প্রধান মন্ত্রী, শ্রী নরেন্দ্র মোদীনা ২০২৬গী ওগস্ত ১৫দা দিল্লীগী রেদ ফোর্ততগী ৮০শুবা নীংতম্বা নুমিৎকী থৌরম লুচিংগনি। চাউরবা থৌরম অসি জাতিগী ঈশৈ ‘বন্দে মাতরম’গী চহি ১৫০ শুরকপগী লেংদ্রবা লেগেসীবু নিংশিংবা ওইনা অমসুং ২০৪৭ ফাওবদা বিক্সিত ভারতকী মাইকৈদা ভারতকী খোঙচৎপু মাঙলোমদা পুখৎপদা ‘য়ুব শক্তি’গী থৌনা, মঙলানশিং অমসুং মরুওইবা থৌদাং অদু থাগৎপা ওইনা পাংথোক্লগনি। অহানবা ওইনা রেদ ফোর্ততা পাংথোক্কদৌরিবা থৌরম অদুগী মনুংদা 'বন্দে মাতরম' শক্লগনি।

থৌরম

প্রধান মন্ত্রীনা রেদ ফোর্ততা য়ৌরকপদা, মহাকপু রক্ষা মন্ত্রী, শ্রী রাজনাথ সিংহ, রক্ষা রাজ্য মন্ত্রী, শ্রী সঞ্জয় সেথ অমসুং দিফেন্স সেক্রেতরী, শ্রী রাজেশ কুমার সিংহনা তরাম্না ওক্লগনি। দিফেন্স সেক্রেতরীনা জেনেরেল ওফিসর কমান্দিং (জি.ও.সি.), দিল্লী এরিয়া লেফতনেন্ত জেনেরেল রাজেশ শেথিবু প্রধান মন্ত্রীদা মশক তাক্কনি। মসিগী মতুংদা, জি.ও.সি., দিল্লী এরিয়ানা প্রধান মন্ত্রীপু সেল্যুতিং বেজ ফাওবা পুগনি, মফম অদুদা অপুনবা ইন্তর-সর্বিসেস অমসুং দিল্লী পুলিসকী গার্দনা শ্রী নরেন্দ্র মোদীদা জেনেরেল সেল্যুত পীগনি। মসিগী মতুংদা, প্রধান মন্ত্রীনা গার্দ ওফ ওনর অদু য়েংশিনগনি।

প্রধান মন্ত্রীগীদমক শেম্বা গার্দ ওফ ওনর কন্তিঞ্জেন্ত অসিদা আর্মী, নেভী, এয়র ফোর্স অমসুং দিল্লী পুলিসকী কন্তিঞ্জেন্ত খুদিংদগী ওফিসর অমমম অমসুং পর্সোনেল ২৪-২৪ য়াওগনি। চহি অসিগী নিংতম নুমিৎকী থৌরমশিংগীদমক ইন্দিয়ান আর্মীনা কো-ওর্দিনেতিং সর্বিস ওইরি। গার্দ ওফ ওনর অসি লেফতনেন্ত কর্নেল অর্জুন সিংহনা কমান্দ তৌগনি। প্রধান মন্ত্রীগী গার্দকী আর্মী কন্তিঞ্জেন্ত অসি মেজর অদিত্যা শর্মনা কমান্দ তৌগনি, নেভী কন্তিঞ্জেন্ত অসি লেফতনেন্ত কমান্দর নীলম রানানা অমসুং এয়র ফোর্স কন্তিঞ্জেন্ত অসি স্ক্বাদ্রন লীদর বিপিন কুমারনা কমান্দ তৌগনি। দিল্লী পুলিসকী কন্তিঞ্জেন্ত অসি এদিসনেল দি.সি.পি. শ্রী বিনীত কুমারনা কমান্দ তৌগনি।

গার্দ ওফ ওনর য়েংশিনবগী মতুংদা, প্রধান মন্ত্রীনা রেদ ফোর্তকী রেম্পার্তশিংদা চৎকনি, মফম অদুদা মহাকপু রক্ষা মন্ত্রী, শ্রী রাজনাথ সিংহ, রক্ষা রাজ্য মন্ত্রী, শ্রী সঞ্জয় সেথ, চীফ ওফ দিফেন্স স্তাফ, জেনেরেল এন.এস. রাজা সুব্রমনি, চীফ ওফ দি এয়র স্তাফ, এয়র চীফ মার্শল এ.পি. সিংহ, চীফ ওফ দি নেভল স্তাফ, এদমিরেল কৃষ্ণা স্বামিনাথন অমসুং চীফ ওফ দি আর্মী স্তাফ, জেনেরেল ধিরাজ সেথনা তরাম্না ওক্লগনি। দিল্লী এরিয়াগী জি.ও.সি.না প্রধান মন্ত্রীপু জাতিগী ফিরাল চিংখৎনবা রেম্পার্ততা লৈবা দাইস ফাওবা পুগনি।

কেপ্তেন সোনিয়া সিংহ চৌহান্না প্রধান মন্ত্রীদা জাতিগী ফিরাল চিংখৎপদা মতেং পাংগনি। মসি ১৭২১ ফীল্দ বেত্তরী (সেরেমোনিয়েল)গী থৌনা ফবা গন্নরশিংনা তোপ-২১গী রাউন্দ সেল্যুতকা লোয়ননা চৎমিন্নগনি। লৈবাকসিদা পুথোকপা ১০৫ এম.এম. লাইত ফীল্দ গন শিজিন্নবা সেরেমোনিয়েল বেত্তরী অসি মেজর পবন সিংহ শেখাৱতনা কমান্দ তৌগনি অমসুং গন পোজিসন ওফিসরনা নাইব সুবেদার (অসিন্তেন্ত ইন্সত্রক্তর ইন গন্নরী) অনুতোশ সরকারনা ওইগনি।

আর্মী, নেভী অমসুং এয়র ফোর্স অমদি দিল্লী পুলিসতগী ওফিসর অমমম অমসুং অতৈ রেঙ্ক ৩২ য়াওবা নেস্নেল ফ্লেগ গার্দনা, প্রধান মন্ত্রীনা জাতিগী ফিরাল চিংখৎপা মতমদা ‘রাস্ত্রিয় সেল্যুত’ উৎকনি। মেজর লোকেন্দ্র সিংহ শেখাৱতনা ইন্তর-সর্বিসেস গার্দ অমসুং পুলিস গার্দ অসিগী কমান্দর ওইগনি।

নেস্নেল ফ্লেগ গার্দতা লৈবা আর্মী কন্তিঞ্জেন্ত অসি মেজর বিকাস য়াদবনা, নেভী কন্তিঞ্জেন্ত অসি লেফতনেন্ত কমান্দর অভিলাশনা অমসুং এয়র ফোর্স কন্তিঞ্জেন্ত অসি স্ক্বাদ্রন লীদর উমেশ জিনা কমান্দ তৌগনি। দিল্লী পুলিসকী কন্তিঞ্জেন্ত অসি এদিসনেল দি.সি.পি. শ্রী বিকাস মীনানা কমান্দ তৌগনি।

ফিরাল চিংখৎলবা মতুংদা, মচু অউম অসিগী ফিরাল অসিবু ‘রাস্ত্রিয় সেল্যুত’ অমা পীগনি। জে.সি.ও. অমমম অমসুং অতৈ রেঙ্ক ২৫ য়াওবা আর্মী বেন্দনা ‘বন্দে মাতরম’গী সুরদা খোংগনি অমসুং রেদ ফোর্ততা তিল্লিবা মীপুম খুদিংমক্না জাতিগী ঈশৈ শক্নগনি। মসিগী মতুংদা নেস্নেল এন্থেম শক্নগনি। বেন্দ অসি সুবেদার ইশ্বর সিংহনা কন্দক্ত তৌগনি।

প্রধান মন্ত্রীনা জাতিগী ফিরাল চিংখৎপগা লোয়ননা, ইন্দিয়ান এয়র ফোর্সকী এম.আই.-১৭ হেলিকোপ্তর অনিনা - অমনা জাতিগী ফিরাল পুদুনা অমসুং অমনা ‘বন্দে মাতরম’ উৎপা ফিরাল অমা পুদুনা - থৌরম মফমদুদা লৈশিং চাইথগনি। হেলিকোপ্তরশিং অসিগী কেপ্তেনশিংদি ৱিং কমান্দর রজত অমসুং স্ক্বাদ্রন লীদর অঙ্কিত বার্শনে ওইগনি।

লৈশিং চাইথরবা মতুংদা, প্রধান মন্ত্রীনা লৈবাক মীয়ামদা ৱা ঙাংগনি। মহাক্কী ৱারোল লোইশিনবদা, নেস্নেল কেদেত কোর্পস (এন.সি.সি.)গী কেদেতশিং অমসুং ‘মাই ভারত’ ভোলুন্তিয়রশিংনা জাতিগী ঈশৈ ‘বন্দে মাতরম’ শক্লগনি অমসুং মসিগী মতুংদা নেস্নেল এন্থেম শক্নগনি। নুপা অমসুং নুপী কেদেত (আর্মী, নেভী অমসুং এয়র ফোর্স) অমদি ‘মাই ভারত’ ভোলুন্তিয়র পুন্না ২,৫০০না থৌরম অসিদা শরুক য়াগনি। কেদেত অমসুং ‘মাই ভারত’ ভোলুন্তিয়রশিং অসি রেম্পার্তকী মায়োক্নবা জ্ঞানপথতা ফমগনি। মখোয়না ‘वंदे मातरम्’ শেমগনি। ‘বিক্সিত ভারত @২০৪৭’ থীম উৎপা ভ্যু কত্তরশিং জ্ঞানপথতা খিনগনি।

অখন্নবা মীথুংলেনশিং

চহি অসিগী রেদ ফোর্ততা পাংথোকপা থৌরমশিং অসি য়েংনবগীদমক তোঙান-তোঙানবা হীরমশিংদগী অখন্নবা মীথুংলেন ৫,০০০রোম কৌখ্রে। মসিদা মনুং চল্লিবা অসিদি:

· ইন্তর্নেস্নেল য়োগ দে ভোলুন্তিয়রশিং

· পি.এম. মুদ্রা য়োজনাগী মখাদা লৈবা নুপী ওন্তোপ্রিনোরশিং

· নমস্তে, পি.এম. অজয়, সীদকী মখাদা কান্নবা ফংলবশিং

· খ্বাইদগী ফবা মাই ভারত ভোলুন্তিয়রশিং

· পি.এম.এ.ৱাই.(য়ু.)গী খ্বাইদগী ফবা কান্নবা ফংলবশিং

· পি.এম. স্বানিধীগী মখাদা লৈবা স্ত্রীত ভেন্দরশিং

· স্বচ্ছ ভারত মিসনগী মখাদা লৈবা অর্বান সেনিতেসন ৱার্করশিং

· খ্বাইদগী ফবা দিল্লী মেত্রোগী ৱার্করশিং

· কর্তব্যা পথ/সেন্ত্রেল ভিস্তাগী খ্বাইদগী ফবা ৱার্করশিং

· নেস্নেল ইন্নোবেসন প্রোগ্রামশিংগী মখাদা লৈবা নহা ওইরিবা ইন্নোবেতরশিং

· তোঙান-তোঙানবা লমশিংদা খ্বাইদগী ফবা ইন্নোবেতর/সাইন্তিস্তশিং

· দিল্লীদা লৈবা ভারত তেক্সিগী সারথী/কেব দ্রাইভর/তেক্সি দ্রাইভরশিং

· প্রধান মন্ত্রী ইন্তর্নশিপ স্কীমগী মখাদা লৈবা খ্বাইদগী ফবা ইন্তর্নশিং

· তোঙান-তোঙানবা স্কীমশিংগী মখাদা শৌগৎপা খ্বাইদগী ফবা স্তার্ত-অপশিং

· পি.এম. কৌশল বিকাস য়োজনাগী মখাদা ত্রেনিং পীবা খ্বাইদগী ফবা নহাশিং

· স্তার্ত-অপ ইন্দিয়া সীদ ফন্দগী মখাদা শৌগৎপা খ্বাইদগী ফবা স্তার্ত-অপশিং

· দিল্লীগী সরকারগী হোস্পিতালশিংগী নর্সিং ওর্দরলী (ৱার্দ এত্তেন্দেন্ত) অমসুং অতৈ স্তাফশিং

· পি.এম. সুর্য ঘর মুফ্ত বিজলী য়োজনাগী কান্নবা ফংলবশিং

· পি.এম. বিশ্বকর্মা স্কীমগী মখাদা লৈবা আর্তিসানশিং

· প্রধান মন্ত্রী শ্রম য়োগী মান্ধন (পি.এম.-এস.ৱাই.এম.) য়োজনাগী মখাদা লৈবা খ্বাইদগী ফবা কান্নবা ফংলবশিং

· প্রধান মন্ত্রী মতস্যা কিসান সমৃদ্ধি সহ-য়োজনা (পি.এম.-এম.কে.এস.এস.ৱাই.)গী মখাদা লৈবা খ্বাইদগী ফবা লৌমীশিং

· দিল্লী সরকারগী স্কুলশিংগী তোঙান-তোঙানবা ক্বিজ, চাংদম্নবশিংনচিংবদা খ্বাইদগী ফবা মহৈরোয়শিং

তোঙান-তোঙানবা রাজ্য/য়ুনিয়ন তেরিতোরীশিংদগী চৎনবীগী ফিজেৎ শেৎপা মীওই ১,৫০০ হেনবসু চাউরবা থৌরম অসি য়েংনবগীদমক কৌখ্রে।

মীয়ামগী খুদোংচানবা

· ক্লোক রুম লৈহনবা: রিপব্লিক দেগী থৌরমশিংদা ক্লোক রুমশিং ফংহনবা অদু লাকপা মীওইশিংনা থাগৎখ্রে। মীয়াম্না লাইনা শিজিন্ননবা, লাক্কদৌরিবা নিংতম্বা নুমিৎকী থৌরমশিং অসিগীদমক মফম তরুক্তা ক্লোক রুম ২৫ হাপখ্রে।

· হেল্পদেস্কতা ভোলুন্তিয়রশিং: ভোলুন্তিয়র ২০০ - এন.সি.সি.দগী ১০০ অমসুং 'মাই ভারত'তগী ১০০না - লাকপা মীওইশিংবু এনক্লোজরশিংদা য়ৌনবগীদমক পুলিস পর্সোনেলগা লোয়ননা মতেং পাংগনি। ভোলুন্তিয়রশিং অসি রেদ ফোর্ততা চৎপা লম্বীদা মশক খঙবা য়াগনি।

· হ্বীলচেয়রশিং ফংহনবা: হ্বীলচেয়রগী মতেং মথৌ তাবা লাকপা মীওই খুদিংমক্কীদমক মেত্রো স্তেসনশিং অমসুং পার্কিং এরিয়াশিংদা এন.সি.সি. কেদেতশিং লৈগনি।

· মেত্রো সর্বিসশিং: মীয়ামবু থৌরম মফমদা য়ৌহন্নবা ওগস্ত ১৫গী অয়ুক পুং ৪দগী মেত্রো চেনবা হৌগনি। মেত্রো সর্বিসশিং অসি চেবাউ পীখ্রবা মীওই খুদিংমক্তা লেম্না ফংহনগনি। মেত্রো ক্যু.আর. কোদশিং ই-ইন্ভিতেসনগা লোয়ননা ফংহল্লি।

· পেরেদ গ্রাউন্দদা পার্কিং ফেসিলিতী: ভেলিদ পার্কিং/লেবেল লৈবা, লাকপা মীওইশিংগীদমক পার্কিং ফেসিলিতী ফংহনগনি।

· খোংনা চৎপশিংগীদমক রেম্প ফেসিলিতী: খোংনা চৎপশিংবু মথক্কী সুভাশ মার্গদগী মখাগী সুভাশ মার্গ ফাওবা লাইনা চৎথোক-চৎশিন তৌনবা, হেন্না ফবা রেম্পশিং অমসুং সিরি থাক চৎফমশিং হাপখ্রে।

· গুগল অমসুং মেপ্পলস মেপশিং শিজিন্নবা: মপুং ওইবা থৌরমগী নুমিৎতা, মীয়ামদা খুদোংচাহন্নবা গুগল অমসুং মেপ্পলস মেপশিংদা ত্রাফিক্কী অথিংবশিং উবা ফংগনি।

· ইন্ভিতেসন কার্দ: চহি অসিগী ইন্ভিতেসন কার্দ অসিদা সেবা তীর্থ অমসুং ধরম চক্র উৎলি।

· নোংগী পোঞ্চোশিং: মপুং ওইবা থৌরমগী নুমিৎতা নোং-চিংগী ফীভম তম্বা ঙমদবা মরম্না, রেম্পার্ততা লৈবা অখন্নবা মীথুংলেনশিংগী মথক্তা, মাধব দাস পার্ক অমসুং ওগস্ত ১৫ পার্কতা চেবাউ পীখ্রবা মীওই খুদিংমক্তা নোংগী পোঞ্চোশিং ফংহনগনি।

এনক্লোজরশিংগী মিং

ভি.আই.পি. কলচর মুত্থৎনবা অমসুং ঈশিং য়োকখৎপগী মরুওইবা অদু উৎনবা, ২০২৬কী রিপব্লিক দেদা ফমফম (এনক্লোজর)শিংগী মিং অসি তুরেলশিংগী মিংদা থোনখি। নিংতম নুমিৎকী থৌরমশিং অসিগীদমক, ফমফম এনক্লোজরশিংগী মিং অসি ভারতকী মকোক থোংবা পাৎশিংগী মিংদা থোনখ্রে। মসিদা য়াওরিবশিং অদুদি বদখল, ভীমতাল, চন্দ্রতাল, চিলিকা, দলপত সাগর, দিম্না, দুধসাগর, হাফলোং, হরিকে, হুসেন সাগর, কনৱার, কঙ্করীয়া, কোলেরু, লোকতাক, লোনার, পেঙ্গোং তসো, পুলিকত, পুস্কর, রবিন্দ্র সরোবর, রামগর তাল, রুদ্রসাগর, সখ্যা সাগর, শান্তি সাগর, ভেম্বানাদ অমসুং ৱুলারনি।

স্বচ্ছতা কেম্পেন

চহি অসিদা, এন.সি.সি. কেদেতশিং অমসুং মাই ভারত ভোলুন্তিয়রশিং য়াওহন্দুনা রেদ ফোর্ততা থৌরম মখা তাবা স্বচ্ছতা কেম্পেন অমা পাংথোক্লি। কেম্পেন অসিগী পান্দমদি রেদ ফোর্ততা থৌরম লোইবগা য়েংবা লাকপশিং চৎখিবগা লোয়ননা থৌরাং চুম্না প্লোগিং তৌবা (খোমজিন্নবা) অমসুং অমোৎ-অকাইশিং য়াম্না থুনা লৌথোকপা শোয়দনবনি।

দ্রেনেজ মেনেজমেন্ত

নিংতম্বা নুমিৎকী থৌরম মনুংদা নোং চুরকপগী ওইথোকপা লৈবনা, ঈশিং-ইচাও থোকপা থিংনবা খোঙথাং কয়া লৌখৎখ্রে। রেদ ফোর্তকী মনুং অমসুং অকোইবা অমদি মনাক নকপা মফমশিংদা লৈবা দ্রেনেজ অমসুং সিৱেজ সিস্তেমশিং মপুং ফানা শেংদোক্লি।

কমপিতিশনশিং

নিংতম্বা নুমিৎ লাকপগা লোয়ননা, দিফেন্স মিনিস্ত্রীনা মাই গোব (My Gov)গা খুৎশম্নদুনা ক্বিজ অমসুং কমপিতিশনশিং পাংথোকখি। কমপিতিশনশিং অসিগী অকুপ্পা ৱারোলশিং মখাদা পীরি:

•  ‘২০৪৭ ফাওবদা বিক্সিত ভারত অমা শেমগৎপদা এ.আই.গী থৌদাং’ (‘Role of AI in building a Viksit Bharat by 2047’) হায়বা হীরমদা এসে কমপিতিশন
• ‘ইন্দিয়া ১৯৪৭ বনাম ইন্দিয়া ২০৪৭’ (‘India 1947 vs India 2047’) হায়বা হীরমদা পেন্তিং কমপিতিশন

· ওনলাইন ক্বিজ কমপিতিশনশিং: ‘ভারতকী সংবিধান – ফন্দামেন্তেল রাইতশিং, দ্যুতীশিং, মরুওইবা আর্তিকলশিং অমসুং শেমখিবা মীওইশিং’; 'ভারতকী নিংতম ইহৌদা নুপীশিং – রানী লক্ষ্মীবাইদগী সরোজিনী নাইদু ফাওবা অমসুং মখা তানা'; 'মোদর্ন ইন্দিয়াগী মরুওইবা মাইলস্তোনশিং : স্পেস তেক্নোলোজীদা তেক্নোলোজিকেলগী ওইবা চাউখৎপশিং অমসুং মাইপাকপশিং'; অমসুং 'ন্যুক্লিয়ার তেক্নোলোজীদা ভারতকী মাইপাকপগী ৱারী'

কমপিতিশনশিং অসিদা মাইপাক্লবা মীওই ৬০০ রোমসু থৌরম অসিদা শরুক য়াগনি। অতোপ্পা মিনিস্ত্রী/দিপার্তমেন্তশিং, দিল্লীগী এন.সি.তি. সরকার অমসুং দিল্লী পুলিসনসু মখাগী ওনলাইন ক্বিজ অমসুং থৌরমশিং অসি পাংথোকখি:

· এজুকেসন দিপার্তমেন্ত, দিল্লীগী এন.সি.তি. সরকার: মাই ভারত কোলাজ কম্পিতিসন; সেল্যুত দি হিরোজ – ৱাল দিসপ্লে এক্তিবিতী; কলচরেল ফ্যুজন পোরফোর্মেন্স/কম্পিতিসনশিং; ক্বিজ রিলে; রিসাইকল ত্রিকলর আর্ত এক্তিবিতী; তিরাঙ্গা সাইক্লোথোন; তিরাঙ্গা রন; তিরাঙ্গা ৱাকথোন; হর ঘর তিরাঙ্গা।

· দিল্লী পুলিস: অচুম্বা লৈবাক নিংবা (True Patriotism) হায়বা হীরমদা দিবেত চাংদম্নবা; লৈবাক নিংবগী ঈশৈ শকপগী চাংদম্নবা; নিংতম লান্মীশিংগী মরমদা এসে ইবা অমসুং ক্বিজ চাংদম্নবা; নেস্নেল ইন্তিগ্রিতীগী মরমদা স্লোগান ইবা অমসুং ক্রিয়েতিব রাইতিং চাংদম্নবা; ‘আত্মনির্ভর ভারত’কী মরমদা পোস্তর মেকিং অমসুং পিন্তিং চাংদম্নবা; নেস্নেল য়ুনিতীদা স্ত্রীত প্লে; দ্রগকী ফত্তবা মাইওক্তা এৱেরনেস প্রোগ্রামশিং; নুপীশিংগী সেফতী অমসুং সেল্ফ-দিফেন্স প্রোগ্রাম; সাইবর এৱেরনেস অমসুং সাইবর সিক্যুরিতী প্রোগ্রাম; অমসুং 'য়ুনিতী ইন দাইভর্সিতী' কলচরেল প্রোগ্রাম।

বেন্দগী পেরফোর্মেন্সশিং

মীয়ামগী মরক্তা লৈবাক নিংবগী ইথিল পোকহন্নবা অমসুং নিংতম্বা নুমিৎ পাংথোক্নবা, লৈবাক শিনবা থুংনা মরুওইবা মফম ৩৪৩দা বেন্দ পেরফোর্মেন্স কয়া অমা পাংথোক্লি। পেরফোর্মেন্সশিং অসি আর্মী, নেভী, এয়র ফোর্স, ইন্দিয়ান কোস্ত গার্দ, এন.সি.সি., সেন্ত্রেল রিজর্ব পুলিস ফোর্স (সি.আর.পি.এফ.), ইন্দো-তিবেতান বোর্দর পুলিস (আই.তি.বি.পি.), সেন্ত্রেল ইন্দস্ত্রিএল সিক্যুরিতী ফোর্স (সি.আই.এস.এফ.), সশস্ত্র সীমা বল (এস.এস.বি.), বোর্দর সিক্যুরিতী ফোর্স (বি.এস.এফ.), ইন্তিগ্রেতেদ দিফেন্স স্তাফ (আই.দি.এস.), রেলৱে প্রোতেক্সন ফোর্স (আর.পি.এফ.) অমসুং অসাম রাইফলসকী বেন্দশিংনা পাংথোক্লি। বেন্দ পেরফোর্মেন্সকী মফমশিং অসিদা মীয়াম্না লাইনা চঙবা য়াগনি।

ঈইথৎশিংদা ফিরাল চিংখৎপা

অন্দমান অমসুং নিকোবর ঈথৎ অমদি লক্ষদ্বীপতা ইন্দিয়ন নেভী অমসুং লোকেল এদমিনিস্ত্রেসন্না ফিরাল চিংখৎকনি।

***