చేనేత రంగానికి సంబంధించిన విస్తృతమైన అంశాల్లో వినూత్న పరిష్కారాలను ప్రోత్సహించేలా ఈ హ్యాకథాన్‌ను రూపొందించారు. ఉత్పత్తి, డిజైన్ ఆవిష్కరణల, సుస్థిరత, సర్క్యులారిటీ, డిజిటల్ సాంకేతికత, మార్కెట్ అవకాశాలు, బ్రాండింగ్, సరఫరా వ్యవస్థ  సమర్థత, ఉత్పాదకత పెంపు, వ్యాపార వృద్ధి, సామాజిక ప్రభావం వంటి పలు అంశాలపై ఇందులో ప్రధానంగా దృష్టి పెడతారు. 

సంప్రదాయ చేనేత రంగాన్ని దేశ ఆధునిక అంకుర సంస్థల వ్యవస్థతో మరింత బలోపేతంగా అనుసంధానించడం ఈ కార్యక్రమం ముఖ్య ఉద్దేశం. విభిన్న రంగాల నిపుణులు కలిసికట్టుగా సమస్యలను పరిష్కరించేందుకు ఇది మార్గం సుగమం చేస్తుంది. 

ఈ జాతీయ స్థాయి పోటీలో పాల్గొనేందుకు విభిన్న రంగాల వారికి అవకాశం కల్పించారు. జైళి, ఫ్యాషన్, డిజైన్, ఇంజనీరింగ్, మేనేజ్‌మెంట్, సాంకేతికత విభాగాల్లో ఉన్నత విద్య అభ్యసిస్తున్న విద్యార్థులు దీనికి దరఖాస్తు చేసుకోవచ్చు. వీరితో పాటు చేనేత కార్మికులు, కళాకారులు, పరిశోధకులు, అంకుర సంస్థలు, పారిశ్రామికవేత్తలు, ఆవిష్కర్తలు, రకరకాల నిపుణులు ఈ సవాల్‌లో భాగస్వాములు అయ్యేందుకు అర్హులు. 

ఈ హ్యాకథాన్ కేవలం ఉత్తమ ఆలోచనలను గుర్తించడానికే పరిమితం కాలేదు. నిజ జీవితంలో అమలు చేయడానికి వీలుగా ఉండే అచరణీయమైన పరిష్కారాలను ఇది ఎంపిక చేస్తుంది. భాగస్వామ్య సంస్థల సహకారంతో వీటికి మార్గదర్శకత్వం, ఇంక్యుబేషన్, తదుపరి అభివృద్ధికి అవసరమైన పూర్తి మద్దతును అందిస్తారు. చేనేత రంగాన్ని ఆధునీకరించడం, అంతర్జాతీయ పోటీకి సిద్ధం చేయడం, దీర్ఘకాలిక మనుగడ సాగించేలా వినూత్న ఆవిష్కరణలను ప్రోత్సహించడమే ఈ కార్యక్రమం అసలు లక్ష్యం. 

ఈ పోటీలో పాల్గొనడానికి ఆన్‌లైన్ రిజిస్ట్రేషన్లు జూలై 20, 2026 వరకు తెరిచి ఉంటాయి. విద్యార్థులు, ఆవిష్కర్తలు, అంకుర సంస్థలు, పరిశోధకులు, డిజైనర్లు, పారిశ్రామికవేత్తలు, చేనేత నిపుణులు తమ వినూత్న ఆలోచనలను www.youthideathon.in/handloom వెబ్‌సైట్ ద్వారా నమోదు చేసుకోవచ్చు. 

సాంకేతికంగా బలోపేతమైన, పర్యావరణ హితమైన, అంతర్జాతీయ స్థాయి పోటీని తట్టుకోగల భారతీయ చేనేత రంగం కోసం ప్రతిభావంతులంతా ఈ హ్యాకథాన్‌లో పాల్గొనాలని అభివృద్ధి కమిషనర్ (చేనేత) కార్యాలయం పిలుపునిచ్చింది. ఈ రంగంలో వినూత్న మార్పులు తీసుకువచ్చేందుకు విద్యార్థులు, ఆవిష్కర్తలు, డిజైనర్లు, పారిశ్రామికవేత్తలు, పరిశోధకులు, అంకుర సంస్థలు, చేనేత నిపుణులు తమ వంతు కృషి చేయాలని కోరింది. 

భారత ప్రభుత్వ జైళి మంత్రిత్వ శాఖ పరిధిలోని ఈ కార్యాలయం దేశంలో చేనేత రంగానికి సంబంధించిన ప్రచారం, అభివృద్ధి, కార్మికుల సంక్షేమాన్ని నిర్వహించే అత్యున్నత సంస్థ. ప్రభుత్వ విధానాల రూపకల్పన, అభివృద్ధి కార్యక్రమాలు, మార్కెటింగ్ ప్రోత్సాహక, సంస్థాగత మద్దతు ద్వారా భారతీయ చేనేత వస్త్రాల పోటీతత్వాన్ని పెంచడానికి ఇది నిరంతరం కృషి చేస్తుంది. నేత కార్మికుల జీవనోపాధిని మెరుగుపరుస్తూ.. దేశ సంపన్న నేత సంప్రదాయాలను, సాంస్కృతిక వారసత్వాన్ని కాపాడటంలో కీలక పాత్ర పోషిస్తోంది.

***