સરકાર યોજનાઓને વ્યાપકપણે અપનાવવાની સુવિધા માટે, જ્યાં પણ શક્ય હોય ત્યાં યોગ્ય કેન્દ્રીય અને રાજ્ય કાર્યક્રમો અને ભંડોળના સ્ત્રોતો સાથે પીએમ કુસુમ (PM KUSUM) અને પીએમ સૂર્ય ઘર: મફત બીજલી યોજનાના સંકલનને પ્રોત્સાહન આપી રહી છે. ઉદાહરણ તરીકે, પીએમ કુસુમ યોજનાની માર્ગદર્શિકા અન્ય કેન્દ્રીય યોજનાઓ સાથે સંકલનની મંજૂરી આપે છે જેમાં નીચેનાનો સમાવેશ થાય છે:

• સરળ નાણાંકીય સુવિધા મેળવવા માટે એગ્રીકલ્ચર ઇન્ફ્રાસ્ટ્રક્ચર ફંડ (AIF) યોજના
• અલગ તારવેલા કૃષિ ફીડરોના સોલરાઇઝેશન માટે રિવેમ્પ્ડ ડિસ્ટ્રિબ્યુશન સેક્ટર સ્કીમ (RDSS)
• માઇક્રો ઇરિગેશન તકનીકો અને 'પર ડ્રોપ મોર ક્રોપ' (Per Drop More Crop) યોજનાને પ્રોત્સાહન
• કૃષિ પંપોને ઊર્જા કાર્યક્ષમ (એનર્જી એફિશિયન્ટ) પંપો સાથે બદલવા
• ગ્રામીણ સ્તરે આત્મનિર્ભરતા વધારવા માટે ગ્રામ ઊર્જા સ્વરાજ અભિયાન

તેવી જ રીતે પીએમ સૂર્ય ઘર: મફત બીજલી યોજના માટે, આવાસ અને શહેરી બાબતોના મંત્રાલય (MoHUA) સાથે સંકલન સાધીને 'સોલર દીદી પ્રોગ્રામ' અમલમાં મૂકવામાં આવી રહ્યો છે, જે હેઠળ DAY-NULM હેઠળના મહિલા સ્વસહાય જૂથો (SHG) ના સભ્યોને તાલીમ આપવામાં આવે છે. પાત્ર લાભાર્થીઓ, ખાસ કરીને ગરીબી રેખા હેઠળના (BPL) પરિવારો, PMAY લાભાર્થીઓ અને અન્ય વંચિત વર્ગો માટે પીએમ સૂર્ય ઘર સાથે ડિસ્ટ્રિક્ટ મિનરલ ફાઉન્ડેશન (DMF) ફંડના સંકલનને પણ પ્રોત્સાહિત કરવામાં આવે છે.

મંત્રાલયે સહકાર મંત્રાલય, પંચાયતી રાજ મંત્રાલય, કૃષિ અને ખેડૂત કલ્યાણ મંત્રાલય, ગ્રામીણ વિકાસ મંત્રાલય વગેરેની યોજનાઓ સાથે પીએમ કુસુમ અને PMSG યોજનાઓના સંકલન માટે તમામ રાજ્યોને જરૂરી પત્રવ્યવહાર અને સંકલનના સંભવિત ક્ષેત્રોની વિગતો મોકલી આપી છે.

આ માહિતી કેન્દ્રીય નવી અને પુનઃપ્રાપ્ય ઊર્જા મંત્રાલયના રાજ્ય મંત્રી શ્રી શ્રીપદ યેસ્સો નાયક દ્વારા રાજ્યસભામાં એક પ્રશ્નના લેખિત જવાબમાં રજૂ કરવામાં આવી હતી.

SM/DK/JD