হকশেলগী মতাংদা হেন্না খনবা হেনগৎলক্লিবা ভারত্তা ন্যুত্রাস্যুতিকেল্স অসি হকচাং ফনা থম্নবগীদমক তঙাই ফদবা শরুক অমনি হায়না শকখঙনরক্লি। স্কুল চৎলিবা অঙাংশিং নৎত্রগা সেনিয়র সিতিজনশিংগীদমক্তা ওইরবসু, ভিতামিনশিং অমসুং মিনরেলশিং, হর্বশিং অমসুং বোতানিকলশিং, প্রোবাইওতিক্স, অসিনচিংবা য়াওবা দাইতরী সপ্লিমেন্তশিং, হর্বেল প্রদক্তশিং অসি পাক শন্না পাম্নরক্লি। অদুম ওইনমক, ন্যুত্রিস্নেল সপ্লিমেন্তশিং ফংনবা হোৎনরিবা ইমুং মিলিয়ন কয়াগীদমক লৈবা ঙম্বা হায়বা অসি অৱাবা অমা ওইরি। প্রধান মন্ত্রী ভারতীয় জনঔশাধি পরিয়োজনা (পি.এম.বি.জে.পি.) না মাগী ন্যুত্রাস্যুতিকেল্সগী বাস্কেৎ অসিগা লোয়ননা অৱাবা অসি কোকহল্লি। ন্যুত্রিসন বারশিংদগী হৌরগা লায়নাগী অখন্নবা ফোর্মুলেসনশিং ফাওবা, জন ঔশাধি ন্যুত্রাস্যুতিকেল্স বাস্কেৎনা ভারত শিনবা থুংবদা লৈরিবা মীয়ামগী ন্যুত্রিসন সপ্লিমেন্তশিং হেন্না ফংবা ঙমহল্লি।

মখল কয়াগী মথৌ তাবশিংগীদমক ন্যুত্রিসন

জন ঔশাধি পোর্তফোলিও অসি নহা, অহল, নুপী, অমসুং তোঙান তোঙানবা হকশেলগী সমস্যা লৈবা মীওইশিংগী তোঙান তোঙানবা মথৌ তাবশিংদা রেস্পোন্দ তৌনবা দিজাইন তৌবনি। রেঞ্জ অসিদা প্রোতিন সপ্লিমেন্তশিং, ইম্ম্যুনিতী প্রদক্তশিং, ন্যুত্রিস্নেল ফুদশিং অমসুং অখন্নবা দাইতরীগী মথৌ তাবা মীওইশিংগীদমক্তা অখন্নবা ফোর্মুলেসনশিং য়াওরি।

প্রেস্ক্রাইব তৌরবা ক্বালিতীগী স্তেন্দর্দশিংগী মতুং ইন্না পুথোকপা অমসুং অহোংবা মমলদা ফংহল্লিবা হায়রিবা পোত্থোকশিং অসিনা ইমুংগী বজেৎতা অহেনবা চৈথেং পীদনা চাং নাইবা ন্যুত্রিস্নেল সপোর্ত অসি হেন্না ফংহনবদা পান্দম থম্লি।

এক্তিব লাইফস্তাইলশিংগীদমক চপ চানরবা ন্যুত্রিসন

ন্যুত্রিএন্ত-দেন্স জন ঔশাধি প্রোতিন বার অমসুং জন ঔশাধি ইম্ম্যুনিতী বারনা অঙাংশিং, থবক তৌরিবা প্রোফেস্নেলশিং অমসুং ফিৎনেস পামজবা মীওইশিংগীদমক মচি ওইবা মচাক ফংনবগীদমক পোর্তেবল সোর্স অমা পীরি। ৩৫ গ্রামগী পেকেৎ অমদা চোকোলেৎকী মহাও ওইবা, প্রোতিন বার অসিনা অরায়বা নুমিৎ খুদিংগী প্রোতিন ইন্তেক অদু সপ্লিমেন্ত তৌনবগী খুদোংচারবা পাম্বৈ অমা পীরি। ইম্ম্যুনিতী সপ্পোর্ত তৌরিবা মচাকশিং মরাং কায়না য়াওবা মহাও লৈবা ইম্ম্যুনিতী বারনা ইনর্জী ফংহল্লি অমসুং হকচাংগী ঙাক-শেলগী পল অদু মপাঙ্গল কনখৎহল্লি। হায়রিবা ন্যুত্রিসন বারশিং অসিনা জঙ্ক ফুদকী মহুৎ শিন্দুনা ক্বিক স্নেক অমা চানীংবা কঞ্জ্যুমরশিংগীদমক্তা শেল চংদবা অলতর্নেতিব অমা ওইরি।

অহেনবা প্রোতিন সপ্লিমেন্ত অমা ফংনবগীদমক্তা, ১০০% ৱে প্রোতিন পাউদর অমসুং জন ঔশধি প্রোতিন পাউদরনা নুমিৎ খুদিংগী প্রোতিন ইন্তেক অমসুং মসল রিকভরিদা মতেং পাংই, মসিনা ফিৎনেস পামজবা মীওইশিংগীদমক্তা মতিক চাবা ওইহল্লি। প্রোতিন পাউদর অসি ভেনিলা অমসুং কেসার পিস্তাগী ফ্লেভরদা ফংই, মসিনা কঞ্জ্যুমরশিংদা খন্নবগী খুদোংচাবা হেন্না পীরি।

নুপীগী মচি ওইবা চিঞ্জাক্কী মথৌ তাবশিং সপোর্ত তৌরি

নুপীশিংনা পুন্সিগী তোঙান-তোঙানবা তাঙ্ককশিংদা তোপ-তোপ্পা ন্যুত্রিসনগী মথৌ তাবশিং লৈ। জন ঔশাধি ৱুমেন প্রোতিন বুস্ত অসি নুমিৎ খুদিংগী প্রোতিন ইন্তেক, ইনর্জীগী থাক, অমসুং মপাঙ্গল কনবা শরু অমসুং মসলশিংবু সপোর্ত তৌনবগীদমক্তা শেম্মি। চোকোলেত অমসুং ভেনিল্লাগী ফ্লেভরদা ফংই, ২৫০ গ্রামগী পেকেৎ অদুগী মমল অসি লুপা ২০৪.৬৬ ওই। অখন্নবা ন্যুত্রিসন অসি অহোংবা মমলদা ফংহন্দুনা, প্রদক্ত অসিনা নুপী কয়া অমা মখোয়গী নুমিৎ খুদিংগী রুতিনদা ন্যুত্রিস্নেল সপ্লিমেন্তেসনশিং ইনকোর্পোরেৎ তৌবদা হেন্না লায়হল্লগনি।

অখন্নবা হেল্থকী মথৌ তাবশিংগীদমক দিজাইন ন্যুত্রিসন

দাইএবেতিস, কিদনীগী প্রোব্লেমশিং অসিনচিংবা অকক্নবা অনাবা লৈবা মীওইশিংগী দাইতরীগী মথৌ তাবশিং অসি হেন্না কমপ্লেক্স ওইবা য়াই। জন ঔশাধিদগী দাইবেতিস কেয়র প্রোতিন পাউদরনা দাইবেতিসনা নারবা মীওইশিংগী ন্যুত্রিসনগী মথৌ তাবশিং মপুং ফাহল্লি। কিদনীগা মরী লৈনবা অনাবশিং লৈবা মীওইশিংগীদমক, রেনেল কেয়র প্রোতিন পাউদর অসি লো প্রোতিন অমসুং হায় প্রোতিন ভেরিএন্ত অনিমক্তা ফংই, মসিনা ফোর্মুলেসনগী চোইস অসি মেদিকেলগী এদভাইজ অমসুং ইন্দিভিজুএল দাইতরীগী মথৌ তাবশিংগী মখা পোন্না লমজিংবা ঙমহল্লি।

জন ঔশাধি পোশন: ইমুং-মনুংশিংগিদমক নুমিৎ খুদিংগী ওইবা ন্যুত্রিসন

ইমুং মনুংগী মীওই খুদিংমক্কী নুমিৎ খুদিংগী ন্যুত্রিস্নেল সপোর্ত ফংনবগীদমক, জন ঔশাধি পোশন রেঞ্জনা তঙাইফদবা ভিতামিন অমসুং মিনরেলশিংগা লোয়ননা মেল্ত-বেজ ন্যুত্রিস্নেল ফুদ ফংহল্লি।

রিগুলর মাল্ত অমসুং কোকোৱা ভেরিএন্তশিংদা ফংলি, মসিগী রেঞ্জ অসিদা য়াওরিবশিং অদুদি:

• মেল্ত বেজ ফুদ, ৫০০ গ্রাম: লুপা ১৬০.১৭
• কোকোৱা য়াওবা মেল্ত বেজ ফুদ, ৫০০ গ্রাম: লুপা ১৬৪.৬২
• কোকোৱা সচে ওইবা মেল্ত বেজ ফুদ, ৩০ গ্রাম: লুপা ৮.৯০

তোঙান তোঙানবা পেক্কী সাইজনা তোঙান তোঙানবা কঞ্জ্যুমরগী মথৌ তাবশিং অমসুং বজেৎশিংগীদমক ফ্লেক্সিবিলিতী পীরি। শেম্বদা লায়বা অমসুং চাং নাইনা শীজিন্নবদা মতিক চাবা পোশান রেঞ্জ অসিনা ইমুং মনুংশিংদা নুমিৎ খুদিংগী শীজিন্নবা য়াবা ন্যুত্রিস্নেল সপ্লিমেন্ত অমা ফংহল্লি।

ক্বালিতী লৈবা ন্যুত্রিসন অসি হেন্না এক্সেসিবল ওইহল্লি

হায়রিবা পোৎলমশিং অসিনা হেল্থ মেনেজমেন্তকী পাক-চাউরবা এপ্রোচ অমগী শরুক অমা ওইনা ন্যুত্রিসনগী মরুওইবা হেনগৎলক্লিবা অদু উৎলি। অখন্নবা ন্যুত্রিসনগী প্রদক্তশিং অসি প্রোফেস্নেল মেদিকেল অমসুং দাইএতরীগী লমজিং-লমতাক্কী মতুং ইন্না শীজিন্নগদবনি, অদুবু হোংনা ফংহনবনা ইমুং মনুংগীদমক্তা মতিক চাবা ন্যুত্রিস্নেল সপোর্ত ফংহনবদা মতেং পাংগনি। অপুনবা হকশেল ফনা থম্নবগীদমক ক্বালিতী লৈবা ন্যুত্রিসন য়াওবা পুন্সি মহিংগী অপাম্বগীদমক্তা হেন্না ৱাখল ৱাবা তৌররোই। ইমুংশিংনা চিঞ্জাক অমসুং ন্যুত্রিসন সপ্লিমেন্তশিংগী মতাংদা অফবা চোইস হেন্না পাম্নবা হেনগৎনরক্লি। জন ঔশাধি কেন্দ্রগী নেৎৱার্ক্কী খুত্থাংদা মমল য়াম্লবা ব্রান্দেদ ন্যুত্রিসন সপ্লিমেন্তশিংগী মমল হোংবা অতোপ্পা পাম্বৈশিং পীদুনা পি.এম.বি.জে.পি.না ক্বালিতী লৈবা ন্যুত্রিসন সপোর্ত অসি ইনকমনা মরম ওইদুনা অপনবা পীদনবা হোৎনরি।

শেল চংদবা হিদাক-লাংথকশিং অসি পি.এম.বি.জে.পি.গী মরুওইবা শরুক ওইরি, অদুবু ন্যুত্রিসন অসিসু অসিগুম্বা হেন্না চাউবা হকশেলগী খোঙচৎ অসিগী মরুওইবা শরুক অমনি। মতিক চাবা ন্যুত্রিসন ফংনবা হোৎনরিবা মহৈরোই অমা, দিমান্দিং রুতিন অমা মেনেজ তৌরিবা থবক তৌবা প্রোফেস্নেল অমা, ইমুংগী ন্যুত্রিসনদা মতেং পাংলিবা য়ুমগী নুপী অমা, অখন্নবা দাইতরীগী মথৌ তাবা লৈবা সেনিয়র সিতিজেন অমা নত্ত্রগা অনাবা লৈরবা মীওই অমা ওইরবসু মশা-মউ ফনা লৈনবা হোৎনবদা ন্যুত্রিসননা অচৌবা থৌদাং অমা লৌবা য়াই।

ক্বালিতী, মমল হোংবা অমসুং এক্সেসিবিলিতী পুনশিন্দুনা, জন ঔশাধি ন্যুত্রাস্যুতিকেল্সকী রেঞ্জনা ভারতকী ইমুংশিংগীদমক ন্যুত্রিসনবু হেন্না ফংহনবদা মতেং পাংলি। মসিনা "ক্বালিতী হেল্থকেয়র অমসুং ন্যুত্রিসন ফোর ওল"গী ভিজন অদু মপাঙ্গল কনখৎহল্লি।

রিফরেন্স:

কেমিকেল অমসুং ফর্তিলাইজর্স মন্ত্রালয়

পি.দি.এফ.তা য়েংঙু

***