এজুকেসন মন্ত্রালয়না ঙসি এক ভারত শ্রেস্থ ভারত (ই.বি.এস.বি.) ইনিসিএতিবকী মখাদা য়ুভা সঙ্গম ফেজ VII কীদমক ওনলাইন রেজিস্ত্রেসন পোর্তেল হাংদোকখ্রে। চহি ১৮দগী ৩০ ফাওবগী মরক্তা লৈবা, হায়র এজুকেসন ইন্সতিত্যুসনশিংগী মহৈরোয়শিং, এন.এস.এস./এন.ৱাই.কে.এস. ভোলুন্তিয়রশিং অমসুং নহা ওইরিবা প্রোফেস্নেলশিং য়াওনা, অপাম্বা নহাশিংনা ওফিসিএল পোর্তেল https://ebsb.aicte-india.orgদা রেজিস্তর তৌবা য়াগনি।

য়ুভা সঙ্গম ফেজ VIIকী রেজিস্ত্রেসনগী অরোইবা তাং অসি ওগস্ত ১৮, ২০২৬নি।

য়ুভা সঙ্গম ফেজ VII কীদমক, হায়র এজুকেসন ইন্সতিত্যুসন (ঐচ.ই.আই.) ২০, হায়বদি আই.আই.তি.শিং, আই.আই.এম.শিং, সেন্ত্রেল য়ুনিভর্সিতীশিং অমসুং এন.আই.তি.শিং অসি এক্সচেঞ্জ প্রোগ্রাম অসি হোস্ত তৌনবা অমসুং মতেং পাংনবা নোদেল ইন্সতিত্যুসনশিং ওইনা মশক খঙদোকখ্রে। খনগৎলবা শরুক য়ারিবশিংনা নুমিৎ মঙাদগী তরেৎ ফাওবগী ওইবা এজুকেস্নেল অমসুং কলচরেল তুর (চৎথোক-চৎশিন তৌবগী নুমিৎশিং য়াওদনা) অসি মখোয়গী পুংবা ওইবা রাজ্যশিং/য়ু.তি.শিংদা চৎকনি। মফম অসিদা মখোয়না লোকেল ত্রেদিসনশিং, এজুকেস্নেল ইন্সতিত্যুসনশিং, গবর্নান্স ইনিসিএতিবশিং, ইন্নোবেসন ইকোসিস্তেমশিং, ইন্দস্ত্রীশিং, হেরিতেজ সাইতশিং অমসুং কম্ম্যুনিতী লাইফকী হকথেংননা এক্সপোজর ফংগনি।

য়ুভা সঙ্গম ফেজ VIIগীদমক পুংবা শারিবা রাজ্য/য়ু.তি.শিং:

য়ুভা সঙ্গম অসি তোঙান তোঙানবা রাজ্যশিং অমসুং য়ুনিয়ন তেরিতোরীশিংগী নহা ওইরিবা নাগরিকশিংগী মরক্তা ইমোস্নেল বোন্দশিং মপাঙ্গল কনখৎহন্নবা অমসুং অমনা অমবু নুংশিনবা হেনগৎহন্নবা এজুকেসন মন্ত্রালয়, হায়র এজুকেসন দিপার্তমেন্তকী ফ্লেগশিপ য়ুথ একচেঞ্জ প্রোগ্রাম অমনি। খোঙথাং অসিনা "য়ুনিতী ইন দাইভর্সিতী"গী ৱাখল্লোনবু পুংবা ওইরিবা রাজ্যশিং অমসুং য়ুনিয়ন তেরিতোরীশিংগী মরক্তা স্ত্রকচর তৌরবা এক্সপোজর ভিজিৎশিং পাংথোক্তুনা প্রমোৎ তৌরি। মসিনা শরুক য়ারিবশিংদা ভারতকী কলচরেল, লোলগী, এজুকেস্নেল অমসুং দিবেলপমেন্ত দাইভর্সিতীগী মগুনশিং হকথেংননা মশক খঙবা ঙমহল্লি।

প্রোগ্রাম অসি পরিয়াতন (তুরিজম), পরম্পরা (চৎনবী অমসুং নাৎ), প্রগতি (চাউখৎ-থৌরাং অমসুং লৈঙাকপা), পরস্পার সম্পার্ক (পিপল-তু-পিপল কনেক্ত), অমসুং প্রোদ্যোগিকী (তেক্নোলোজী অমসুং ইন্নোবেসন) হায়রিবা থীমেতিক পিল্লর মঙাদা য়ুম্ফম ওইরগা শেমগৎলি। হায়রিবা থীমেতিক এঙ্গেজমেন্তশিং অসিগী খুত্থাংদা, শরুক য়ারিবশিংনা নেস্নেল এজুকেসন পোলিসী (এন.ই.পি.) ২০২০গী ভিজনগী মতুং ইন্না, নাকল অনিগী নুংশি-চান্নবা অমসুং নেস্নেল য়ুনিতী ফগৎহন্দুনা ভারতকী কলচরেল দাইভর্সিতীবু হেন্না চেৎশিলহল্লগনি।

য়ুভা সঙ্গম অসি শরুক য়ারিবা মন্ত্রালয়শিং, দিপার্তমেন্তশিং, রাজ্য সরকারশিং অমসুং পার্তনর হায়র এজুকেসন ইন্সতিত্যুসনশিংগী এক্তিব ওইবা মতেংগা লোয়ননা কোলাবোরেতিব "হোল ওফ গবর্নমেন্ত" এপ্রোচ অমগী খুত্থাংদা ইমপ্লিমেন্ত তৌরি। প্রোগ্রাম অসিগী মমাংগী এদিসনশিংদা লৈবাক শিনবা থুংনা লৈরিবা নহাশিংনা শরুক য়াখি।

এজুকেসন মন্ত্রালয়না লৈবাক শিনবা থুংবদগী নহাশোংবু ভারতকী পাকচাউরবা দাইভর্সিতীবু এক্সপরিয়েন্স তৌনবা অখন্নবা খুদোংচাবা অসি লৌহৌনবা, তোঙান তোঙানবা লমদমশিংদগী মখোয়গী মরোলগী মীওইশিংগা ৱারী শানবা অমসুং এক ভারত শ্রেস্থ ভারত ভিজনগী এম্বেসেদরশিং ওইনবা পুক্নিং থৌগৎলি।

*****