ভারতকী সিভিল এভিয়েসন সেক্তরদা অচৌবা ইনোৎ অমা পীরদুনা, প্রধান মন্ত্রী, শ্রী নরেন্দ্র মোদীনা ঙসি UDAN (উরে দেশ কা আম নাগরিক)গী মথংগী তাঙ্কক হৌদোকখ্রে অমসুং জোধপুর এয়রপোর্ততা অনৌবা তর্মিনেল বিল্দিং (NTB) শঙ্গাখ্রে। মসিনা রিজনেল এয়র কনেক্তিবিতী পাকথোক চাউথোকহন্নবা অমসুং মালেমগী থাক্কী এভিয়েসন ইনফ্রাস্ত্রকচর শেমগৎনবা সরকারগী ফিরেপ অদু অমুক হন্না ফোংদোক্লি।

থৌরম অসি রাজস্থানগী গবর্নর, শ্রী হরিবাউ কিসানরাও বাগদে, রাজস্থানগী মুখ্য মন্ত্রী, শ্রী ভজন লাল শর্মা, কেন্দ্রগী সিভিল এভিয়েসন মন্ত্রী, শ্রী রামমোহন নাইদু কিঞ্জারাপু, কেন্দ্রগী কলচর অমসুং তুরিজম মন্ত্রী, শ্রী গজেন্দ্র সিংহ শেখাৱত, কেন্দ্রগী সিভিল এভিয়েসনগী রাজ্য মন্ত্রী, শ্রী মুরলিধর মোহোল অমসুং অতোপ্পা শক্নাইরবা অঙম-অথৌশিংনা শরুক য়াখি।

২০১৬গী ওক্তোবর থাদা হৌদোকখিবা UDAN স্কিমনা লমদমসিগী কনেক্তিবিতীদা অহোংবা পুরকখ্রে। মসিদা রুত ৬৬৯ মথৌ তৌহনখ্রে অমসুং এয়রপোর্ত ৯৫, হেলিপোর্ত অমসুং ৱাতর এরোদ্রোমশিং শম্নহনখ্রে। মসিনা পেসেঞ্জর করোর ১.৬৬ হেন্না কান্নবা ফংহনখ্রে। মসিগী মাইপাকপা অসিদা য়ুম্ফম ওইদুনা, প্রধান মন্ত্রীনা লুচিংবা কেন্দ্রগী মন্ত্রীমন্দলনা ২০২৬কী মার্চ ২৫দা এভিয়েসন-লেদ দিবেলপমেন্ত খোংজেল য়াংশিন্নবা অমসুং ২০৪৭কী বিক্সিত ভারতকী মঙলান মাংলোমদা চংশিন্নবা মথংগী চহি ১০দা চাউরাক্না লুপা করোর ২৯,০০০গী শেনফমগা লোইননা মোদিফাইদ UDAN স্কিমদা অয়াবা পীখি।

মোদিফাই তৌরবা UDAN স্কিম্না রিজনেল এভিয়েসন ইনফ্রাস্ত্রকচর পাকথোক চাউথোকহনবদা মীৎয়েং থম্লি। মসিদা লুপা করোর ১২,১৫৯গী ইনভেস্তমেন্তগা লোইননা হৌজিক লৈরিবা সর্ভিস ফংদ্রিবা এয়রস্ত্রীপশিংদগী এরোদ্রোম ১০০ শেমগৎকনি। মসিনা রিজনেল এয়রপোর্তশিংগী ওপরেসন অমসুং মেন্তেনেন্সকী সপোর্ত পীনবগীদমক লুপা করোর ২,৫৭৭ পীরি, মোদর্ন হেলিপেদ ২০০ শেমগৎনবা লুপা করোর ৩,৬৬১গী ইনভেস্তমেন্তগা তৌরি অমসুং রিজনেল এয়রলাইন ওপরেসনশিং লেপ্তনা পাংথোক্নবগীদমক লুপা করোর ১০,০৪৩গী ভাবেবিলিতী গেপ ফন্দিংসু পীরি। আত্মানির্ভর ভারতকী ভিজন মখাতানা মপাঙ্গল কনখৎহন্দুনা, স্কিম অসিনা লমদমসিগী ওইবা এয়রক্রাফ অমসুং হেলিকোপ্তরশিং, HAL ধ্রুব অমসুং দোর্নিয়র প্লেৎফোর্মশিং য়াওনা, শোত্থদুনা লৈরিবা অমসুং অথাপ্পা মফমশিংদা থবক তৌনবগীদমক শিজিন্নবা প্রোমোত তৌরি।

থৌরম অদুদা ৱা ঙাংলদুনা কেন্দ্রগী সিভিল এভিয়েসন মন্ত্রী, শ্রী রাম মোহন নাইদু কিঞ্জারাপুনা হায়খি, "প্রধান মন্ত্রী, শ্রী নরেন্দ্র মোদীজীগী তুংগী শান্না উবা ঙম্বা লুচিং মখাদা পুৱারী ওইরবা লুপা করোর ২৯,০০০গী শেনফমগা লোইননা মোদিফাইদ UDAN স্কিম হৌদোকপা অসিনা ভারতকী এভিয়েসনগী খোঙচৎতা অনৌবা চেপ্তর অমা হৌদোক্লে। ২০১৬তগী হৌরগা, উদাননা প্রধান মন্ত্রীগী 'হৱাই চাপল সে হাৱাই জহাজ'গী ভিজন অসি নেস্নেল মুবমেন্ত অমা ওইহন্দুনা ভারত মচা খুদিংমক্কীদমক এয়র ত্রাভেল অসি এফোর্দেবল, এক্সেসিবল অমসুং এস্পিরেস্নেল ওইহল্লক্লে। ঙসিদি, UDAN অসি কনেক্তিবিতী স্কিম অমা খক্তা নত্তে। মসি ভারতকী আশাগী সেলেব্রেসন অমনি, মসিনা লৌমীশিং, মহৈরোইশিং, এন্ত্রপ্রেনরশিং, আর্তিসানশিং অমসুং বিজিনেসশিংবু চাউখৎপগী অনৌবা খুদোংচাবশিং ফংহন্দুনা শক্তি পীরি। তিয়র-২ অমসুং তিয়র-৩গী শহরশিংদগী হৌরগা খ্বাইদগী অরাপ্পা মফমশিংদা ফাওবা, এভিয়েসন অসি ইকোনোমিক দিবেলপমেন্ত, তুরিজম, এমপ্লোইমেন্ত অমসুং সোসিয়েল ইনক্লুজনগী শক্তি লৈরবা ইঞ্জিন অমা ওইরক্লি। ঐখোয়না ২০৪৭গী 'বিক্সিত ভারত'কী মায়কৈদা চংশিল্লকপগা লোয়ননা, UDANগী মথংগী তাঙ্কক অসিনা অরোইবা মাইলগী কনেক্তিবিতী হেন্না মপাঙ্গল কনখৎহল্লগনি অমসুং 'সবকি উরান, সবকা বিকাস'কী মঙলান অসিবু লৈবাক অসিগী মফম খুদিংমক্তা মঙফাওনবা ঙমহল্লগনি।"

থৌরম অদুদা প্রধান মন্ত্রীনা জোধপুর এয়রপোর্তকী অনৌবা তর্মিনেল বিল্দিংসু শঙ্গাখি। মসি এয়রপোর্ত ওথোরিতী ওফ ইন্দিয়ানা লুপা করোর ৪৮০ চংনা শেমগৎপা মরু ওইবা ইনফ্রাস্ত্রকচরগী মাইলস্তোন অমনি। অনৌবা তর্মিনেল অসিনা রাজস্থানগী মমিং লৈরবা "ব্লু সিতী" অমসুং থার দিজর্তকী থোঙজং ওইরিবা জোধপুরগী কনেক্তিবিতী হেঙ্গৎহল্লগনি। মসিনা লমদম অসিগী তুরিজম, ত্রেদ অমসুং িকোনোমিক পোতেন্সিয়েল হেনগৎহনবদা মতেং পাংগনি।

স্ক্ব্যার মীতর ২৩,৩৪২দা পাক শন্না শন্দোকপা তর্মিনেল অসিনা পিক অৱরশিংদা পেসেঞ্জর ১৫০০ অমসুং চহিগী ওইনা পেসেঞ্জর লাখ ২০ য়েংশিনবা ঙম্নবা দিজাইন তৌবনি। মসিদা চেক-ইন কাউন্তর ২০, এদভান্স ওইরবা সেক্যুরিতী স্ক্রিনিং সিস্তেমশিং, মোদর্ন বেগেজ হন্দলিং ফেসিলিতীশিং অমসুং এরোব্রিজ তরুক য়াওরি, মসিনা পেসেঞ্জরশিংগীদমক য়াম্না খুদোংচাহনগনি। নৌনা শেমগৎলবা এপ্রোন অদুদা A-321গী এয়রক্রাফ ১১ অমসুং এ ATR-72গী এয়রক্রাফ থম্বা য়াগনি, অদুগা শহরগী মনাক্তা লৈরিবা ইনফ্রাস্ত্রকচরনা কার ৩২০ রোম পার্কিং তৌবা য়াহল্লি।

অনৌবা তর্মিনেল বিল্দিংগী শঙ্গাবগী মতাংদা পল্লদুনা, কেন্দ্রগী সিভিল এভিয়েসন মন্ত্রী, শ্রী রাম মোহন নাইদু কিঞ্জারাপুনা হায়খি, "ঐহাক্না জোধপুরগী মীয়াম অমসুং নোংচুপ থংবা রাজস্থানগী মফম পুম্নমকপু মারৱারগী কলচরেল অমসুং আর্কিতেকচরেল হেরিতেজবু মশক তাক্লিবা অনৌবা তর্মিনেল অসিগীদমক থাগৎপা ফোংদোকচরি। মসিগী রাজস্থানি নিংথৌরেলগী ওইবা মওংদা শেম্লবা ফক্লাংদগী হৌরগা লমদম অসিগী ত্রেদিসনশিংদগী ইথিল ফংলবা ইন্তেরিয়রশিং ফাওবদা, তর্মিনেল অসিনা পেসেঞ্জর খুদিংমক্তা, মরু ওইনা মালেম পুম্বদগী লাকপা ভিজিতরশিংদা, রাজস্থানগী নুংশি চানবা অমসুং 'পধারো মারে দেশ'কী স্পিরিত অসি  অহানবা ওইনা থেংনহল্লগনি। প্রধান মন্ত্রী, শ্রী নরেন্দ্র মোদীজীগী মীৎয়েং চঙবা লুচিং মখাদা, ঐখোয়না মালেমগী থাক্কী ইনফ্রাস্ত্রকচরগা ভারতকী নাতকী শক্তমগা লোয়ননা মান্নবা এয়রপোর্তশিং শেমগৎলি। অসিগুম্বা অনৌবা তর্মিনেল খুদিংমক, অনৌবা লম্বী খুদিংমক্না ঐখোয়বু ২০৪৭কী ভিজন 'বিক্সিত ভারত'কী মায়কৈদা খোংথাং অমমুক নকশিলহল্লি।"

চহিগী ওইনা পেসেঞ্জর লাখ ৪ রোমগী কেপাসিতী লৈবা হৌজিক লৈরিবা তর্মিনেল অসি ত্রেফিক হেনগৎলকপনা মরম ওইদুনা সেচুরেসন য়ৌরে। অনৌবা ফেসিলিতী অসিনা তুংগী তঙাইফদবা অদু কোকহল্লগনি। মসিদা ইনর্জী কান্নবা সিস্তেমশিং, ঈশিং কঞ্জার্বেসনগী থৌরাংশিং অমসুং গ্রীন বিলদিং প্রক্তিসশিং অসি স্তার ৫গী GRIHA রেতিং ফংহন্নবা পান্দম থমদুনা তুং-কোইনা চৎনবা য়াবা ফিচরশিং য়াওরি। আর্কিতেকচরেল ওইনা রাজস্থানগী নিংথৌগী ওইবা হেরিতেজনা ইথিল পীদুনা, তর্মিনেল অসিনা আর্চশিং অমসুং ঝারোকাশিংগুম্বা ত্রেদিস্নেল ইলিমেন্তশিং অসি হৌজিক মতমগী দিজাইনগা লোয়ননা পুনশিল্লি।

কেন্দ্রগী সিভিল এভিয়েসনগী রাজ্য মন্ত্রী, শ্রী মুরলিধর মোহোলনা হায়খি, "জোধপুর এয়রপোর্তকী অনৌবা তর্মিনেল শঙ্গাবগী থৌরম অসিদা রাজস্থানগী মীয়ামদা ঐনা নুংঙাইবা ফোংদোকচরি। তর্মিনেল অসিনা মারৱারগী কলচরেল হেরিতেজ অদু ফজনা উৎলি অমসুং রাজস্থানগী হেরিতেজ অদুগী নীংশিংবা য়াবা অহানবা মীৎয়েং অমা লাকপশিংদা ফংহনগনি। মসিগা লোয়ননা, প্রধান মন্ত্রীনা UDANবু অতোপ্পা দেকেদ অমগা শাংদোকপগী য়াম্না শিংথানিংঙাই থৌরমসু জোধপুরদগী পাংথোকখি। মোদিফাইদ UDAN স্কিমনা লম খুদিংমকপু ভারতকী গ্রোথ স্তোরিদা পুন্সিন্দুনা লৈবাক অসিদা এভিয়েসনবু হেন্না দেমোক্রেতাইজ তৌরগনি।”

মোদিফাই তৌরবা UDAN স্কিম হৌদোকপা অমসুং জোধপুর এয়রপোর্ততা অনৌবা তর্মিনেল বিল্দিং শঙ্গাবনা ভারতকী এভিয়েসনগী খোঙচত্তা অতোপ্পা মরুওইবা মাইলস্তোন অমা ওইরি। মসিগী খোংথাংশিং অসিনা ইন্তিগ্রেতেদ, এক্সেসিবল অমসুং তুংলমচৎকীদমক শেম-শারবা এভিয়েসন ইকোসিস্তেম অমা শেমগৎনবা সরকারগী মীৎয়েং অদু মপাঙ্গল কনখৎহল্লি। মসিনা রিজনেল কনেক্তিবিতী হেঙ্গৎহল্লি, এয়রপোর্ত ইনফ্রাস্ত্রকচর মপাঙ্গল কনখৎহল্লি, তুরিজম অমসুং ললোন-ইতিক হেঙ্গৎহল্লি অমসুং লৈবাক শিনবা থুংনা ইনক্লুসিব সোসিও-ইকোনোমিক দিবেলপমেন্ত থৌগৎলি।

***