গ্লাসগোদা পাংথোকপা কম্মনৱেল্থ গেম্সতা রেকোর্দ হেনগৎহন্দুনা অহুমশুবা ওইনা গোল্দ মেদল লৌদুনা পুৱারী শেম্লবা মতুংদা, ৱেতলিফ্তর মিরাবাই চনুনা কেন্দ্রগী কম্ম্যুনিকেসন্স অমসুং অৱাং নোংপোক লমদমগী চাউখৎ থৌরাংগী মন্ত্রী, শ্রী জ্যোতিরাদিত্য এম. সিন্ধিয়াগা ঙসি ন্যু দিল্লীদা উনখ্রে।

মিরাবাই চনুবু মহাক্কী শিংথানীংঙাই ওইরবা মায় পাকপগীদমক থাগৎলদুনা শ্রী সিন্ধিয়ানা মহাক্কী অচেৎপা ফিরেপ, দিসিপ্লিন অমসুং হোৎনবা কনবা মতৌ অদুবু থাগৎপা ফোংদোকখি। মহাক্কী মায় পাকপা অসি লৈবাক শীনবা থুংনা, মরুওইনা অৱাং নোংপোক লমদমদা লৈরিবা নহা ওইরিবা শান্নরোই মিলিয়ন কয়াগীদমক ইথিল অমনি হায়না মহাক্না ফোংদোকখি।

ৱারী শানবা অদুগী মনুংদা, মিরাবাই চনুনা মহাক্কী ইথিল পীনিংঙাই ওইরবা খোঙচৎ অমসুং মহাক্না ভারতকী শক্নাইরবা শান্নরোই অমা ওইনবগী লম্বীদা মায়োক্নখিবা শিংনবশিং অদু শন্দোক্না তাকখি। মন্ত্রীনা মহাক্কা লোয়ননা স্পোর্তসকী তোঙান-তোঙানবা হিরমশিংদা কুপ্না খন্ন-নৈনখি মসিগী মনুংদা ত্রেনিং রুতিনশিং, ন্যুত্রিসন, রিকভরী সাইকলশিং অমসুং খ্বাইদগী ফবা পর্ফোমেন্স ফংনবগীদমক মতিক চানা পোত্থাবা অমসুং তুম্বগী মরুওইবা য়াওরি।

মন্ত্রীনা মিরাবাই চনুগী কোচ, ত্রেনর অমসুং ফিজিওথেরাপিস্তনা চাউনা শরুক তম্মিবা অদুসু ফোংদোক্লদুনা মালেমগী থাক্কী শান্ন-খোৎনবগী মায় পাকপা অসি সাইন্তিফিক ত্রেনিং অমসুং এক্সপর্তকী লমজিং-লমতাক্না সপোর্ত তৌরবা মপাঙ্গল কনবা পথাপ অমদা য়ুম্ফম ওই হায়না মহাক্না ফোংদোকখি।

অৱাং-নোংপোক লমদমগী চাউখৎ-থৌরাং মন্ত্রালয়না শান্ন-খোৎনবগী হৈশিংবশিং চাউখৎহন্নবা পান্দম থম্লিবা অদু পল্লদুনা, মন্ত্রী সিন্ধিয়ানা অৱাং-নোংপোক লমদমদা হাই লেবেল তাস্ক ফোর্স (ঐচ.এল.তি.এফ.) লিংখৎতুনা লমদম অসিদা অপুনবা শান্ন-খোৎনবগী ইকো-সিস্তেম অমা শেমগৎনবা খন্নখি। তাস্ক ফোর্স অসিগী খুত্থাংদা, দোনর মন্ত্রালয়না 'ৱান স্তেৎ, ৱান স্পোর্ত' ইনিসিয়েতিবতা মীৎয়েং থম্লি, মসিগী মখাদা অৱাং-নোংপোক্কী রাজ্য খুদিংমকপু ৱেতলিফতিং, আর্চরী অমসুং ফুৎবোলগুম্বা দিসিপ্লিনশিং য়াওনা মখোয়দা নেচরেল কম্পিতিতিব এদভান্তেজ অমা লৈবনা স্পোর্তস্তা মায় পাকহনবদা মতেং পাংলি।

কেন্দ্রগী মন্ত্রীনা অকনবা ৱাফম থমখি মদুদি খোঙথাং অসি চেক্কী ইনফ্রাস্ত্রকচর শাগৎপা খক্তা নত্তে, অদুবু ক্বালিতী কোচিং, সাইন্তিফিক ত্রেনিং, স্পোর্তস সাইন্স, ন্যুত্রিসন, রিকভরী অমসুং এথলেৎ সপোর্ত্তা য়ুম্ফম ওইবা মালেমগী থাক্কী স্পোর্তস ইকোসিস্তেম অমা শেমগৎনবনি। মহাক্না পনখি মদুদি হৌগৎলক্লিবা শান্নরোইশিংদা অৱাংবা থাক্কী ত্রেনিং অমসুং লমদম অসিগী মনুংদা লৈরিবা ফেসিলিতীশিং ফংহনবা অসিনা নহা ওইরিবা শান্নরোই কয়াদা এক্সিলেন্স ফংনবা পুক্নিং থৌগৎকনি অমসুং অৱাং-নোংপোক লমদম অসি মিরাবাই চনুগুম্বা চেম্পিয়ন কয়া পুথোকপা ঙমহনগনি। চনুগী ত্রেনর, বিজয় শর্মানা এন.ই.আর.দগী শান্নরোইশিংগী ওইথোকপা য়াবা অদু ফোংদোকখি অমসুং মসিগী খোঙথাংশিং অসিনা গ্রাসরুৎ শান্নরোইশিংবু মপাঙ্গল কনখৎহনবদা মতেং পাংগনি হায়না ফোংদোকখি।

অৱাং-নোংপোক লমদমগীদমক ইকাই খুম্নরবা প্রধান মন্ত্রী শ্রী নরেন্দ্র মোদীগী মঙলানগী মতুং ইন্না, অৱাং-নোংপোক লমদমগী শান্ন-খোৎনবগী অচৌবা পোতেন্সিএল অদু অনলোক তৌদুনা, তেলেন্ত, কোচিং এক্সিলেন্স অমসুং শান্নরোইশিংগী চাউখৎ-থৌরাংদা শেন থাদদুনা স্পোর্তস ইকোসিস্তেমবু মপাঙ্গল কনখৎহন্নবা সরকারগী অচেৎপা ফিরেপ অদু মীফম অদুনা অমুক হন্না ফোংদোকখি।

*****