ইথানোল ব্লেন্দেদ পেত্রোল (EBP) প্রোগ্রাম অসি ভারতকী মরুওইবা ইনর্জী ইনিসিয়েতিবশিংগী মনুংদা অমনি। মসিনা ইনর্জী সেক্যুরিতী ফগৎহনবা, লৌমীশিং মতেং পাংবা, অমসুং দোমেস্তিক ওইনা পুথোকপা রিন্যুৱেবল ফ্যুএলশিং হেন্না শিজিন্নদুনা অকোইবগী ফিবমদা অকাইবা পীবা হন্থহনবগী পান্দম থম্লি।

পেত্রোলিয়ম অমসুং নেচরেল গ্যাস মন্ত্রালয়না 2026কী জুন 23দা প্রেস রিলিজ অমগী খুত্থাংদা প্রোগ্রাম অসিগী মতাংদা অকুপ্পা মরোল পীখি। ওতোমোবাইল মেন্যুফেকচররশিংনা 2026কী জুলাই 4দা পাংথোকখিবা প্রেস কনফরেন্স অমদা মখোয়গী মশাগী ক্লিয়রিফিকেসনশিংসু থাদোরকখি।

ক্লিয়রিফিকেসন পীখ্রবসু, EBP প্রোগ্রামগা মরী লৈননা অকক্নবা শিংনবশিং মখাতানা পুখৎলক্লি। মখাদা পীরিবা তোইনা হংবা ৱাহংশিং অসিনা হায়রিবা খন্ননিংঙাই ওইবা ৱাহংশিং অসিগী অচুম্বা, প্রমানদা য়ুম্ফম ওইবা পাউখুমশিং পীরি।

Was the Ethanol Policy Rushed?

Q1. ইথানোল অসি ভারতনা পুথোকখিবা নত্রগা অথুবা মতমদা পুথোকখিবা অনৌবা ফ্যুএললা?

নত্তে। ইথানোল অসি অনৌবা ফ্যুএল নত্তে। হেনরী ফোর্দনা চহি চা অমা হেন্না মমাংদা মোদেল T অসি ইথানোলদা চলাইনবা দিজাইন তৌখি। ব্রাজিল অমসুং য়ুনাইতেদ স্তেতসকুম্বা লৈবাকশিংনা ইথানোলবু পেত্রোলদা দেকেদ কয়াগী মমাংদগী হৌনা য়ান্দুনা লাক্লি।

ভারতকী ইথানোলগী ৱারীসু হৌজিক লৈরিবা সরকারগী মমাংদগী হৌরকখি। মসি দেকেদ অনিগী খোঙচৎ অমা ওইখি। তাইমলাইন অদু মখাদা পীরি:

• • 2001: ইথানোল ব্লেন্দ তৌবগী পাইলোত প্রোগ্রাম অমা হৌদোকখি।
  • 2004: প্রোগ্রাম অসি ফোর্মেল ওইনা লাউথোকখি।
  • 2006: E5, নত্রগা 5%গী ব্লেন্দিং, রাজ্য কয়াদা চৎনবা হৌখি।
  • January 2013: পোলিসী ফ্রেমৱার্ক অসি রাজ্য অমসুং য়ুনিয়ন তেরিতোরী 10দা ইথানোল ব্লেন্দিং তৌবা অদু 5% য়ৌহন্নবগী পান্দমগা লোয়ননা গেজেৎ ওফ ইন্দিয়াদা নোতিফাই তৌখি।
  • অদুম ওইনমক, ভারতনা চু খক্তদগী ইথানোল মতিক চানা পুথোকপা ঙমদবনা মরম ওইদুনা 2014 ফাওবদা চাদা 1.5 ফাওবদং ব্লেন্দিং তৌবা ঙমখি।
  • May 2018: বায়োফ্যুএলগী নেস্নেল পোলিসীনা শুংনবগী মচাক চুদা খক্তা নত্তনা, চেজাক অমসুং অহেনবা মহৈ-মরোংশিংদা পাকথোক চাউথোকহনখি অমসুং ইথানোল পুথোকপা অসি গবর্নমেন্তকী মিসনগী অশেংবা মপুং অমা ওইহনখি।
  • June 2021: NITI আয়োগনা ওতোমেকরশিং, ওইল কম্পেনীশিং অমসুং ফার্ম এক্সপর্তশিংগা তান্নরবা মতুংদা অকুপ্পা রোদমেপ অমা ফোংখি।
  • August 2021: ওগস্ত 2021: IOCL, BPCL অমসুং HPCLনা বেঙ্ক ফাইনান্সিং অমসুং গরেন্তী পীবা পর্চেজ এগ্রীমেন্তশিংগী মতেংগা লোয়ননা দেদিকেতেদ ইথানোল প্লান্তশিং লিংখৎনবা প্রাইভেৎ ইনভেস্তমেন্ত কৌখি।

Q2. ভারতনা মতৌ করম্না য়াম্না থুনা 20%গী ব্লেন্দিংদা চঙলকখিবগে?

2021দা, ভারতনা 10% ব্লেন্দিং তৌবা ঙম্নবা হোৎনবদা চহি খুদিংগী ইথানোল লিতর করোর 500দগীনা 600 ফাওবগী মথৌ তাই। অনৌবা ইনভেস্তমেন্তশিংনা মরম ওইরগা পুথোকপগী কেপাসিতী পাকথোক চাউথোকহনবনা, চহিগী ওইনা ইথানোল ফংহনবা অসি লিতর করোর 1,200 য়ৌরে। মতিক চাবা সপ্লাই লৈরবা মতুংদা, 20%গী ব্লেন্দিং তৌবদা খুমাং চাওশিল্লকপা অসি লোজিকেল ওইবা অমসুং মথৌ তাবা তাবা মথংগী খোঙথাং অমা ওইখি। ব্লেন্দিং তৌবগী চাং হেনগৎলকপা অসি খঙহৌদনা থাংবা খোংধাং নত্তে, মসি লেপ্পা লৈতনা, চাং নাইনা খুমাং চাউশিল্লকপগী মশাগী ৱারী তাক্লি:

ব্রাজিলনা করিশু লৈরমদনা মালেমগী অহানবা অচৌবা ইথানোল ইকোসিস্তেম শাখি, মসিদা মহৌশানা দিকেদ কয়া চংখি। ভারতনা মসিগী এক্সপরিয়েন্স অসিদগী তম্লকপগী খুদোংচাবা ফংখি। য়াম্না য়াংবগুম্না উরিবা অসি তশেংনমক্কীদি দেকেদ অনিদগী শেমগৎ-শাগৎলকখিবা অদুগী মপালননি, মদুগী মতুংদা দিসিপ্লিন লৈনা পাঙথোকখি।

Ve

Q3. করিগীদমক্তা ঐহাক্না প্রিমিয়ম ফ্যুএল অমা খনবগুম্না, পম্পতা অশেংবা পেত্রোল, E10 অমসুং E20গী মরক্তা খনবা ঙম্লোইদৌরিবনো?

ভারতনা রিফাইনরীশিং, তর্মিনেলশিং অমসুং পাইপলাইনশিংগী পাক চাউবা নেতৱার্ক অমগী খুত্থাংদা রিতেল আউতলেৎ লাখ অমা হেন্না চলাইরি। লৈবাক শিনবা থুংনা তোঙানবা বেজ ফ্যুএল অহুম স্তোক তৌবনা মমল হেনগৎহল্লগনি অমসুং আউৎলেত খুদিংমক্তা ক্বালিতী কন্ত্রোল তৌবদা অরুবা অমা ওইহল্লগনি।

প্রিমিয়ম পেত্রোল অসি চাংদম্নবদা চুমদে। মসি অপীকপা, এদিতিব হেনগৎহল্লবা পোত্থোক অমনি, মসি নেস্নেল বেজ ফ্যুএল অমগুম্না নত্তে, মসি অখন্নবা ক্বান্তিতিদা প্রিমিয়মদা য়োনবা পোৎনি।

হান্ননা লৈরম্বা অদুগী ৱাহং অমসু লৈরি। পব্লিক সেক্তর বেঙ্কশিংনা ইথানোল প্লান্তশিং, স্তোরেজ অমসুং লোজিস্তিক্সতা চহি অমদা লুপা করোর লাখ 1গী শেনফম পীরি। হৌজিক্তি E10দা অমুক হল্লক্লবদি শেল থাদবা অসি লেমহৌরগনি অমসুং অফবা থাজবগা লোইননা মসি শেমগৎখিবা লৌমীশিং অমসুং এন্ত্রপ্রেনরশিংদা অৱাবা পীগনি।

Q4. E20 থাদোক্ত্রিঙৈদা ওতোমোবাইল ইন্দস্ত্রীগা তশেংনা তাথোক-তাশিন তৌরমব্রা?

হোয়, অহোংবা লাকপা হৌরকপদগীনি, মদুগী মতুংদা নত্তে। 2020-21গী মমাংদা মেনুফেকচররশিংগা লোয়ননা E10 কম্পেতিবিলিতীগী মতাংদা খন্ন-নৈনখি অমসুং ভারতনা E10গী পান্দম অসি জুন 2022দা, অপাবা মতমদগী থা মঙা ঙনখৎনা ফংখি।

E20গীদমক্তা, থৌওং অসি হেন্না মপুং ফানা অমসুং কুপথনা চৎথখি। ইঞ্জিন কেলিব্রেশন, ফ্যুএল সিস্তেম, রববর কম্পোনেন্তশিং, ইমিসনশিং অমসুং ফ্যুএল ইফিসিয়েন্সী পুম্নমক অসি তেস্তিংগী রাউন্দ কয়া অমদা ফ্যুএল অদুনা পেত্রোল পম্প অমদা য়ৌদ্রিঙৈগী মমাংদা য়েংশিল্লি। মেনুফেকচররশিংনা করিগুম্বা মখোয়না মসিগী সেক্যুরিতীদা থাজবা লৈত্রবদি E20গী ৱারেন্তীশিং অসি ঙাক্না চৎলম্লোই।

Q5. E20না ঐগী গারিগী মাইলেজ হন্থহনগদ্রা নত্রগা পর্ফোমেন্স শোকহনগদ্রা?

গারি খরদা চাদা 3দগী 5 ফাওবগী চাংদা ফ্যুএল ইকোনোমি হন্থরকপা য়াই। অদুম ওইনমক, রিয়েল ৱার্ল্দ মাইলেজ অসি ফ্যুএলো মখলদগীদি দ্রাইভিংগী হৈনবী, তাইয়র প্রেসর, সর্ভিস তৌবা, অমসুং এয়র কন্দিসনর শীজিন্নবদা হেন্না য়ুম্ফম ওই। মাইলেজ অসি পিকচর অসিগী শরুক অমখক্তনি।

ফ্যুএল ইকোনোমিগী মথক্তা, E20না পর্ফোমেন্স অমসুং অকোয়বগী ফিভমদা কান্নবা কয়া অমা পীরি:

• রেসর্স  ওক্তেন নম্বর অসি পেত্রোলগী 84.4গা চাংদম্নবদা চাউরাক্না 108.5 ওইরি
• ইন্দিয়ন পেত্রোলগী ইফেক্তিব ওক্তেন রেতিং অসি 95কী অদুৱাইদা হেনগৎহল্লি। মসিনা মোদর্ন ইঞ্জিনশিংদা কম্বস্সন ফগৎহল্লি।
• E20গীদমক্তা কেলিব্রেত তৌরবা গারিশিংনা হেন্না কোম্না সমুথ ওইবা এক্সিলরেসন পীরি।
• E20না অৱাংবা থাক্কী এন্তি-নোক কেরেক্তরিস্তীশিং ফংহল্লি।
• E20না পার্তিক্যুলেত ইমিসন হন্থহন্দুনা ইঞ্জিনপু হেন্না শেংবা মওংদা মথৌ পাংথোকপা ঙমহল্লি।
• E20না লাইফসাইকল কার্বোন ইমিসন চাদা 40 রোম হন্থহনবা ঙম্মি।

Q6. ঐগী গারি মেন্যুএলদা 'E10 কম্পেতিবল' হায়না ইরি। মসিনা তাক্লিবদি E20 অসি ঐগী কারগীদমক শাফদে হায়বরা?

নত্তে। গারিগী মেন্যুএল অমনা গারি অদু সর্তিফাই তৌখিবা মতমদা লৈরম্বা ফ্যুএল স্তেন্দর্দ অদু উৎলি। কুপ্না চাংয়েং তৌরবা অমসুং রেগ্যুলেতরী অয়াবা ফংলবা মতুংদা, ফ্যুএল স্তেন্দর্দশিং খুমাং চাউশিল্লকপগা লোয়ননা গারি অসি সাফদ্রে হায়বদি নত্তে।

E20 থাদোক্ত্রিঙৈ মমাংদা, সরকারনা ARAI, SIAM, ওতোমোবাইল মেন্যুফেকচররশিং অমসুং ওইল কম্পেনীশিং য়াওবা এক্সপর্ত কমিতীশিং লিংখৎখি। 2021গী NIT আয়োগকী রোদমেপ্না E10দগী E20দা হোংলকপদা অখন্ননা য়েংশিনখি অমসুং মেনুফেকচররশিংদা চহি কয়া মাংজৌননা নোতিস পীখি।

Q7. E20না রব্বর পার্তশিং, ফ্যুএল লাইনশিং নত্রগা অরিবা গারিশিংদা ইঞ্জিনশিং শোকহনগদ্রা?

E15-প্লস ব্লেন্দশিং অসি ভারত শিনবা থুংনা চহী অহুম অমসুং তংখাইদগী চত্থদুনা লাক্লি। E20 অসি কৈথেলদা য়ৌদ্রিঙৈ মমাংদা ইঞ্জিনগী দ্যুরএবিলিতী, কোরোসন রেসিস্তেন্স অমসুং দ্রাইভেবিলিতী কভর তৌবা লেবোরেতরী তেস্তিং অমসুং ফিল্দ ভেলিদেসন পাক শন্না পাংথোকখি।

খ্বাইদগী লিংবা প্রমান অসি তশেংনা থোক্লিনা অসিদগী খঙগনি। মারুতী সুজুকীনা FY 2025-26দা কার করোর 2.84 সর্ভিস তৌখি, মসিগী মনুংদা করোর 1.5দি চহি য়াম্লবা গারিশিংনি অমসুং E20গীদমক সর্তিফাই তৌখিদে। E20গা মরী লৈনবা অশোকপা অমত্তা ফংদে। করিগুম্বা E20না রব্বর হোজশিং, ফ্যুএল লাইনশিং নত্রগা ইঞ্জিনশিং তশেংনা অশোক-অপন থোক্লবদি, মসিনা ৱেরেন্তী ক্লেমশিং অমসুং কমপ্লেন্তশিংগী ৱেব অমা ওইনা উবা ফংলগনি। ৱেব অদু লকাখিবা লৈখিদে।

মসিগী মথক্তা, ভারতকী ইথানোল সপ্লাই চেন অসিসু অকনবা মওংদা রেগুলেত তৌরি। ইথানোল অমসুং ব্লেন্দ তৌরবা পেত্রোল অসি BIS স্পেসিফিকেসন অকনবা কাংলোনশিং ঙাক্না চৎকদবনি, দিস্তিলরীদগী দিপোত ফাওবা, দিপোততগী রিতেল পম্প ফাওবা স্তেজ খুদিংমক্তা চেক তৌরি। রাজ্য খুদিংমক্কী চীফ সেক্রেতরীশিংদা পোৎয়ানগী মায়োক্তা জিরো তোলরেন্স চৎনহন্নবা হায়খ্রে।

Pricing and Value for Money

Q8. ইথানোল অসি মমল হোংবা ফ্যুএল ওইগদবনি। মরম অদুনা করিগীদমক্তা E20গী মমল অসি অশেংবা পেত্রোলগী মমলদগী তাদ্রিবনো?

প্রোগ্রাম অসিগী মখাদা পীরিবা ইথানোল অদুগীদমক লৌমীশিংনা মতিকচাবা মমল অমা ফংগনি হায়না সরকারনা থাজবা পীরি। খুদম ওইনা, চুজাকতগী শুংবা ইথানোল অসি GST, ত্রান্সপোর্ত অমসুং স্তোরেজগী মমলশিং হাপচিনদ্রিঙৈগী মমাংদসু লিতর অমদা চাউরাক্না লুপা 71.86দা ফংলি।

মালেমগী ওইবা ক্রুদ ওইলগী মমল অসি বেরেল অমদা দোল্লর 70 রোম ওইরিঙৈদা, E20 পুথোকপা মতমদা অশেংবা পেতরোলগী মমল অদুগা মান্ননা, নত্রগা মসিদগী হেনবা মমল চঙবা য়াই। ক্রুদ প্রাইসকী মমলনা য়াম্না য়াংনা হাইগৎলকপা মতমদা, অয়াম্বা মতমদা বেরেল অমদা USD 120 দগী 130 ফাওবা ওইরকপা মতমদা, ইথানোল অসি মমল হোংবা ওপ্সন অমা ওইরকই।

E20গী মমল অসি অশেংবা পেত্রোলগী মমলগা মান্নরবসু, কঞ্জ্যুমরশিংনা কান্নবা ফংগনি। ভারত্তা য়োনবা পেত্রোল লিতর খুদিংগী চাদা 20 রোমদি হৌজিক্তি লৈবাক অসিদা পুথোকপা ইথানোলনি। ক্রুদ ওইলগা মান্নদবা মওংদা, ইথানোলগী মমলশিং অসি ব্রেন্ত ক্রুদ ওইলগী অৱাং-অনেমগী অহোংবা, লান, নত্রগা মালেমগী শিপ্পিংগী খুদোংচাদবশিংনা অকাইবা পীদে।

মসিনা তাক্লিবদি ফ্যুএল তেঙ্ক অমগী শরুক মঙা থোকপগী অমদি  অহোংবা লৈতবা দোমেস্তিক সপ্লাই অমদগী লাকপনি। মসিনা ইনর্জী সেক্যুরিতী মপাঙ্গল কনখৎহন্দুনা মালেমগী ওইবা থাওগী মমলদা অহোংবদগী ভারতকী এক্সপোজর হন্থহনবদা মতেং পাংলি।

Q9. ইথানোল ব্লেন্দিংনা ভারত্তা পেত্রোলগী মমলশিং অসি অতোপ্পা লৈবাকশিংদগী হেন্না লেপ্পা ঙমহনবদা মতেং পাংবীবরা?

হোয়। মসিগী ফল অসি মালেমগী অতৈ মফমশিংগা চাংদম্নবদা ভারতকী ফ্যুএল প্রাইসশিং করম্না হোংলকপগে হায়বদু য়েংবদা উবা ফংই।

লিতর অমদা পীবা মমল লুপাদা।

পেত্রোলদা য়ানশিন্নবা ইথানোল লিতর খুদিংদা পোৎ মরি তাকই। ক্রুদ ইম্পোর্ত তৌবা হন্থবা। ফোরেন এক্সচেঞ্জ চৎখিবা হন্থরকপা। ভারতকী লৌমীশিংগীদমক্তা অহেনবা ইনকম অমসুং নাগরিকশিংগীদমক্তা পম্পকী মমলদা হেন্না স্তেবল ওইবা।

Ethanol Blending Is a Global Practice

ইথানোল ব্লেন্দিং শিজিন্নবদা ভারত খক্তা নত্তে। হৌজিক্তি মসি মালেম পুম্বনা য়ানরবা চৎনবী অমা ওইরে। মরুওইবা ইকোনোমী কয়ানা ইথানোলবু মখোয়গী ফ্যুএল স্ত্রেতেজিদা চেৎনা য়াওহনখ্রে।

• য়ুনাইতেদ স্তেতস: E10না লৈবাক শিনবা থুংনা ইথানোল ব্লেন্দ তৌরবা স্তেন্দর্দ ফ্যুএলনি। US লৈঙাক্না শৌগৎপগা লোয়ননা E15 অসি য়াম্না থুনা চাউখৎলক্লি। মশিং য়াম্লবা গারিশিং হান্ননা ফ্লেক্স ফ্যুএল শিজিন্নবা ঙম্মি। মখোয়শিং অসি E85 ফাওবগী ব্লেন্সশিংদা ফাওবা চেনবা ঙম্মি।
• ব্রাজিল: ব্রাজিলনা ইথানোল শিজিন্নবদা মালেমগী লুচিংবা ওইরি। হৌজিক্কী ওইনা মখোয়না E27বু স্তেন্দর্দ পেত্রোল ব্লেন্দ ওইনা ওইহল্লি। মসি মখাতানা চাউরাক্না চাদা 35দা হেনগৎহল্লি। য়োনখিবা অনৌবা কারশিংগী চাদা 80 হেনবনা ফ্লেক্স ফ্যুএল ভেহিকলশিংনি। মখোয়শিং অসি E27, E30, নত্রগা অশেংবা হায়দ্রোস ইথানোলদা চেল্লি।
• জপান: জপাননা ইথানোলবু ফ্যুএল মিক্সতা য়াওহনখ্রে। মসি তাঙ্কক নাইবা মওংদা E10 থাদোক্তুনা পাংথোকখি।

কেনাদা, থাইলেন্দ অমসুং য়ুরোপকী লৈবাক কয়া অমসু মখোয়গী ক্লিন ফ্যুএল স্ত্রেতেজিগী শরুক অমা ওইনা ইথানোল ব্লেন্দিং শিজিন্নখ্রে।A Proven Path to Energy Security

ভারতকী ইথানোলগী খোঙচৎ অসি দেকেদ অনি হেন্না হেল্লে। মসিনা 2001দা পাইলোৎ প্রোজেক্তশিংগা লোয়ননা হৌখি অমসুং পোলিসী রিফোর্মশিং, ইন্দস্ত্রী কোলাবোরেসন, অমসুং তুং-কোইনা ইনভেস্তমেন্তশিংগী কুত্থাংদা অহোংবা কয়া লাকখি। 2025-26 ফাওবদা চাদা 20গী ব্লেন্দিং তৌবা ঙম্বা হায়বসি চেকশিন্না থৌরাং তৌবা অমসুং লেপ্পা লৈতনা থবক পাংথোকপগী মহৈনি, কঙহৌদনা লৌরকপা ৱারেপ নত্তে।

E20 থাদোকপগী তাঙ্কক খুদিংমক্তা ওতোমোবাইল মেন্যুফেকচররশিং, তেস্তিং এজেন্সীশিং, ফ্যুএল রিতেলরশিং, অমসুং লৌমীশিং য়াওখি। মারুতি সুজুকি অমসুং হেরো মোতোকোর্পনা মেন্তেন তৌরিবা ভেহিকল করোর কয়াগী সর্ভিস দেতাগা মরী লৈননা ইঞ্জিন নত্রগা কম্পোনেন্ত অমা মাংখিবগী ক্লেমশিং অসি এসেস তৌখ্রে। হায়রিবা ক্লেমশিং অসি খুদম-চাংদমশিং অসিনা সপোর্ত তৌদে।

ইথানোল ব্লেন্দ তৌরবা পেত্রোল প্রোগ্রাম অসিনা ভারতকী ইনর্জী সেক্যুরিতী মপাঙ্গল কনখৎহল্লে, ক্রুদ ওইল ইম্পোর্ত হন্থহল্লে, ইমিসন হন্থহল্লে অমসুং লৌমীশিংগী ইনকম হেঙ্গৎহল্লে। E20 অসি সাইন্তিফিক ইভাল্যুৱেসন, ফেজ ওইনা ইমপ্লিমেন্ত তৌবা, অমসুং ইন্দস্ত্রী অমসুং রিসর্চ ইন্সতিত্যুসনশিংগী মরক্তা তেংবাং পীনবা, সেফ, ক্লিনর অমসুং মপুং ফানা চাংয়েং তৌরবা ফ্যুএল অমনি। মসিনা আত্মানির্ভর, সস্তেনেবল অমসুং ইনর্জী সেক্যুর ভারত অমগী মায়কৈদা অচৌবা খোংথাং অমা উৎলি।

রিফরেন্সশিং:

• https://www.pib.gov.in/PressReleasePage.aspx?PRID=2283118&reg=3&lang=1
• https://www.pib.gov.in/PressReleasePage.aspx?PRID=2281287&reg=3&lang=1

 PDF য়েংনবগীদমক্তা অসিদা ক্লিক তৌবীয়ু  

***