সিভিল এভিএসন মন্ত্রালয়না ঙশি অমৃতসরদগী হব এন্দ স্পোক ইন্তর্নেস্নেল ফ্লাইত ওপরেসনশিং হৌদোকখ্রে, মসিনা ইন্তর্নেস্নেল পেসেঞ্জর মুবমেন্তকিদমক ভারতকি মাংজিল থারিবা হব এন্দ স্পোক ফ্রেমৱার্ক্তা ইন্তিগ্রেৎ তৌবা লৈবাক অসিগী অনিসুবা এয়রপোর্ত ওইরে। শঙ্গাবা অসিনা ইন্দিয়ন হব এয়রপোর্তশিংগী খুৎথাংদা লৈবাক শিনবা থুংনা লৈরিবা পেসেঞ্জরশিংদা অরায়বা লৈতবা ইন্তর্নেস্নেল কনেক্তিবিতি ফংহনদুনা ভারতপু গ্লোবেল এভিএসন হব অমা ওইনা ওন্থোক্নবা শরকারগী থৌরাংগী মথংগী তাঙ্কক অদুনি।

লোঞ্চ তৌবা অসি ২০২৬কি জুন ২৫দা বরানসিদগী ভারতকি অহানবা হব এন্দ স্পোক ওপরেসনশিং মায় পাকনা হৌরকপগী মতুং ইননা হৌখিবা থা অমগী মনুংদা শিস্তেম্ অসি নিংথিনা ওপরেৎ তৌদুনা মোদেল অসিগী ওপরেশনেল ভাইএবিলিতি উৎপা অমসুং পেসেঞ্জরশিংদগী পুক্নিং থৌগৎনিংঙায় ওইবা পাউখুম অমা ফংখি। মতম অসিগী মনুংদা বরানসিদগী হৌরকপা পেসেঞ্জরশিংবু দিল্লিগী খুৎথাংদা ইন্তর্নেস্নেল দেস্তিনেসন ১৮গা লোয়ননা য়াম্না লায়না শম্নহনখ্রে, মসিনা ইন্তর্নেস্নেল ত্রেভেল লাইথোকহনবদা থৌরাং অসিগী ইফেক্তিবনেস অদু ভেলিদেৎ তৌখ্রে।

অমৃতসর এয়রপোর্ত্তা শরুক য়ারিবা স্তেকহোলদর পুম্নমকপু নুংঙায়বা ফোঙদোক্লদুনা ভিদিও মেসেজ অমগী খুৎথাংদা সিভিল এভিএসনগী কেন্দ্রগী মন্ত্রী রাম মোহন নাইদুনা হায়খি, “হব এন্দ স্পোক অসি সুপ্নতগী এভিএসন মোদেল অমখক্তমক নত্তে; মসি খুদোংচাবা মোদেল অমনি। দিল্লীনা হব ওইনা থবক তৌগনি, অমৃতসরনা পঞ্জাব, জম্মু অমসুং কাশ্মির অমসুং হিমাচল প্রদেশকি অচৌবা ইন্তর্নেস্নেল গেৎৱে অমা ওইনা থোরককনি। মসিগী অচেৎপা দাইস্পোরা কনেক্সন অমসুং পাক চাওরবা রিজনেল কেচমেন্ত অসিগা লোয়ননা অমৃতসর অসি মালেমগী কনেক্তিবিতিদা ত্রান্সফোরমেসন অসিদগী খ্বাইদগী হেননা কান্নবা ফংনবা লেপলিবা ভারতকি শহরশিংগী মনুংদা অমনি।”

অমৃতসরনা ভারতকি অচৌবা ইন্তর্নেস্নেল গেৎৱে অমা ওইনা অখন্নবা মফম অমা লৌরি, মসিনা তিরথ চৎপাশিং, ভারতকি দাইস্পোরাগী মিহুৎশিং, বিজিনেশ ত্রেভেলরশিং অমসুং পঞ্জাবা অমসুং য়ুমলোন্নরিবা লমদমশিংদগী লাকপা লমকোয়বশিংগী থৌগল তৌরি। হব এন্দ স্পোক ফ্রেমৱার্ক্কি মখাদা মসি য়াওহনবনা পেসেঞ্জরশিংদা য়াম্না থুনা, হেননা খুদোংচাবা অমসুং থাজবা য়াবা ত্রেভেল এক্সপিরিএন্স অমা পিবগা লোয়ননা ভারতকি হবশিংগী খুৎথাংদা মালেমগী ওইবা মফমশিংদা য়ৌবা ঙম্বাগী চাং য়াম্না ফগৎহনগনি হায়না থাজরি।

অচৌবা লৈবাক্কি মিত্‍‌য়েংদা অকনবা ৱাফম থম্লদুনা মন্ত্রীনা মখা তানা হায়খি, “ইকায়খুম্নরবা প্রধান মন্ত্রী শ্রী নরেন্দ্র মোদীজিগী মিত্‍‌য়েং শানবা লুচিংবগী মখাদা ভারতনা মশাগী মালেমগী ওইনা চাংদম্নবা য়াবা এভিএসন হবশিং শেমগৎনবা থবক পায়খৎলি। মসিনা পেসেঞ্জরশিংগী খুদোংচাবা ফগৎহনবতা নত্তনা ভারতকি এভিএসনগী সোভরেন্তি মপাঙ্গল কনখৎহনবা অমসুং ভারতকি হবশিংনা ভারতপু মালেমগা শম্নহনবা ঙম্নবা হোৎনবনি।”

পেসেঞ্জরশিংগী এক্সপরিয়েন্স ফগৎহনবগী মথক্তা, খোঙথাং অসিনা তুরিজম্, ত্রেদ, ইনভেস্তমেন্ত অমসুং রিজনেল দিবেলপমেন্ত মপাঙ্গল কনখত্‍‌হন্দুনা শেন্মিৎলোনগী পাক চাওরবা কান্নবা ফংহল্লগনি হায়না থাজরি। মন্ত্রালয় অসিনা পায়খৎলিবা স্তদিশিংনা তাক্লি মদুদি এভিএসন হব ওপরেসনশিং শেমগৎপনা চাওরাক্না হকথেংননা অমসুং নাকোয়ননা থবক মিলিয়ন ০.৪ পিবা ঙমগনি অমসুং ২০৩০ ফাওবদা ভারতকি শেন্মিৎলোন্দা অহেনবা য়ু.এস.দি. ত্রিলিয়ন ৩০ কন্ত্রিব্যুত তৌগনি হায়না পানরি। ২০৪৭ ফাওবদা মসিগী অপুনবা ইম্পেক্ত অসিনা চাওরাক্না হকথেংননা অমশুং নাকোয়ননা থবক মিলিয়ন ১৬ পিগনি অমদি নেস্নেল ইকোনোমিদা চাওরাক্না য়ু.এস.দোলর ত্রিলিয়ন ১.৪ কন্ত্রিব্যুৎ তৌগনি হায়না পানরি।

অমৃতসরদগী ওপরেসনশিং হৌরকপগা লোয়ননা হৌজিক্তি ইন্তর্নেস্নেল পেসেঞ্জরশিংনা চত্রিঙৈগী মমাঙদা অমৃতসরদা চেক-ইন, ইমিগ্রেসন অমসুং কস্তম্স ফোরমেলিতিশিং লোয়শিনবা য়ারে। মখোয়গী বেগেজশিং অসি অরোয়বা ইন্তর্নেস্নেল দেস্তিনেসন ফাওবা চেক তৌগনি, মসিনা মখোয়বু ইমিগ্রেসন নতরগা কস্তম্স ফোর্মেলিতিশিং অমুক হন্না তৌদনা মখোয়গী ওন্ৱারদা ইন্তর্নেস্নেল ফ্লাইত্তা লেপ্পা লৈতনা ত্রান্সফর তৌবা ঙমহনগনি।

হব এন্দ স্পোক মোদেলনা অমৃতসরদগী ইন্তর্নেস্নেল কনেক্তিবিতিদা ত্রান্সফোর্মেসনগী ইম্পেক্ত অদু ফোঙদোক্লদুনা মন্ত্রীনা হায়খি, “হৌজিক ফাওবদা অমৃতসরদগী লাকপা পেসেঞ্জরশিংনা মফম ৭ খক্তাদা হকথেংননা ইন্তর্নেস্নেল কনেক্তিবিতি লৈরমমি।হব এন্দ স্পোক মোদেল অসি হৌদোকপগা লোয়ননা দিল্লি এয়রপোরতকি মালেমগী ওইবা কনেক্তিবিতি অসি অমৃতসর মশামক্তগী পেসেঞ্জরশিংদা ইফেক্তিব ওইনা ফংলগনি। ত্রেভেলরশিংনা ইন্তর্নেস্নেল দেস্তিনেসন ২০ হেন্না য়ৌবা ঙম্লগনি। চেক-ইন অমখক্তমক অমসুং বেগেজ তেগ অমখক্তগা লোয়ননা, মসিনা খোঙচৎ পুম্নমক অসি য়াম্না লায়না চৎলি, হৌজিক্কী ওইনা, চহি খুদিংগী অমৃতসরদগী দিল্লীদা চাওরাক্না পেসেঞ্জর লাখ ১.৫না ইন্তর্নেস্নেল ফ্লাইতশিং চেল্লি।

এয়রলায়নশিংনা অমৃতসর খক্তদগী নোংমদা চাওরাক্না পেসেঞ্জর ২৫০না দিল্লিগী খুত্থাংদা হব এন্দ স্পোক মোদেলগী কান্নবা ফংবগী ওইথোকপা লৈ হায়না পানরি। লাক্কদৌরিবা থা খরসিদা অহেনবা স্পোক এয়রপোর্তশিং ফ্রেমৱার্ক অসিগী মখাদা পুরকপনা মরম ওইদুনা মথংগী তাঙ্কক অসিনা নুমিৎ খুদিংগী চাওরাক্না পেসেঞ্জর ১২০০ হেন্না খুদোংচাবা পিগনি হায়না পানরি, মসিনা চহি খুদিংগী চাওরাক্না পেসেঞ্জর লাখ ৪.৫গা মান্নৈ, মসিনা রিজনেল ইন্দিয়াদগী অপনবা লৈতবা ইন্তর্নেস্নেল কনেক্তিবিতি চাওনা পাকথোক চাওথোকহল্লগনি।

খোঙথাং অসিনা সেক্যুরিতি, ফেসিলিতেসন অমসুং রেগুলেতরি কম্প্লাইএন্সকি খ্বাইদগী ৱাংবা থাকশিং ঙাক্তুনা থম্বগা লোয়ননা পেসেঞ্জরশিংগী খুদোংচাবা য়াম্না হেনগৎহল্লি।

হব এন্দ স্পোক ফ্রেমৱার্ক অসিনা সরকারগী ইন্তর্নেস্নেল এভিএসন হব স্ত্রেতেজিগী মরুওইবা য়ুম্বী অমা ওইরি, মসিনা ভারতকি এয়রপোর্তশিংবু ইন্তর্নেস্নেল ত্রেভেলগী পশন্দগী গেৎৱে ওইনা মপাঙ্গল কনখৎহন্নবা, ভারতকি কেরিয়রশিংগী নেতৱরক ইফিশিএন্শি ফগৎহন্নবা অমসুং ওভরসিজ ত্রাঞ্জিৎ হবশিংদা মখা পোনবা হন্থহন্নবা হোত্‍‌নরি। ভারতকি স্ত্রেতেজিক জিওগ্রাফিকেল লোকেসন অসি লিভর তৌদুনা অমসুং এয়রপোরতকি ইনফ্রাস্ত্রকচর পাকাথোক চাওথোকহন্দুনা, ইনিসিয়েতিব অসিনা ভারতকি এভিএসন সেক্তরগী কম্পিতিতিবনেস হেঙ্গৎহন্দুনা লৈবাক মনুংদা ইন্তর্নেস্নেল ত্রান্সফর ত্রাফিক্কি অচৌবা শরুক অমা থম্নবা পান্দম থম্লি।

অমৃতসরদগী হব এন্দ স্পোক ওপরেসনশিং শঙ্গাবা অসিনা ভারতকি ইন্তর্নেস্নেল এভিএসন হব স্ত্রেতেজি ফেজ রোল আওৎ তৌবদা অতোপ্পা মরুওইবা মায়লস্তোন অমা ওইরি। অহেনবা স্পোক এয়রপোর্তশিং অসি ওপরেশনেল রেদিনেসকি অহোঙবা তাঙ্ককশিংদা লৈরি অমসুং ফেজ-ফেজগী মওংদা নেতৱর্ক অসিদা ইন্তিগ্রেৎ তৌগনি, মসিনা ইন্দিয়ন হব এয়রপোর্তশিংগী খুত্থাংদা লৈবাক শিনবা থুংনা অপনবা লৈতবা ইন্তর্নেস্নেল কনেক্তিবিতিগী সিস্তেম অমা শেমগনি। খোঙথাং অসিনা হেন্না শম্নবা, ইফিসিয়েন্ত অমসুং মালেমগী ওইনা চাংদম্নবা য়াবা এভিএসন ইকোসিস্তেম অমা শেমগৎতুনা বিকসিত ভারত @২০৪৭কি ভিজন অদু মংফাওনহন্নবা মরুওইবা খোঙথাং অমা রিপ্রজেন্ত তৌরি।

থৌরম অসি সিভিল এভিএসন মন্ত্রালয়গী সেক্রেতরি শ্রী সমির কুমার সিনহা; শ্রী পুনীত কন্সল, এদিস্নেল সেক্রেতরি, সিভিল এভিএসন মন্ত্রালয়; শ্রী বিপিন কুমার, চেয়রমেন, এয়রপোর্ত ওথোরিতি ওফ ইন্দিয়া; শ্রী শরদ কুমার, চিফ এদভাইজর, এ.এ.আই.; শ্রী পি.বালাজি, গ্রুপ হেদ – গবরনান্স, এয়র ইন্দিয়া; ব্যুরো ওফ ইমিগ্রেসন, কস্তম্স অমসুং সি.আই.এস.এফ.কি মীহুৎশিং য়াওরি। থৌরম অসিদা ইন্দস্ত্রি এসোসিএসনশিং, হোতেল অমসুং হোসপিতেলিতি স্তেকহোলদরশিং, ত্রেভেল পার্ত্নরশিং, তুরিজমগী পাক চাওরবা স্পেক্ত্রম অমসু য়াওখি।

মীহুৎশিং অমসুং অতৈ মরুওইবা এভিএসন অমসুং ত্রেদ স্তেকহোলদরশিংনা অমৃতসরদগী ইন্তর্নেস্নেল কনেক্তিবিতি মপাঙ্গল কনখৎহন্নবা অচেৎপা কোলাবোরেতিব সপোর্ত অদু উৎলি।

***