بھارت اور نیوزی لینڈ کے وزرائے اعظم نے 11 جولائی 2026 کو آکلینڈ، نیوزی لینڈ میں ملاقات کی اور 'بھارت-نیوزی لینڈ اسٹریٹجک شراکت داری' کے قیام کا اعلان کیا۔ وزرائے اعظم نے اگلے چار سالوں میں مشترکہ اقدامات کی رہنمائی اور بھارت-نیوزی لینڈ تزویراتی شراکت داری کو مزید مضبوط بنانے کے لیے ایک مشترکہ فریم ورک کے طور پر اس 'روڈ میپ ٹو 2030' کی توثیق کی۔ اس اسٹریٹجک شراکت داری میں اس روڈ میپ کے درج ذیل ستونوں میں شامل شعبے اور اقدامات شامل ہیں، لیکن یہ صرف ان تک محدود نہیں ہیں۔

ستون I: سیاسی اور سفارتی رابطہ کاری

متعلقہ وزرائے اعظم اور کابینہ کے وزراء کے مابین، علاقائی اور کثیر الجہتی تقریبات کے حاشیے (سائیڈ لائنز) سمیت، مستقل بنیادوں پر ملاقاتوں اور دوطرفہ دوروں کو شیڈول کرنے کی کوشش کرنا۔

خارجہ وزراء کے باقاعدہ مذاکرات کے ذریعے اعلیٰ سطحی مؤثر تعاون کو یقینی بنانا۔

مشترکہ مفاد کے تمام شعبوں میں تعاون کو گہرا کرنے کے لیے متعلقہ وزارتوں اور سرکاری محکموں کے مابین ملاقاتوں اور روابط کو تیز کرنا۔

بھارت اور نیوزی لینڈ کے مابین باقاعدہ پارلیمانی تبادلوں اور سرکاری دوروں کو فروغ دینا۔

بھارت کی وزارتِ خارجہ کے سیکرٹری کی سطح، اور نیوزی لینڈ کی وزارتِ خارجہ و تجارت کے ڈپٹی سیکرٹری (امریکہ اور ایشیا) کی سطح پر سالانہ ملاقاتوں کے سلسلے کو مستحکم کرنا، تاکہ اسٹریٹجک شراکت داری اور 'روڈ میپ ٹو 2030' کے نفاذ کی رہنمائی اور ہم آہنگی کے لیے ایک طریقہ کار فراہم کیا جا سکے۔

ستون II: دفاعی اور سلامتی تعاون

مشقوں، یونٹوں (بحری، فضائی، زمینی) کے دوروں، قلیل مدتی عملے کے تبادلوں، کھیلوں کے دوروں، ڈیفنس اسٹاف کالج کے تبادلوں، اور اعلیٰ سطحی دفاعی مذاکرات کے ذریعے عسکری روابط کو جاری رکھنا۔

وزارتی سطح سمیت، دفاعی امور پر ڈائیلاگ (مذاکرات) کو بڑھانا جاری رکھنا۔

دفاعی تعاون پر 2025 کے بھارت-نیوزی لینڈ مفاہمتی عرضداشت پر عمل درآمد جاری رکھنا اور وزارتِ دفاع اور عسکری سروسز کی سطح پر باقاعدہ، منظم دفاعی روابط کو برقرار رکھنا۔

حال ہی میں طے شدہ 'میری ٹائم کوآپریشن ارینجمنٹ' (سمندری تعاون کا انتظام)، 'ہائیڈروگرافی اور ناٹیکل کارٹوگرافی (بحری پیمائش اور نقشہ نویسی) کے امور میں تعاون کے نفاذ کا انتظام'، اور بحری شعبے پر مرکوز 'باہمی لاجسٹکس سپورٹ ارینجمنٹ' (باہمی رسد و رسائل کی معاونت کا انتظام) کو نافذ کرنا۔ 10۔ میری ٹائم کوآپریشن ارینجمنٹ کے حصے کے طور پر دوطرفہ بحری مشقوں سمیت دیگر بحری سرگرمیاں انجام دینا۔

بھارت – بحرالکاہل سمندری پہل قدمی کے بحری سلامتی کے ستون کے تحت بحری امور پر تعاون کو آگے بڑھانا۔

بھارت کی وزارتِ خارجہ اور نیوزی لینڈ کی وزارتِ خارجہ و تجارت کی قیادت میں ایک سالانہ 'میری ٹائم سیکیورٹی ڈائیلاگ' (بحری سلامتی کا مکالمہ) قائم کرنا۔

بھارت کی وزارتِ خارجہ اور نیوزی لینڈ کی وزارتِ خارجہ و تجارت کی قیادت میں انسدادِ دہشت گردی پر ایک 'مشترکہ ورکنگ گروپ' قائم کرنے کے یادداشتِ انتظام کو فعال بنانا اور باہمی طور پر متفقہ وقت پر انسدادِ دہشت گردی پر اس مشترکہ ورکنگ گروپ کا پہلا اجلاس بلانا۔

بھارت-نیوزی لینڈ سائبر ڈائیلاگ کے ذریعے سائبر سیکیورٹی کی مشترکہ ترجیحات پر روابط قائم کرنا۔

منشیات، عقل و شعور پر اثر انداز ہونے والے مادے، کیمیکلز (پریکرسر کیمیکلز) کی اسمگلنگ اور متعلقہ امور کے خاتمے میں تعاون کے لیے بھارت-نیوزی لینڈ یادداشتِ انتظام کو حتمی شکل دینے کی طرف کام کرنا۔

قانون نافذ کرنے والے اداروں کے تعاون پر بھارت کی نیشنل انویسٹی گیشن ایجنسی اور نیوزی لینڈ پولیس کے مابین ایک یادداشتِ انتظام کو حتمی شکل دینے کی طرف کام کرنا۔

بنیادی ڈھانچے کے نظام کی مضبوعت اور مدافعت کو بہتر بنانے کے لیے آفات کے خلاف لچکدار بنیادی ڈھانچے کے اتحاد کے ذریعے تعاون کو مضبوط بنانا۔

ستون III: تجارت اور اقتصادی تعاون

باہمی تجارت

2030  تک اشیاء اور خدمات میں باہمی دو طرفہ تجارت کو دوگنا کر کے 7 ارب نیوزی لینڈ ڈالر (35,000 کروڑ روپے) کرنے کے ایک بلند نظر ہدف کی جانب کام کرنا۔

بھارت-نیوزی لینڈ آزاد تجارتی معاہدے کے آئندہ مراحل پر مل کر کام کرنا تاکہ اس کے جلد نفاذ اور مؤثر عمل درآمد کو یقینی بنایا جا سکے۔

کسٹم کے طریقہ کار کو آسان بنانے اور قابلِ اعتماد تجارت کو سہولت دینے کے لیے 2024 کے کسٹمز کوآپریشن ارینجمنٹ (سی سی اے) کے تحت 2025 کے 'آتھرائزڈ اکنامک آپریٹرز میوچل ریکگنیشن ارینجمنٹ' کو فعال بنانا۔

بنیادی صنعتیں

مشترکہ تحقیق، علم کے تبادلے، فصل کی کٹائی کے بعد کی جدت طرازی، اور مارکیٹ کی ترقی کے اقدامات کو آگے بڑھانے کے لیے باغبانی پر 2025 کے تعاون کی یادداشت پر عمل درآمد کرنا۔

مستقل پالیسی مذاکرات، تکنیکی تبادلوں، اور بہترین طریقوں کی شراکت داری کے ذریعے جنگلات کے تعاون پر 2025 کے لیٹر آف انٹینٹ (اظہارِ نیت کی دستاویز) پر عمل درآمد کرنا۔ 23۔ تکنیکی اور پالیسی تعاون کو آگے بڑھانے کے لیے جانوروں کی افزائشِ نسل اور ڈیری فارمنگ پر تعاون کی یادداشت پر عمل درآمد کرنا۔

سیاحت

سیاحت کے شعبے میں دو طرفہ سیاحوں کی آمد و رفت اور صنعتی تعاون کو فروغ دینے کے لیے سیاحت پر یادداشتِ انتظام کو فعال بنانا۔

تبدیل شدہ 'ایئر سروسز ایگریمنٹ' (فضائی خدمات کے معاہدے) کے تحت ایئر لائنز کو براہ راست پروازیں شروع کرنے کی ترغیب دے کر سیاحت کی ترقی کو فروغ دینا۔"

ستون IV: عوام، ثقافت، اور کھیل کود

باہمی عوامی تعلقات کو مضبوط بنانے میں دیارِ غیر میں مقیم برادریوں کو بطور شراکت دار شامل کرنا۔

کھیلوں پر 2025 کے تعاون کی یادداشت (ایم او سی) پر عمل درآمد جاری رکھنا۔

بھارت کی وزارتِ نوجوانان اور کھیل اور 'اسپورٹ نیوزی لینڈ' کے مابین کھیلوں پر 'بھارت-نیوزی لینڈ مشترکہ ایکشن پلان' نافذ کرنا۔

روایتی ادویات پر ماہرین کی سطح کے تبادلے کی معاونت کرنا۔

ہمارے متعلقہ بحری شعبوں کی مدد کے لیے بحری جہاز کے عملے کے اہلیت کے سرٹیفکیٹس کی پہچان و منظوری کو مضبوط کرنے کے مواقع پر 'ڈائریکٹوریٹ جنرل آف شپنگ'، بھارت کی وزارتِ بندرگاہیں، جہاز رانی و آبی گزرگاہیں، اور 'میری ٹائم نیوزی لینڈ' کے مابین مذاکرات کو جاری رکھنا۔

'نیشنل میری ٹائم ہیریٹیج کامپلیکس'، لوتھل، بھارت اور 'نیوزی لینڈ میری ٹائم میوزیم' کے مابین یادداشتِ انتظام کے تحت تعاون کی حوصلہ افزائی کرنا۔

ہماری متعلقہ ثقافتوں کی بہتر سمجھ بوجھ کو فروغ دینے کے لیے ثقافتی تعاون کے انتظام پر عمل درآمد کرنا۔

مقامی حکومتوں کے مابین تعاون کی حوصلہ افزائی کرنا۔"

ستون V: تعلیم، تحقیق، سائنس اور تکنالوجی، اور انتظامِ آفات

بھارت اور نیوزی لینڈ کے تعلیمی نظام کے بارے میں معلومات کے مسلسل تبادلے کو آسان بنانے کے لیے دونوں وزارتوں کے مابین 2025 کے 'ایجوکیشن کوآپریشن ارینجمنٹ' پر عمل درآمد کرنا۔

تعلیمی تعاون کے انتظام کے مقاصد کے مطابق حکومتی اور ادارہ جاتی شراکت داریوں اور روابط کو مزید بڑھانے کی کوشش کرنا۔

شمسی توانائی کی فراہمی، سرمایہ بہم رسانی، اور صلاحیتوں کی تعمیر پر توجہ مرکوز کرتے ہوئے بین الاقوامی شمسی اتحاد کے ساتھ سرگرم شمولیت کے ذریعے ماحولیاتی اقدامات اور کم کاربن اخراج کی منتقلی پر تعاون کو مضبوط کرنا۔

پائیدار توانائی کی منتقلی کی معاونت کے لیے 'گلوبل بائیو فیولز الائنس' کے ساتھ مل کر کام کرنا۔

زراعت، آب و ہوا، ڈیجیٹل تبدیلی، اور نئی و ابھرتی ہوئی ٹیکنالوجیز پر خصوصی توجہ کے ساتھ، تحقیق، سائنس، ٹیکنالوجی، اور جدت طرازی میں دوطرفہ شراکت داریوں کا جائزہ لینے اور انہیں قائم کرنے کے لیے سرکاری حکام، اداروں اور صنعت کی حوصلہ افزائی کرنا۔

تیاری، ہنگامی ردِعمل، اور صلاحیتوں کی تعمیر کا احاطہ کرنے والے، بھارت کی 'نیشنل ڈیزاسٹر مینجمنٹ اتھارٹی' (این ڈی ایم اے) اور نیوزی لینڈ کی 'نیشنل ایمرجنسی مینجمنٹ ایجنسی' کے مابین تعاون کی ایک یادداشت (ایم او سی) پر عمل درآمد کرنا۔"

ستون VI: علاقائی اور کثیر الجہتی تعاون

قواعد و ضوابط پر مبنی ہند-بحرالکاہل کے قیام کو برقرار رکھنے کے لیے آسیان کی قیادت والے اور دیگر علاقائی فورموں پر خیالات کا تبادلہ کرنا۔

ہند – بحرالکاہل سمندری پہل قدمی کے بحری سلامتی کے ستون کے تحت ٹھوس تعاون کے راستے تلاش کرنا اور بین الاقوامی قانون، خاص طور پر انکلوس کے مطابق تنازعات کے پرامن حل کی حمایت کرنا۔

اقوامِ متحدہ میں تعاون کو مضبوط بنانا اور اقوامِ متحدہ کی اصلاحات کی حمایت کرنا، جس میں ایک اصلاح شدہ سلامتی کونسل کی مستقل رکنیت کے لیے بھارت کی نامزدگی (امیدواری) بھی شامل ہے۔

کثیر الجہتی اور بین الاقوامی تنظیموں میں نامزدگیوں کے لیے، جہاں ممکن ہو، باہمی تعاون کا تبادلہ کرنا۔

اس بات کو نوٹ کیا جائے کہ 'بھارت-نیوزی لینڈ اسٹریٹجک شراکت داری: روڈ میپ ٹو 2030' کسی قسم کے مالی وعدوں کو جنم نہیں دیتا اور نہ ہی ملکی یا بین الاقوامی قانون کے تحت کوئی قانونی طور پر لازم حقوق یا ذمہ داریاں پیدا کرتا ہے۔

****

 (ش ح –ا ب ن)

U.No:9819