વિધિ અને ન્યાય મંત્રાલયના વિધાન વિભાગના ઇન્સ્ટિટ્યૂટ ઓફ લેજિસ્લેટિવ ડ્રાફ્ટિંગ એન્ડ રિસર્ચ (ILDR) દ્વારા આયોજિત વિધાન ઘડતરના 36મા મૂળભૂત અભ્યાસક્રમનું ઉદ્ઘાટન રાજ્ય સરકારો અને કેન્દ્રશાસિત પ્રદેશોના અધિકારીઓ માટે 22 જુલાઈ, 2026 ના રોજ વિધાયી સભાગૃહ, કર્તવ્ય ભવન-02, નવી દિલ્હી ખાતે કરવામાં આવ્યું હતું. ઉદ્ઘાટન સત્રમાં વિધાન વિભાગ અને કાનૂની બાબતોના વિભાગના સચિવ ડો. રાજીવ મણી, એડિશનલ સેક્રેટરી અને કોર્સ ડિરેક્ટર (ILDR) ડો. મનોજ કુમાર અને વિભાગના અન્ય વરિષ્ઠ અધિકારીઓની ઉપસ્થિતિ રહી હતી.

આ પ્રસંગે ડો. રાજીવ મણીએ કાયદાઓમાં સ્પષ્ટતા, સુસંગતતા અને કાનૂની નિશ્ચિતતા સુનિશ્ચિત કરવા માટે સમગ્ર દેશમાં એકસમાન વિધાન ઘડતરની જરૂરિયાત પર ભાર મૂક્યો હતો, ખાસ કરીને ગ્રાઉન્ડરૂટ વિધાન સુધારાઓના યુગમાં, જેથી તેમના અસરકારક અમલીકરણને સુગમ બનાવી શકાય.

આ અભ્યાસક્રમનું ઉદ્ઘાટન સંરચિત તાલીમ અને ક્ષમતા-નિર્માણ પહેલ દ્વારા સમગ્ર દેશમાં વિધાન ઘડતરની ક્ષમતાને મજબૂત કરવા માટે વિધાન વિભાગની લાંબા સમયથી ચાલી આવતી પ્રતિબદ્ધતાને પુનઃપુષ્ટ કરે છે.

22 જુલાઈ, 2026 થી 25 સપ્ટેમ્બર, 2026 દરમિયાન યોજાઈ રહેલા આ અભ્યાસક્રમમાં તેર રાજ્ય સરકારો અને એક કેન્દ્રશાસિત પ્રદેશમાંથી 18 પ્રશિક્ષુ અધિકારીઓ એકઠા થયા છે. તેનો ઉદ્દેશ્ય વિધાન સાધનોના ઘડતર માટે વ્યવહારિક સંપર્ક પ્રદાન કરવાની સાથે વિધાન ઘડતરના સિદ્ધાંતો વિશે પ્રતિભાગીઓની સમજમાં વધારો કરવાનો છે, જેથી તેઓને અસરકારક વિધાન ઘડતર માટે જરૂરી જ્ઞાન અને કૌશલ્યોથી સજ્જ કરી શકાય.

આ કાર્યક્રમથી વિધાન ઘડતરમાં એકરૂપતા, ચોકસાઈ અને શ્રેષ્ઠતાને વધુ પ્રોત્સાહન મળવાની અને રાજ્ય સરકારો તથા કેન્દ્રશાસિત પ્રદેશોની સંસ્થાકીય ક્ષમતા મજબૂત થવાની અપેક્ષા છે.

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com