ভারতকি রাস্ত্রপতি শ্রীমতি দ্রৌপদি মুর্মুনা জুলাই ২৫, ২০২৬তা ওফিস পুরকপা চহি মরি মপুং ফারে, থৌরম অসিবু নিংশিংবা ওইনা রাস্ত্রপতিনা ঙসি (জুলাই ২৮, ২০২৬) রাস্ত্রপতি ভবন অমসুং রাস্ত্রপতিগী ইস্তেতশিংদা তোঙান তোঙানবা মরুওইবা থৌরাংশিং শঙ্গাখ্রে অমদি উরেপ-উয়ুং তমখ্রে।

মসিদা য়াওরিবশিংদি:

• ভিজিতরশিংগী এক্সপরিয়েন্স হেঙ্গৎহন্নবা রাস্ত্রপতি ভবন্দা ভিজিতরশিংগীদমক ই-ওদিও গাইদ হৌদোকপা। এপ্লিকেসন্দা য়ুমফম ওইবা ই-ওদিও গাইদ অসি হিন্দী, ইংলিশ অমসুং অতৈ ভারতকি লোল ১৪দা ফংগনি। মসিগী সাইন লেঙ্গুয়েজ মোদ্যুল অসি ভিজিতরশিংগীদমক্তসু ফংহনগনি।

• মীয়ামগী ওক্সন লাওবগীদমক ক্যুরেৎ তৌরবা রাস্ত্রপতিগী খুদোল ৩০০ য়াওবা ই-উপহারগী অহুমসুবা এদিসন হৌদোকপা। নিলাম লাওবা অসি ওগস্ত ৫দগী সেপ্তেম্বর ৫, ২০২৬ ফাওবা হাংদোক্কনি (অহেনবা অকুপ্পা মরোলশিং upahaar.rashtrapatibhavan.gov.in দা)

• রাস্ত্রপতিগী ইস্তেত্তা লৈবা অঙাংশিংগীদমক বচপন ‘বাল পরিসর’ শঙ্গাবা। ইনিসিয়েতিব অসিদা অঙাংশিংগী প্লে জোন অমা ওইরিবা ‘কিলকারি’ অমসুং মখোয়গী গ্রোথ অমসুং দিব্লপমেন্তকিদমক শাফবা অমসুং য়োকখত্‍‌পা এনভাইরনমেন্ত অমা পিরিবা ‘সমর্থ অঙ্গনৱাদি-কম-পালনা’ য়াওরি।

• গ্রীন অমসুং ইনক্লুসিব মোবিলিতি প্রমোত তৌনবা ভারা ফ্রী ইলেক্ত্রিক বশ সর্ভিস অমা ওইরিবা রাহি(রাস্ত্রপতি ভবন এক্সেস এন্দ হেরিতেজ ইন্তরকনেক্তর) হৌদোকপা। রাস্ত্রপতিগী ইস্তেতকি স্তাফশিং অমসুং রেসিদেন্তশিংগীদমক বশ সর্ভিস অসি নুপী দ্রাইভরশিং অমসুং কন্দক্তরশিংনা চলায়রি। মসিনা মরুওইনা নুপীশিং, অঙাংশিং, সেনিয়র সিতিজনশিং অমসুং শোইনাইরবা মীওইশিংগীদমক্তা রাস্ত্রপতিগী ইস্তেতকি মনুংদা অমসুং খ্বাইদগী নকপা মেত্রো স্তেসনফাওবা শাফবা, খুদোংচাবা অমসুং ইনক্লুশিব ওইবা মোবিলিতি ফংহনগনি।

• নেৎ জিরো ইনর্জি  স্ত্রেতেজিগী শরুক অমা ওইনা সর্ভিস ব্লোক শানবা উরেপ উয়ুং তম্বা।

• রাস্ত্রপতি নিকেতন, দেহরাদুন অমসুং রাস্ত্রপতি নিলায়ম, সিকন্দরবাদতা লৈফমগী খুদোংচাবশিং হাংদোকপগা লোয়ননা রাস্ত্রপতিগী ইস্তেত্তা স্তাফ ক্বারতরশিং শঙ্গাবা।

তোঙান-তোঙানবা ইনিসিয়েতিবশিং হৌদোকপগী থৌরমদা ৱা ঙাংলদুনা রাস্ত্রপতিনা হায়খি মদুদি রাস্ত্রপতি ভবন অসি ভারতকি ইনাক খুল্লবা চৎনবিশিং, গনতন্ত্রগী মতিক-ময়ায়শিং অমসুং জাতিগী ৱাখল্লোনশিংগী থৱাই য়াওবা মশক অমা ওইনা লেপ্নবা লেপ্পা লৈতনা হোত্‍‌নখি। হৌখিবা চহি অমদা ভারতকি সিভিলাইজেসনগী ইথোস য়োকখৎনবা তোঙান তোঙানবা খোঙথাংশিং লৌখৎখি, মদুগী মনুংদা চক্রবর্তি রাজাগোপালাচারিজিগী নুংগী মীতম মায়খুম হাংদোকপা, পরম বির দির্ঘা অমসুং গ্রন্থ কুতির শঙ্গাবা, স্তেত রুমশিং ইন্দিয়ানাইজেসন তৌবা অমসুং রাজ্যগী রিসেপসনশিংদা ভারতকি কলা অমসুং চৎনবিশিং ফোঙদোকপা য়াওরি।

মসিগী মতুংদা রাস্ত্রপতি ভবন্দা তোঙানবা থৌরম অমদা ভারতকি উপ-রাস্ত্রপতি শ্রী সি.পি. রাধাকৃষ্ণন্না শ্রীমতি দ্রৌপদি মুর্মুনা প্রসিদেন্ত ওইবগা মরি লৈনবা পব্লিকেসনশিং ফোংখি অমসুং মখোয়গী অহানবা কোপিশিং অদু ইনফোর্মেসন অমসুং ব্রোদকাস্তিং অমসুং পার্লিয়ামেন্তরি এফেয়রসকি রাজ্য মন্ত্রী দোক্তর এল. মুরুগন্দা পীখি।

ঙসি ফোঙখিবা পব্লিকেসনশিং অদুদি - রাস্ত্রপতি ভবন: রাস্ত্রপতি কা ভবন (রাস্ত্রপতি দ্রৌপদি মুর্মুগী রাস্ত্রপতিগী অহানবা চহি); সেবা ঔর সম্বেদনা (রাস্ত্রপতি দ্রোপদি মুর্মুগী রাস্ত্রপতিগী অনিসুবা চহি); সমাবেসি সহভাঘিতা (রাস্ত্রপতি দ্রোপদি মুর্মুগী রাস্ত্রপতিগী অহুমসুবা চহি); ভারতিয়তা কা উতসব (রাস্ত্রপতি দ্রোপদি মুর্মুগী রাস্ত্রপতিগী মরিসুবা চহি); অমসুং আমা রাস্ত্রপতি - মমিং লৈরবা মীওইশিংনা ইবা ওদিয়াগী আর্তিকলশিংগী খোমজিনবা অমা ওইরিবা আমা গৌরব।

থৌরম অসিদা ৱা ঙাংলদুনা রাস্ত্রপতিনা হায়খি মদুদি লায়রিকশিং অসিগী মিংথোলশিং অসিনা ইনক্লুসিব দেমোক্রেসিদা ঐখোয়গী থাজবা অদু উৎলি। মহাক্না থাজবা ফোঙদোকখি মদুদি মসিগী ইল স্ত্রেতেদ কম্পাইলেসনশিং অসিনা পারিবশিংদা রাস্ত্রপতি ভবনগী চৎনবিশিং, থবক থৌরমশিং অমসুং মশিং য়াম্লবা মশকশিং খঙহনগনি। মহাক্না হায়খি মদুদি মখোয়গী অশেংবা মরুওইবা অসি মখোয়গী হেরিতেজদা চাওথোকচবা পোকহন্দুনা মখোয়গী মরুপশিংবু খুমাং চাউশিনবগী লম্বিদা মাংলোমদা চঙশিন্নবা ইথিল পিবা ঙম্বদা লৈরি।

রাস্ত্রপতিনা হায়খি মদুদি ২০২২গী জুলাই ২৫দা মহাক্না ভারতকি রাস্ত্রপতিগী ওফিশ পায়রকপা মতমদা মহাক্কীদমক্তা ইকায় খুম্নবদগীসু হেন্না থৌদাংনা হেন্না লুম্না লৌখি। মহাক্না হায়খি মদুদি হৌখিবা চহি মরি অসিদা মহাক্না মহাক্কী থৌদাংশিং অসি য়াম্না লুবা ৱাখল্লোন অসিগা লোয়ননা পাংথোকখি। মহাক্না হায়খি মদুদি মহাক্না রাস্ত্রপতি ভবন্দা মীশিংগা উনরকপা মতম খুদিংদা – মরু ওইনা নহাশিংগা – মহাক্না তোঙান তোঙানবা রাজ্যশিংদা চৎপা মতমদা, মহাক্না মখোয়বু ইথিলগী মতিক-ময়ায়শিংদা য়ুম্ফম ওইদুনা লৈহন্নবা অমসুং জাতি অমসুং খুন্নাইগী খুমাং চাউশিনবগী মায়কৈদা থবক তৌনবা পুক্নিং থৌগত্‍‌লি। মহা্ক্না হায়খি মদুদি মহাক্না নুপীশিংবু মশা মরোমদোম লেপচবা ঙম্নবা অমসুং মশাদা থাজবা থমদুনা থুমাং চাউশিনবগী লম্বিদা মাংলোমদা চঙশিন্নবা তকশিনখি। ত্রাইবেল খুন্নাইশিংগী মীহুৎশিংগা ৱারি শানরকপা মতমদা মহাক্না মখোয়দা মখোয়গী কলচরেল হেরিতেজ অদু ঙাক্তুনা থম্নবা হায়জখি অমসুং মসিগা লোয়ননা দিবেলপমেন্তকি মেন স্ত্রিমদসু য়াওবনবা হায়খি। মহাক্না মপান লৈবাক্তা চৎপা মতম খুদিংদা লৈবাকশিং অদুদা লৈরিবা ভারতকি মীয়ামগা উন্নখি অমসুং ভারতকি চাওখৎ-থৌরাংগী খোঙচত্তা মতেং পাংনবা পুক্নিং থৌগত্‍খি।

মহাক্কী ৱারোলদা উপ রাস্ত্রপতিনা হায়খি মদুদি হৌখিবা চহি মরিগী মনুংদা রাস্ত্রপতি দ্রৌপদি মুর্মুনা অৱাংবা থাক্কী ওফিশ অসিবু থৌজাল, ইচম চম্বা, লৌশিং অমসুং সংবিধানগী ময়েক অমসুং স্পিরিৎকা লোয়ননা মপাঙ্গল কলহনখ্রে। মহাক্কী শিংথানিংঙায় ওইরবা পুন্সীগী খোঙচৎ অসি অচম্বা অমদি য়াম্না থৱাই য়াওবা অমনি। ওরিশাগী খ্বাইদগী মনুং হঞ্জিনবা ত্রাইবেল খুঙ্গং অমগী ইচম চম্বা অকোয়বগী ফীভম অমদগী ঐখোয়গী অথোয়বা জাতিগী খ্বাইদগী ৱাংবা কন্সতিত্যুস্নেল ওফিসতা মহাক্না য়ৌরকপা অসি ভারতকি গনতন্ত্রগী পাঙ্গল অমসুং ইনক্লুসিবনেসকি খুদম-চাংদম অমনি। মহাক্না হায়খি মদুদি মহাক্না ঝারখন্দগী রাজ্যপাল ওইরিঙৈ মতমদা রাজ্য শিনবা থুংনা মহাক্না উন্নখিবা মীওইশিংনা মহাক্কী রাজ্যপাল ওইবগী মতম অদু য়াম্না নুংঙায়বা অমদি থাগত্‍‌পা ফোঙদোকখি।

রাস্ত্রপতি দ্রৌপদি মুর্মুগী রাস্ত্রপতি ওইরিঙৈ মতমদা মরু ওইবা থৌরাংশিং ফোঙদোক্লদুনা উপ-রাস্ত্রপতিনা অমৃত উদ্যান, রাস্ত্রপতি নিকেতন অমসুং রাস্ত্রপতি তপোবন মীয়ামদা হাংদোকপা, হেন্না শোইনাইরবা মীশিংগা মরি লৈনবা রাস্ত্রপতি ভবন অমা, অমসুং রাস্ত্রপতি ভবন্দা চক্রবর্তি রাজাগোপালাচারিগী নুংগী মীতম থম্বগী মতাংদা পনখি। মহাক্না হায়খি মদুদি খোঙথাংশিং অসিনা কোলোনিএলগী ৱাখল্লোন অদু থুগাইবগা লোয়ননা রাস্ত্রপতিবু মীয়ামগা নক্নহনবগী মীত্‍‌য়েং অদু উৎলি।

ওল চিকি ময়েক্তা শন্থালি লোন্দা ভারতকি সংবিধান ফোংখিবা অদু নিংশিংলদুনা উপ রাস্ত্রপতিনা মসিবু ত্রাইবেল খুন্নাইদা চাওথোকচবা পোকহনখিবা মশক থোকপা থৌরাং অমনি হায়না ফোঙদোকখি অমসুং ভারতকি লোল অমসুং নাৎকী পারী-পুরী ঙাক্তুনা থম্নবা জাতি অসিগী ৱাশক অদু অমুক হন্না ফোঙদোকখি। মহাক্না থাজবা ফোঙদোকখি মদুদি ঙসি ফোঙলিবা লায়রিকশিং অসিনা চহি মরি অসিবু লেপথোকখ্রবা ভেল্যুশিং – কন্সতিত্যুস্নেলিতি, সর্ভিশ, কম্পেসন, ইনক্লুসিবিতি, কলচরেল কন্ফিদেন্স অমসুং নেস্নেল য়ুনিতি – ঙাক্তুনা থম্বদা মতেং পাংগনি।

রাস্ত্রপতিগী ৱারোল য়েংনবগীদমক মফম অসিদা ক্লিক তৌবিয়ু-

***