরেপ অদুবু তৌবিমল খঙবগা লোয়ননা নীংশিংলি। ঐখোয়না বিক্সিৎ ভারত অমা শেমগৎনবা পুন্না থবক তৌমিন্নরিঙৈদা মখোয়গী মঙলানশিং অসিনা ঐখোয়দা ইথিল পীরি।
ভারত মচা করোর ১৪০না শক্তি পীদুনা, ঐখোয়গী লৈবাক অসিনা সেক্তর কয়াদা অনৌবা অৱাংবা থাক্তা চঙশিল্লি। লাক্কদৌরিবা মতমশিংদা খোঙচৎ অসিনা হেন্না খোঙজেল য়াংনা খুমাং চাউশিল্লকপা ওইরসনু।
ইরৈবাকচা পুম্নমক্তা নীংতম্বা নুমিৎকী থম্মোয় শেংনা য়াইফ-পাউজেল পীজরি।
জাতিগী কুহ্মৈ অসিনা ঐখোয়দা লৈবাক অসিগী থৌনা ফরবা অথৌবশিংনা উৎখিবা অখন্নবা থৌনা, চোকথবা লৈতনা হোৎনখিবা অমসুং মমা লৈবাক্কীদমক্তা মখোয়গী হনবা লৈত্রবা থৌনা অদু নীংশিংহল্লি।
ঐখোয়না মখোয়গী ৱাখল্লোনশিং অদু লৌশিনসি অমসুং চাউখৎলবা ভারত অমা শেমগৎনবা ৱারেপ অদু মপুং ফাহল্লসি।”
***
(रिलीज़ आईडी: 2299797)
आगंतुक पटल : 3
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Gujarati
,
Tamil
,
Telugu
,
Kannada
,
Malayalam