नवी दिल्ली, 6 ऑगस्ट 2026

युवा व्यवहार आणि क्रीडा मंत्रालय 'माय भारत' या व्यासपीठाच्या माध्यमातून कृत्रिम बुद्धिमत्ता (AI) आधारित डिजिटल सेवा, अनुभवाधारित शिक्षणाच्या संधी आणि ग्रामीण तसेच दुर्गम भागांपर्यंत तळागाळात पोहोचून, युवा सक्षमीकरणाला अधिक बळ देत आहे. स्थापनेपासून 'माय भारत'  या डिजिटल व्यासपीठावर 2.46 कोटींहून अधिक युवकांनी नोंदणी केली आहे. तसेच, सुमारे 25,000 अनुभवाधारित शिक्षण कार्यक्रमांमध्ये 1.22 लाखांहून अधिक युवकांनी सहभागासाठी नोंदणी केली आहे. राज्यनिहाय आणि केंद्रशासित प्रदेशनिहाय एकूण नोंदणीचा तपशील परिशिष्टात देण्यात आला आहे.

या व्यासपीठावर कृत्रिम बुद्धिमत्ता आधारित 'एआय-सक्षम सीव्ही बिल्डर' यांसारखी सुविधा सुरू करण्यात आली आहे. तसेच, देशभरातील 780 हून अधिक जिल्हा युवा कार्यालये आणि सामाईक सेवा केंद्र यांच्या व्यापक जाळ्याचा उपयोग करून, विशेषतः ग्रामीण आणि आकांक्षी जिल्ह्यांतील  युवकांना स्वयंसेवा, कौशल्य विकास, इंटर्नशिप आणि नेतृत्व विकासाच्या संधी अधिक सुलभपणे उपलब्ध करून दिल्या जात आहेत.

'माय भारत' व्यासपीठ सुरू झाल्यापासून सुमारे 25,000 अनुभवाधारित शिक्षण कार्यक्रमांमध्ये 1.22 लाखांहून अधिक युवकांनी नोंदणी केली असून, त्यांना 'माय भारत' पोर्टलद्वारे डिजिटल पडताळणी केलेली प्रमाणपत्रे प्रदान करण्यात आली आहेत.

याशिवाय, कॉर्पोरेट व्यवहार मंत्रालय पंतप्रधान इंटर्नशिप योजने (PMIS) अंतर्गत युवकांना जोडण्यासाठी 'माय भारत' व्यासपीठावरील स्वतंत्र स्वयंसेवा सुविधेचा उपयोग करत आहे. 16 जुलै 2026 पर्यंत, 'माय भारत' पोर्टलवरून 98,632 युवकांना नोंदणी व अर्ज करण्यासाठी पीएमआयएस पोर्टलकडे पुनर्निर्देशित करण्यात आले आहे.

परिशिष्ट

'माय भारत' (MY Bharat) व्यासपीठावरील राज्यनिहाय व केंद्रशासित प्रदेशनिहाय नोंदणीचा तपशील.

ANNEXURE

State/UT-wise Registration on the MY Bharat Platform

ही माहिती युवा व्यवहार आणि क्रीडा मंत्री डॉ.मनसुख मांडविया यांनी गुरुवारी राज्यसभेत एका प्रश्नाच्या लेखी उत्तरात दिली.

राधिका अघोर/वैभवी जोशी/प्रिती मालंडकर

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai