কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা রেপকো বেঙ্কতগী লুপা করোর ২২.৯০গী দিভিদেন্দ চেক ফংখ্রে

কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা ঙসি নই দিল্লীদা রিপকো বেঙ্কতগী শেনবা চহি ২০২৫-২৬গীদমক ভারত সরকারগী শেয়র কেপিতেল করোর ৭৬.৩২গী দিভিদেন্দ @ ৩০%গীদমক লুপা করোর ২২.৯০গী দিভিদেন্দ চেক ফংখ্রে। শ্রী অমিত শাহনা শ্রী ই. শান্তনম, চেয়রমেন, শ্রী সি. থাঙ্গরাজু, দিরেক্তর - রেপকো বেঙ্ককী অমসুং রেপকো হোম ফাইনান্স লিমিতেদকী চিয়রমেন, অমসুং শ্রী ও.এম. গোকুল, মেনেজিং দিরেক্তরদগী চেক অদু ফংখি।

এক্স প্লেৎফোর্মদা তৌবা পোস্ত অমদা শ্রী অমিত শাহনা হায়খি মদুদি: “শেনবা চহি ২০২৫-২৬তা বেঙ্ক অসিগী পুৱারীদা খ্বাইদগী ৱাংবা নেৎ প্রোফিৎ লুপা করোর ১৬৯ ফংদুনা কোওপরেতিব বেঙ্কিংদা ফিদম্নফম ওইবা খুদম অমা থম্বগীদমক রেপকো বেঙ্ক মেনেজমেন্তপু থাগৎপা ফোংদোকচরি। ঙসি, গৃহ মন্ত্রালয়গী মহুৎ শিন্দুনা রিপকো বেঙ্ককী চেয়রমেন শ্রী ই. শান্তনম, দাইরেক্তর শ্রী থাঙ্গারাজু অমসুং মেনেজিং দাইরেক্তর শ্রী ও.এম. গোকুল য়াওবা রেপকো বেঙ্ককী দেলিগেসন অমদগী লুপা করোর ২২.৯০গী দিভিদেন্দ চেক অমা ফংখি। গৃহ মন্ত্রালয়গী মখাদা লৈবা বেঙ্ক অসিগী মায় পাকপা অসি মাগী প্রোফেস্নেলিজম অমসুং এক্সিলেন্সকী খুদম্নি। রেপকো বেঙ্ককী মেনেজমেন্ত অমসুং স্তাফতা ঐহাক্না য়াইফ-মঙ্গোল পীজরি।”

কেন্দ্রগী হোম সেক্রেতরী শ্রী গোবিন্দ মোহন, সেক্রেতরী (বোর্দর মেনেজমেন্ত অমসুং এফ.এফ.আর.) রাজেন্দ্র কুমার, জোইন্ত সেক্রেতরী (এফ.এফ.আর. দিভিজন) শ্রী গয়া প্রসাদ অমসুং জোইন্ত সেক্রেতরী (আর.ঐচ.এস.) শ্রী মখান লাল মীনাসু থৌরম অদুদা শরুক য়াখি।

বেঙ্ক অসিনা শেনবা চহি ২০২৫-২৬তা লুপা করোর ১৬৯গী নেৎ প্রোফিৎ ফংখি, মসি রেপকো বেঙ্ককী পুৱারীদা খ্বাইদগী ৱাংবা ওইখি। বেঙ্ক অসিনা চহি তরাগী খুজিং অহুমদগী হেন্না লেপ্পা লৈতনা প্রোফিৎ ফংদুনা স্তেকহোল্দরশিংদা দিভিদেন্দ পীদুনা লাক্লি। বেঙ্ক অসিনা ৩০.০৬.২০২৬ ফাওবদা বিজিনেস মিক্স লুপা করোর ২৬,০০০ হেনখ্রে।

***