প্রধানমন্ত্রীগী লোইশঙ
প্রধান মন্ত্রীনা হান্নগী রাস্ত্রপতি শ্রী রাম নাথ কোবিন্দজীগী মশানা ইজবা পুন্সি ৱারী ফোঙবগী থৌরমদা থমখিবা মহাক্কী ৱারোলগী মমিশিং শিয়র তৌখ্রে
प्रविष्टि तिथि:
12 AUG 2026 2:16PM by PIB Imphal
প্রধান মন্ত্রী, শ্রী নরেন্দ্র মোদীনা হান্নগী রাস্ত্রপতি শ্রী রাম নাথ কোবিন্দগী ‘ত্রাইম্ফ ওফ দি ইন্দিয়ন রিপব্লিক: মাই লাইফ; মাই স্ত্রগল্স’ কৌবা মশানা ইজবা পুন্সি ৱারী ফোঙবগী থৌরমদা মহাক্না থমখিবা ৱারোলগী মমিশিং শিয়র তৌখ্রে। লাইরিক অসিগী নুংগী ৱারোলগী মতাংদা ফোংদোক্লদুনা মহাক্না হায়খি মদুদি মসিনা শ্রী কোবিন্দজীগী ইথিল পোকহল্লিবা অৱাবশিং, তোঙান তোঙানবা থৌদাংশিংদা চাউনা শরুক তমখিবা অমসুং মীয়ামগী সেবাদা মহাক্না কত্থপকখিব অদু নীংথিনা উৎলি, মসিনা ভারত মচা খুদিংমক্কীদমক ইথিলগী হৌরকফম অমা ওইরি অমসুং লৈবাক অসিগী দেমোক্রেসীগী অশেংবা মপাঙ্গল অদু উৎলি।
এক্সতা মথং-মথং তৌবা পোস্ত অমদা প্রধান মন্ত্রীনা শিয়র তৌখি:
“হান্নগী রাস্ত্রপতি শ্রী রাম নাথ কোবিন্দগী ‘ত্রাইম্ফ ওফ দি ইন্দিয়ন রিপব্লিক: মাই লাইফ; মাই স্ত্রগল্স’ কৌবা মশানা ইজবা পুন্সি ৱারী ফোঙবগী থৌরমদা শরুক য়াবা ফংজবা অসি য়াম্না নুংঙাই। লাইরিক অসিনা ভারতকী দেমোক্রেসীগী অশেংবা মপাঙ্গলশিং অমসুং ওইথোকপা য়াবশিং উৎলি।”
“হান্নগী রাস্ত্রপতি শ্রী রাম নাথ কোবিন্দজীগী লাইরিক অসি পাবদা ইথিল পীরিবা অমনি, মসিনা মহাক্কী অৱাবশিং, এম.পি., রাজ্যপাল অমসুং ভারতকী রাস্ত্রপতি ওইনা সেবা তৌখিবা অমসুং চাউনা শরুক তমখিবা অদু নীংথিনা উৎলি।”
“শ্রী রামনাথ কোবিন্দ জীনা মীয়ামগী সেবা অসি মহাক্কী পুন্সিগী লম্বী ওইনা খনখি অমসুং মতম পুম্নমক্তা মহাক্কী থৌদাংশিং অদুদা অচেৎপা থাজবা থমখি। মহাক্কী থৱায় য়াওবা অমসুং থবক তৌবগী ৱাখল্লোন অসি ভারত মচা খুদিংমক্কীদমক ইথিলগী হৌরকফম অমনি।”
***
(रिलीज़ आईडी: 2298783)
आगंतुक पटल : 4
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam