രാഷ്ട്രപതിയുടെ കാര്യാലയം
രാഷ്ട്രപതിയുടെ പാർസി പുതുവത്സര സന്ദേശം
प्रविष्टि तिथि:
14 AUG 2026 6:10PM by PIB Thiruvananthpuram
പാഴ്സി സമൂഹത്തിന് പുതുവത്സരാശംസകൾ നേർന്നുകൊണ്ട് രാഷ്ട്രപതി ശ്രീമതി ദ്രൗപതി മുർമു തന്റെ സന്ദേശത്തിൽ ഇങ്ങനെ കുറിച്ചു:
“പാഴ്സി പുതുവത്സര ദിനമായ നവ്റോസിന്റെ ശുഭകരമായ വേളയിൽ, ഇന്ത്യയിലും വിദേശത്തും താമസിക്കുന്ന എല്ലാ പൗരന്മാർക്കും, പ്രത്യേകിച്ച് പാഴ്സി സഹോദരീസഹോദരന്മാർക്ക് എന്റെ ഊഷ്മളമായ ആശംസകൾ നേരുന്നു".
പുതിയ തുടക്കങ്ങളുടെയും പ്രതീക്ഷകളുടെയും പ്രതീകമാണ് നവ്റോസ് എന്ന് രാഷ്ട്രപതി പറഞ്ഞു. സന്തോഷവും സൗഹാർദ്ദവും പങ്കുവെക്കുന്ന ഈ ആഘോഷം സഹവർത്തിത്വത്തിന്റെയും മാനവസേവനത്തിന്റെയും സന്ദേശമാണ് നൽകുന്നത്. സ്വന്തം സംരംഭകത്വത്തിലൂടെയും ജീവകാരുണ്യ പ്രവർത്തനങ്ങളിലൂടെയും രാജ്യത്തിൻറെ വികസനത്തിന് പാർസി സമൂഹം നൽകിയ സംഭാവനകൾ അവിസ്മരണീയമാണെന്ന് രാഷ്ട്രപതി ചൂണ്ടിക്കാട്ടി.
ഈ പവിത്രമായ ഉത്സവം എല്ലാ പൗരന്മാരെയും ഉൾക്കൊള്ളുന്നതും വികസിതവുമായ ഒരു ഇന്ത്യ കെട്ടിപ്പടുക്കുന്നതിന് ഒരുമിച്ച് പ്രവർത്തിക്കാൻ പ്രചോദിപ്പിക്കുമെന്ന് ഉറപ്പുണ്ടെന്നും എല്ലാവർക്കും സന്തോഷവും സമാധാനവും സമൃദ്ധിയും ഈ ഉത്സവം നൽകട്ടെയെന്നും രാഷ്ട്രപതി ആശംസാസന്ദേശത്തിൽ പറഞ്ഞു.
രാഷ്ട്രപതിയുടെ സന്ദേശം വായിക്കാൻ ഇവിടെ ക്ലിക്കുചെയ്യുക-
***
(रिलीज़ आईडी: 2299746)
आगंतुक पटल : 10