প্রধান মন্ত্রী শ্রী নরেন্দ্র মোদীনা ঙসি ওকলেন্দদা 'কিয়া ওরা মোদী' থৌরমদা ন্যু জীলেন্দদা লৈরিবা ইন্দিয়ন দাইস্পোরাগী অচৌবা মীফম অমদা ৱা ঙাংখ্রে। অখন্নবা মতৌ অমদা, ন্যু জীলেন্দগী প্রধান মন্ত্রী, রাইৎ ওনরেবল খৃস্তোফর লক্সনসু থৌরম অদুদা শরুক য়াখি। মীফম অদুদা ইন্দিয়ন দাইস্পোরাগী মেম্বর ১০,০০০ হেনবগী মীনুংশি, ইনর্জী অমসুং হরাও-তয়াম্বনা থনখি।

প্রধান মন্ত্রীনা মহাক্কী ৱারোল হৌরকপদা প্রধান মন্ত্রী লুক্সনবু মহাক্না শরুক য়াবীবগী অমসুং কিৱি ইন্দিয়ন কম্ম্যুনিতীগী য়াইফ-থৌরাং য়াওনা লৈবাক অনিগী ওইবা পার্তনরশিপ অসিদা তেংবাং পীবগীদমক থাগৎপা ফোংদোকখি। মহাক্না কম্ম্যুনিতীনা মহাকপু অখন্নবা মওংদা তরাম্না ওকপগীদমক থাগৎপা ফোংদোকখি অমসুং ফিরেপ চেৎপা, হোৎনবা কনবা অমসুং অখাং কনবগী মতাংদা মহাক্না ফোংদোকখি।

কিৱি ইন্দিয়ন কম্ম্যুনিতী অসি ন্যু জীলেন্দা পুন্সিগী লম খুদিংমক্তা মশক থোক্না শরুক তমদুনা, দাইনামিক ফোর্স অমা ওইনা থোরক্লে। প্রধান মন্ত্রীনা ন্যু জীলেন্দগী মল্তিকলচরেল ফেব্রিকপু মপাঙ্গল কনখৎহন্দুনা মখোয়গী চৎনবী, কুহ্মৈ অমসুং চৎনবীশিং ঙাক্তুনা থম্বগীদমক কম্ম্যুনিতীবু থাগৎপা ফোংদোকখি। মহাক্না মরুওইনা কম্ম্যুনিতীগী সেবাগী ৱাখল্লোন (ইশাগী ওইবা থিদনা সেবা তৌবা) অদুবু থাগৎপা ফোংদোকখি, মহাক্না মসিগী ভোলুন্তরিজম, চেরিতীগীদমক পীবা অমসুং মীয়ামগী য়াইফনবা তৌবগী খুদম ওইরিবা শীংথানীংঙাই ওইবা রেকোর্দ অদু পনখি।

প্রধান মন্ত্রীনা হায়খি মদুদি মীফম অসি ইন্দিয়ন দাইস্পোরাগী ওইরম্বা য়াই, অদুবু মসি ভারত অমসুং ন্যু জীলেন্দগী মরুপ ওইবগী থৌরম অমনি, স্পোর্তসকী মরী অমসুং মখোয়গী শেন্মিৎলোনগী মরীগী থৌরম অমনি। ২০২৬তা স্পোর্তস কোলাবোরেসনগী চহি ১০০ মপুং ফারগনি হায়না পল্লদুনা মহাক্না হায়খি মদুদি লৈবাক অনিমক্না স্পোর্তসকী মরী হেন্না চেৎশিলহন্নবা হোৎনরি। মফম অদুগী মাওরি কলচরবু মখোয়গী ইনক্লুসিব অমসুং সস্তেনেবল এপ্রোচকীদমক থাগৎপা ফোংদোক্লদুনা মহাক্না হায়খি মদুদি ভারতসু হেরিতেজগা গ্রোথকা পুনশিন্নবা দিবেলপমেন্তকী লম্বী অমা চংশিল্লি।

ভারত অমসুং ন্যু জীলেন্দগী মরক্তা মরুপ-মপাং ওইবগী, থাজবগী অমসুং মতেং পীনবগী থোং অমা ওইনা মখা তানা থবক তৌনবা অমসুং লৈবাক অনিগী কান্ননবগীদমক স্ত্রেতেজিক পার্তনরশিপকী মপুং ফাবা পোতেন্সিএল অদু ফংহনবদা মতেং পাংনবা প্রধান মন্ত্রীনা ভারতকী কম্ম্যুনিতীদা হায়খি।

*****