ওগস্ত ০৪, ২০২৬তা, ফুকেৎতগী দিল্লী তম্না লাকপা এয়রবস এ৩২০ এয়রক্রাফ্ত (ভি.তি.-ই.এক্স.ও.)না ওপরেৎ তৌবা এয়র ইন্দিয়া ফ্লাইৎ এ.আই.২৩৭৯না পাইরিঙৈদা মোমেন্তরী অলতিচুদ ভেরিএসন অমা থেংনখি। মসিগী মতুংদা এয়রক্রাফ্ত অসি স্তেবিলাইজ তৌখি অমসুং ইন্দিরা গান্ধী ইন্তর্নেস্নেল এয়রপোর্ত, দিল্লীদা সেফ ওইনা লেন্দ তৌখি।

ফ্লাইৎ অসিদা অঙাং ৩ য়াওনা পেসেঞ্জর ১৩৭ অমসুং ক্রু মেম্বর ৮ (পাইলোৎ ২ অমসুং কেবিন ক্রু ৬) তোংখি।

লেন্দ হেক তৌরবা মতুংদা, মেদিকেল তীমশিংনা চেকশিন থৌরাং অমা ওইনা পেসেঞ্জর অমসুং ক্রু পুম্নমকপু য়েংশিনখি। পেসেঞ্জর ৮ অমসুং কেবিন ক্রু মেম্বর ৪বু হোস্পিতালদা কুপথনা মেদিকেল ইভালুএসন তৌনবা অমসুং লায়েংনবগীদমক এদমিৎ তৌখ্রে। এদমিদ তৌরবা পেসেঞ্জর অমসুং ক্রু মেম্বর পুম্নমক স্তেবল ওইরে অমসুং মতিক চাবা মেদিকেল কেয়র অমসুং এতেন্সন পীরি। লেমহৌরিবা পেসেঞ্জরশিংদা মথৌ তাবা মতেং অমসুং সপোর্ত পীখি।

সিভিল এভিয়েসনগী মন্ত্রীনা সিভিল এভিয়েসন মন্ত্রালয়গী সেক্রেতরী অমসুং দি.জি. দি.জি.সি.এ.গা লোয়ননা মহাক্না হকথেংননা ফোর্তিস হোস্পিতালদা চৎখি। মন্ত্রালয়গী মকোক থোংবা ওফিসরশিংনা ফোর্তিস অমসুং মেদান্তা হোস্পিতালশিংদসু চৎখ্রে অমসুং হোস্পিতালগী ওথোরিতীশিং অমসুং এয়রলাইন্সগা লোয়ননা অখন্নবা মওংদা থবক তৌমিন্নদুনা অশোকপশিংদা খ্বাইদগী ফবা মেদিকেল কেয়র অমসুং মথৌ তাবা তেংবাং পীনবা হোৎনরি।

এয়রক্রাফ্ত অসি হেঙ্গরদা পুথোকখ্রে অমসুং ফ্লাইৎ দেতা রেকোর্দর অমসুং কোকপিৎ ভোইস রেকোর্দর কুপ্না থীজিন্নবগীদমক লৌখৎখ্রে।

দি.জি.সি.এ.না থৌদোক অদুগী মতাংদা কুপ্না থীজিন-হুমজিনবা হৌখ্রে। সিভিল এভিয়েসন মন্ত্রালয় অমসুং দি.জি.সি.এ.না ফীভমম অসি কুপ্না য়েংশিল্লি। পেসেঞ্জরশিংগী সেফতী অসি খ্বাইদগী মরুওইবা ওইদুনা লৈরি, অমসুং মথৌ তাবা থৌরাং পুম্নমক লৌখৎলি।

*****