মহাক্কী ইন্দোনেসিয়াগী স্তেত ভিজিৎকী শরুক অমা ওইনা, প্রধান মন্ত্রী শ্রী নরেন্দ্র মোদীবু ইস্তানা মরদেকা (প্রেসিদেন্সিএল পেলেস)দা ঙসি রিপব্লিক ওফ ইন্দোনেসিয়াগী রাস্ত্রপতি শ্রী প্রাবোৱো সুভিয়ান্তোনা তরাম্না ওকখ্রে অমসুং সেরেমোনিএল ৱেলকম উৎখ্রে। ভারতকী ৭৬শুবা রিপব্লিক দেগী থৌরমদা অথোইবা মীথুংলেন ওইনা ২০২৫গী জনুৱারীদা রাস্ত্রপতি প্রাবোৱোনা ভারত্তা লাকখিবা স্তেত ভিজিৎ অদুগী মতুং, মসিনা লুচিংবা অনিগী মরক্তা অহানবা মীফম ওইরি।

লুচিংবশিংনা রেস্ত্রিক্তেদ অমসুং দেলিগেসন থাক্কী ফোর্মেৎশিংদা ওফিসিএল ওইনা ৱারী শানখি। ললোন-ইতিক অমসুং ইনভেস্তমেন্ত, দিফেন্স অমসুং সেক্যুরিতী, মেরিতাইম কোওপরেসন, দিজিতেল অমসুং ফাইনান্সিএল তেক্নোলোজী, ইনর্জী, হেল্থকেয়র অমসুং ফার্মাস্যুতিকেল্স, স্পেস, ক্রিতিকেল মিনরেলস অমসুং রিয়র আর্থস, কলচর, তুরিজম, এগ্রিকলচর অমসুং পিপল-তু-পিপল এক্সচেঞ্জশিং য়াওনা মখোয়না কম্প্রেহেন্সিব স্ত্রেতেজিক পার্তনরশিপকী হীরম পুম্নমক য়েংশিনখি। লুচিংবা অনিনা ভারতকী ওপন নেৎৱার্ক ফোর দিজিতেল কম্মর্স (ও.এন.দি.সি.) দা য়ুম্ফম ওইবা ইন্দোনেসিয়া ওপন নেৎৱার্ক (আই.ও.এন.) হৌদোকপবু তরাম্না ওকখি। ২০২৭দা গুরুদেব রবীন্দ্রনাথ তেগোরগী ইন্দোনেসিয়া খোঙচৎকী চহি চাম্মা শুবা মপোক কুমওন লাকপদা, প্রধান মন্ত্রী মোদীনা লৈবাক অনিমক্না থৌরম অসিবু 'তেগোর-দেৱান্তারা চহিগী ওইবা কলচরেল অমসুং এজুকেস্নেল দিপ্লোমসী' ওইনা পুন্না পাংথোক্কনি হায়না লাউথোকখি।

লুচিংবা অনিনা ম্যুচুএল ইন্তরেস্তকী রিজনেল অমসুং গ্লোবেল ইসুশিংদা ৱাখল্লোনশিংসু এক্সচেঞ্জ তৌখি। মখোয়না আসিয়ান-ইন্দিয়া কম্প্রিহেন্সিব স্ত্রেতেজিক পার্তনরশিপ মখা তানা মপাঙ্গল কনখৎহন্নবা খন্নখি। মখোয়না ফ্রী, ওপন অমসুং রুলস-বেজ ইন্দো-পেসিফিক অমগীদমক মখোয়গী কম্মিতমেন্ত অমুক হন্না ফোংদোক্নখি। মতাং অসিদা, প্রধান মন্ত্রীনা ভারতকী মহাসাগর (ম্যুচুএল এন্দ হোলিস্তিক এদভান্সমেন্ত ফোর সেক্যুরিতী এন্দ গ্রোথ ওভর রিজন্স) ভিজনগী মতাংদা পনখি। ২০২৬তা ভারতনা ব্রিক্সকী প্রসিদেন্সী ওইগদৌরিবা অসিদা ইন্দোনেসিয়ানা মপুং ফানা মতেং পাংগনি হায়না রাস্ত্রপতি প্রাবোৱোনা ফোংদোকখি।

ৱারী শারবা মতুংদা লুচিংবশিংনা ঙাকশেল, ক্রিতিকেল মিনরেলশিং অমসুং রিয়র আর্থশিং, সাইন্স অমসুং তেক্নোলোজী, এজুকেসন, ইলেক্তোরেল প্রেক্তিসশিং, তেলিকম্ম্যুনিকেসন্স, এগ্রিকলচর, মেরিতাইম সেক্যুরিতী, স্পেস, স্তীল সপ্লাই চেন, দিজাস্তর মেনেজমেন্ত, মেদিকেল প্রদক্তশিংগী রিগ্যুলেসন, হেল্থ ৱার্কফোর্সকী কোলাবোরেসনগী লমশিংদা এম.ও.য়ু.শিং/এগ্রীমেন্তশিং এক্সচেঞ্জ তৌবা য়েংখি। য়োজ্ঞাকর্তাদা লৈবা প্রামবানন তেম্পল কমপ্লেক্সকী য়ুনেস্কো ৱার্লদ হেরিতেজ সাইৎকী কঞ্জর্বেসন অমসুং রিস্তোরেসনগীদমক ভারতনা শৌগৎপগী লেত্তর ওফ ইন্তেন্ত অমসু এক্সচেঞ্জ তৌনখি। মসিদা এম.ও.য়ু.শিং/এগ্রীমেন্তশিংগী মপুং ফাবা লিস্ত য়েংবা য়াগনু। [Link]

ৱারী শারবা মতুংদা রাস্ত্রপতি প্রাবোৱোনা প্রধান মন্ত্রীবু ইকায় খুম্নবা উৎপা ওইনা অয়ুক্কী চাকলেন অমা শিনখি। প্রধান মন্ত্রীনা রাস্ত্রপতি প্রাবোৱোবু মহাক্কী মীয়োক মীচান ফবা মতৌগীদমক থাগৎপা ফোংদোকখি অমসুং মহাকপু ভারত্তা লাক্নবা বর্তন তৌখি।

***