U Myntri Rangbahduh mynta ka sngi u la pynïaid ïa ka jingïalang bad ki Secretary ban bishar bniah ïa ka jingïaid shaphrang jong ka roi ka par ha ki jaka nongkyndong, ka rep ka riang, ka bha ka miat ha ka imlang sahlang bad ki kam ba ïadei bad kane na ka bynta ki thong jong ka Viksit Bharat, ha ïing sah jong u ha 7, Lok Kalyan Marg mynta ka sngi.

U Myntri Rangbahduh u la ban jur ba ka bha ka miat jong ki nongshong shnong kadei ban don ha ka bynta pdeng jong baroh ki jingpynkylla. U la ong ba ki jingpynkylla kiba iadei bad ki jingdonkam jong ki briew kidei ban iaid shakhmat bad ban wanrah ia ka jingkylla kaba don jingmut. U la ban jur ba ka jingthmu jong ki jingpynkylla kam dei tang ban kyntiew ïa ka jingtreikam jong ka Sorkar, hynrei ban pynkloi ïa ka jingïaid lynti jong ka India ban long ka ri kaba la kiew shaphrang.

U Myntri Rangbahduh u la ban jur ba ki rukom synshar ki sakhi ïa ki jingkylla kiba stet bad u la ban jur halor ka jingdonkam ban pyniahap bad pynkhlain ïa ki rukom treikam jong ka sorkar khnang ban pynbiang ïa ki jingdonkam jong ka jinglong jingman kaba kylla sted mynta. U la ai jingmut ban don ka jingpeit bniah ia ki jingdonkam kiba dang mih ha kylleng ki Tnad sorkar Pdeng bad ki Tnad bapher bapher.

U Myntri Rangbahduh u la ban jur ia ka jingdonkam jong ka rukom treikam jong baroh kawei ka sorkar ban pynurlong ia ki thong jong ka roi ka par jong ka ri. U la ban jur shuh shuh ba ka jingangnud ban tei ia ka Viksit Bharat kadei ban long kum ka Jan Andolan bad ba ki samla jong ka ri India kidei ban long ka nongrim jong kane ka jingthmu.

U Myntri Rangbahduh u la ban jur ia ka jingdonkam ban ialeh pyrshah ia ka jingeh kaba khraw jong ka jingdih drok hapdeng ki samla. U la ai jingmut ba dei ban don ki sienjam ban weng ia ka jingtrei marwei jong ki tnad sorkar bad ban wanrah ia ka jingiatreilang kaba kham khlain hapdeng jong ki na ka bynta ki sienjam kiba iadei bad ki samla.

U Myntri Rangbahduh u la ban jur shuh shuh ia ka jingdonkam ban pdiang ia ka rukom treikam kaba iasohlang na ka bynta ban kyntiew ia ka kam ialehkai. U la ong ba, namar ba ka kam jngoh kai na ka bynta ki kam ialehkai ka la khlain bha, ka India kadei ban don jingthmu ban pynlong ïa ki lympung ïalehkai hapdeng ki ri ban pynskhem ïalade kum ka jaka pdeng na ka bynta ka kam ïalehkai jong ka pyrthei. U la ban jur ia ka jingdonkam ban kyntiew ia ka teknoloji bad ban kyntiew ia ka jingsaindur thymmai lyngba ki startup ha ka kam ialehkai.

U Myntri Rangbahduh u la kren shaphang ka jingpdiang paidbah ïa ki sienjam kum ka Skhim PM KUSUM da ki nongrep ka lah ban wanrah ïa ki jingkylla ha ka kam rep kam riang. U la ban jur shuh shuh ia ka jingdonkam ban peit bniah ia ki sap ban pynthikna ia ka jingiahap bad ki lad kiba mih ha kaba iadei bad kiwei kiwei ki ri bad ki jingdonkam ha ki por ban wan.

Ki Secretary ki la ïasam ïa ki jingshem bad ki jingsngew jong ki halor ki sienjam bad ki jingeh bapher bapher ha la ki jong ki jong ki bynta. U Myntri Rangbahduh u la iasam ia ki jingai jingmut bad ka jingthmu jong u na ka bynta ka rukom treikam ha ki por ban wan. Ki la don ki jingiamir jingmut kiba seisoh bha ha kane ka jingialang ha kaba iadei bad ki kam bapher bapher, kiba pynleit jingmut ha ka jingpyntreikam kaba paka, ka jingiasoh kaba kham bha bad ka jingpynstet ban pynurlong ia ki thong Viksit Bharat.

Ha kane ka jingialang la iadonlang u Cabinet Secretary, ki Secretary jong ki Tnad sorkar pdeng kumjuh ruh ki heh ophisar na ka Ophis u Myntri Rangbah duh ka ri.

****