প্রধান মন্ত্রি শ্রী নরেন্দ্র মোদীনা ২০২৬কি জুলাই ৪দা রাজস্থান অমসুং গুজরাত্তা চত্কনি, অয়ুককি পূং ১০:৪৫দা প্রধান মন্ত্রিনা জোধপুর এয়রপোর্তকি তর্মিনেল বিল্দিং শঙ্গাগনি অমসুং জোধপুরদা মোদিফাইদ য়ু.দি.এন. মতুং তারকপদা, চাওরাক্না পূং ১২:১৫দা মহাক্না বেলোত্রাদা চত্তুনা চাওরাক্না লুপা করোর লাখ ১.০৬কী মমলগী চাওখৎ-থৌরাংগী প্রোজেক্তশিংগীদমক কত্থোক্কনি, শঙ্গাগনি অমসুং উরেপ-উয়ুং তমগনি। মহাক্না থৌরম অসিদা মীয়ামগী মীফম অমদা ৱা ঙাংগনি।

মদুগী মতুংদা প্রধান মন্ত্রিনা গুজরাত্তা চত্কনি। চাওরাক্না নুংথীলগী পূং ৪:৩০ তাবদা প্রধান মন্ত্রিনা অহমদবাদকি সনান্দদা সি.জি. সেমী আউতসোর্স সেমিকন্দক্তর এসেম্বলী অমসুং তেস্ত(ও.এস.এ.তি.) শঙ্গগনি। মহাক্না থৌরম অদুদা মীয়ামদা ৱা ঙাংগনি।

জোধপুরদা পি.এম.

এভিএসন সেক্তরদা অচৌবা ইনোৎ অমা ওইনা, রিজনেল কনেক্তিবিতিদা অখন্নবা মীৎয়েং থমদুনা, প্রধান মন্ত্রিনা মোদিফাইদ উড়ান স্কীম শঙ্গাগনি। মসিনা ভারতকি সিভিল এভিএসনগী লমদা মশক থোকপা খোঙথাং অমা ওইরি অমসুং মসিনা "উড়ে দেশ কা আম নাগরিক"কী মীৎয়েং অসি মখা তানা মাংলোমদা পুখত্লগনি। মথংগী চহি ১০দা লুপা করোর ২৮,৮৪০গী এলোকেসনগা লোয়ননা স্কিম অসিনা এভিএসন্না লুচিংবা দিবেলপমেন্তকি মথংগী তাঙ্কক্কী খোঙজেল য়াংশিলহন্নবা পান্দম থম্লি। মসিনা অপুনবা অমসুং তুং কোয়না চত্কদবা কনেক্তিবিতি শোয়দনা ফংহন্নবা দিজাইন তৌরবা মল্তিপল স্ত্রেতেজিক কম্পোনেন্তশিংদা মীৎয়েং থম্লি।

মরুওইবা মীৎয়েং অমা ওইরিবদি লৈবাক শিনবা থুংনা এভিএসন ইনফ্রাস্ত্রকচর পাকথোক চাওথোকহন্নবা লুপা করোর ১২,০০০ হেনবগী চাদিংনা মতেং পাংদুনা হৌজিক লৈরিবা সর্ভিশ তৌদ্রবা এয়রস্ত্রিপশিংদগী এরোদ্রোম ১০০ শেমগত্পনি। মসিগী মথক্তা, রিজনেল এয়রপোর্তশিংনা মখোয়গী অহানবা চহিশিংদা চৎনবা য়ানবা ওপরেসন অমসুং মেন্তেনেন্স (ও.এন্দ.এম.) সপোর্তকিদমক লুপা করোর ২৫০০ হেন্না থমখ্রে। রিমোত অমসুং অরুবা লমদমশিংদা এক্সেশিবিলিতিগী শিংনাবশিং কোকহন্নবা স্কিম অসিনা মোদরন হেলিপেদা ২০০ শেমগৎনবা ৱাফম থম্লি।

স্কিম অসিনা এয়রলাইনশিংগীদমক্তা লুপা করোর ১০,০০০ হেনবগী ভিএবিলিতি গেপ ফন্দিং (ভি.জি.এফ.) সপোর্তসু মখা চত্থরি, মসিনা তপ্না তপ্না কম্মরসিএলল ভাইএবিলিতিদা পুক্নিং থৌগত্পগা লোয়ননা লেপ্তনা রিজনেল ওপরেসনশিং শোয়দনা ফংহল্লি। আত্মনিরভর ভারতকি মীৎয়েং মখা তানা চেত্শিলহন্দুনা থৌরাং অসিদা অন্দরসর্ভিশ ফংদবা লমদমশিংদা কনেক্তিবিতি অমসুং ওপরেসনশিং হেঙ্গত্হন্নবা ঐচ.এ.এল., ধ্রুব অমসুং দোর্নিয়র প্লেৎফোর্মশিংগুম্বনচিংবা ইন্দিজিনস এয়রক্রাফ অমসুং হেলিকোপ্তরশিং য়াওরি।

প্রোগ্রাম অসিগী মনুংদা প্রধান মন্ত্রিনা জোধপুর এয়রপোর্ত্তা ন্যু তর্মিনেল বিল্দিংসু শঙ্গাগনি। প্রোজেক্ত অসি অপুনবা লুপা কোতি ৪৮০ চঙনা দিবেলপ তৌখ্রে। স্কার মিতর ২৩,০০০ হেনবা মফমদা শন্দোক্তুনা লৈরিবা ন্যু তর্মিনেল বিল্দিং অসি চহি খুদিংগী পেসেঞ্জর লাখ ২০ ফাওবা য়ৌবা ঙম্নবা শেমখিবনি। মসিদা মোদরন পেসেঞ্জরগী খুদোংচাবশিং য়াওরি মদুনা চত্থোক-চৎশিন তৌবদা নুংঙাইবা অমসুং নুংঙাইবগী এক্সপরিয়েন্স অমা ফংহল্লি।

রাজস্থানগী রোয়েল হেরিতেজদগী আর্কিতেকচরগী ওইবা মওংদা ইন্সপায়র তৌরবা তর্মিনেল অসিনা আর্চসশিং অমসুং ঝারোখাগুম্বা ত্রেদিস্নেল ইলিমেন্তশিং অসি মতমগা চান্নবা দিজাইনগা লোয়ননা য়াম্না থুনা য়াওহল্লি। সস্তেনেবিলিতি অসি তর্মিনেল অসিগী দিজাইনগী মরুওইবা শরুক অমা ওইদুনা লাক্লি, মসিদা ইনর্জি ইফিশিয়েন্ত সিস্তেমশিং, ইশিং য়োকশিনবগী থৌরাংশিং, অমসুং গ্রীন বিল্দিংগী থৌওংশিংগুম্বা ফিচরশিং অসিনা ৫-স্তার জি.আর.আই.ঐচ.এ. জোধপুর এয়রপোরত্তা অনৌবা তর্মিনেল বিল্দিং শঙ্গাবা অসিনা লমদম অসিদা তুরিজম, ললোন-ইতিক, অমসুং থবক ফংহনবদা মশক থোকপা থৌনা অমা পিরগনি।

বেলোত্রাদা পি.এম.

প্রধান মন্ত্রিনা বেলোত্রাদা চাওরাক্না লুপা করোর লাখ ১.০৬গী চঙবা তোঙান তোঙানবা চাওখৎ-থৌরাংগী প্রোজেক্তশিংগী উরেপ-উয়ুং তমগনি অমসুং শঙ্গাগনি। প্রোজেক্তশিং অসিনা পেত্রোকেমিকেলশিং, অর্বান ত্রান্সপোর্ত, রেলৱে, লম্বি, রিন্যুএবল ইনর্জি, অমসুং পাৱর ত্রান্সমিসন য়াওনা সেক্তর কয়াদা শন্দোক্লি।

প্রধান মন্ত্রিনা ভারতকি অহানবা গ্রীনফিল্দ ইন্তিগ্রেতেদ  রিফাইনরি-কম-পেত্রোকেমিকেল কমপ্লেক্স অসি জাতিগীদমক কত্থোক্কনি, মসি লৈবাক অসিগী ইনর্জি অমসুং পেত্রোকেমিকেল সেক্তরদা মশক থোকপা মায় পাকপা অমা ওইগনি।

হিন্দুস্তান পেত্রোলিয়ম কোর্পোরেসন লিমিতেদ  (ঐচ.পি.সি.এল.) অমসুং রাজস্থান সরকারগী মরক্তা জোইন্ত ভেঞ্চর অমা ওইনা শেমগৎখিবা চহি অমদা মেত্রিক তন মিলিয়ন ৯ (এম.এম.তি.পি.এ.) গ্রীনফিল্দ রিফাইনরি-কম-পেত্রোকেমিকেল কমপ্লেক্স অসি লুপা করোর ৭৯,৪৫০ হেন্না থাদদুনা লিংখত্খ্রে।

স্তেত-ওফ-দি-আর্ত কমপ্লেক্স অসিনা পেত্রোকেমিকেল কেপাসিতি অসি এম.এম.তি.পি.এ. ২.৪ গা কোন্ননা রিফাইনিং অমসুং পেত্রোকেমিকেল পুথোকপগী থৌওংশিং পুনশিল্লি। মসিগী রিফাইনরিগী নেলসন কম্প্লেক্সিতী ইন্দেক্স ১৭.০ নি অমদি পেত্রোকেমিকেল থোকপনা চাদা ২৬ দগী হেল্লি, মসিগী মঙম অমসুং তুং কোয়না চৎপা অসি মালেমগী বেঞ্চমার্ককা মান্নবা মওংদনি।

প্রোজেক্ত অসিনা ভারতকি ইনর্জি সেক্য়ুরিতি মপাঙ্গল কনখত্হনবদা, পেত্রোকেমিকেলগী মশা মরোমদোম লেপচবা হেনগত্হনবদা, অমসুং ইনদস্ত্রিগী চাওখত্পা হেনগত্হনবদা মরু ওইবা থৌদাং লৌগনি হায়না থাজরি। মসিনা লমদম অসিদা পেত্রোকেমিকেল অমসুং প্লাস্তিক পার্ক অমা শেমগৎনবা এঙ্কর ইনদস্ত্রি অমা ওইনা থবক তৌগনি, মসিনা দাওনস্ত্রিম ইনদস্ত্রিশিং অমসুং এন্সিল্লরি সেক্তরশিং য়োকখত্কনি। মসিগী মথক্তা, রিফাইনরি অসিনা মরুওইবা থবক পিবগী খুদোংচাবশিং শেমগৎনবা থৌরাং তৌরি, মসিনা লমদম অসিগী সোসিও-ইকোনোমিক দিবেলপমেন্ততা মতেং পাংলি।

প্রধান মন্ত্রিনা জয়পুর মেত্রো রেল প্রোজেক্তকি ফেজ ২গী উরেপ-উয়ুং তমগনি, মসিদা অপুনবা ওইনা লুপা করোর ১৩,০০০ হেন্না চংগনি। ফেজ ২গী মখাদা প্রহলাদপুরাদগী তোদি মোদা ফাওবা কিলোমিতর ৪১ শাংবা অৱাং-নোংপোক মেত্রো কোরিদোর অমা শেমগৎলগনি, মসিনা শিতাপুরা অমসুং বিস্বকরমা ইনদস্ত্রিয়েল এরিয়া (ভি.কে.আই.)গী ইনদস্ত্রিয়েল অমসুং রেসিদেন্সিএল এরিয়াশিং স্তেসন ৩৬কি খুত্থাংদা শম্নহনগনি। কোরিদোর অসিনা সিতাপুরা ইন্দস্ত্রিয়েল এরিয়া, ভি.কে.আই., জয়পুর এয়রপোর্ত, তোঙ্ক্ রোদ, এস..এম.এস..হোসপিতাল, এস..এম.এস..শ্তেদিয়ম, অম্ববারি, অমসুং বিদ্য়াধর নগর য়াওনা মরুওইবা মফমশিংদা অশোই-অঙাম য়াওদবা কনেক্তিবিতি ফংহল্লগনি। প্রোজেক্ত অসিনা জয়পুরগী অচৌবা ইনদস্ত্রি অমসুং রেসিদেন্সিএল এরিয়াশিংগা শম্নহনবদা চাওনা অহোঙবা পুরক্লগনি, মসিনা রেসিদেন্তশিংদা য়াম্না থুনা, হেন্না শাফবা, অমসুং হেন্না খুদোংচাবা মীয়ামগী চত্থোক-চত্শিনগী খুদোংচাবা ফংহল্লগনি। ফেজ ১গী মখাদা স্তেসন ১১গা লোয়ননা কিলোমিতর ১১.৬৪ শাংবা মেত্রো কোরিদোর অমা হান্নদগী থবক হৌরে।

চাওরাক্না লুপা করোর ৯০০ চঙনা শাবা চুরু–সাদুলপুর (কিলোমিতর ৫৮) অমসুং চুরু-রাতাঙ্গর (কিলোমিতর ৪৬) রেল দবলিং প্রোজেক্তশিং প্রধান মন্ত্রিনা মখা তানা জাতিদা কত্থোক্কনি। অপুনবা কিলোমিতর ১০৪ শাংবা প্রোজেক্তশিং অসিনা অৱাং-নোংপোক রাজস্থানগী রেল কনেক্তিবিতি মপাঙ্গল কনখত্হনগনি। মখোয়না রেল লাইন কেপাসিতি হেঙ্গত্হল্লগনি, মসিনা পেসেঞ্জর অমসুং ফ্রেৎ ত্রেন অনিমক নিংথিনা, শাফবা অমসুং মতম চানা থবক তৌবা ঙমহনগনি অমসুং রেল নেতৱারক্তা মি য়াম্না তিনবা হন্থহনগনি। প্রোজেক্তশিং অসিনা লমদম অসিদা শেল থাদবা, থবক ফংহনবা, অমসুং ইন্দস্ত্রিগী চাওখৎ-থৌরাংদসু ইনোৎ পিরগনি।

প্রধান মন্ত্রিনা এন.ঐচ.-১২৫এ, জোধপুর রিং রোদ সেক্সন-২ (কারৱার–দঙ্গিয়াৱাশ)কী ফোর-লেনিংগী থবকসু হৌদোক্কনি। চাওরাক্না লুপা করোর ৭৪০ চঙনা শেমগত্পা প্রোজেক্ত অসিনা জোধপুরগী অকোইবদা রিজনেল কনেক্তিবিতি ফগত্হনগনি অমসুং চত্থোক-চত্শিন লায়না অমসুং শাফবা ওইহল্লগনি।

মখা তানা, প্রধান মন্ত্রিনা চাওরাক্না লুপা করোর ৫,৫০০গী ইনভেস্তমেন্ত অমগা লোয়ননা দিবেলপ তৌবা এস.জে.ভি.এন লিমিতেদকী মেগাৱাৎ ১০০০ গী বিকানের সোলর ইনর্জী প্রোজেক্ত অসি লৈবাক অসিদা কত্থোকখ্রে। প্রোজেক্ত অসিনা লৈবাক মনুংদা শাবা সোলর মোদ্যুল লাখ ২৪.২২ শিজিন্নরি। প্রধান মন্ত্রিনা এন.ঐচ.পি.সি.গী মেগাৱাত ৩০০গী কর্নিসার বিকানের সোলর ইনর্জি প্লান্তসু কত্থোক্কনি। প্রোজেক্ত অসিনা লৈবাক মনুংদা শাবা সোলর পি.ভি.শেল অমসুং মোদ্যুল চাওরাক্না লাখ ৭.৭৫ শিজিন্নরি।

প্রধান মন্ত্রিনা রাজস্থান রিন্যুএবল ইনর্জি জোন (আর.ই.জে.)দগী পাৱর ইভাক্য়ুএসনগীদমক লুপা করোর ১৯০০ হেন্না চঙনা শাবা ত্রান্সমিসন লাইন অসিসু উরেপ উয়ুং তমগনি অমসুং রাজস্থান আর.ই.জে.দি.গীদমক কিলোমিতর ৫৩০ শাংবা পাৱর ত্রান্সমিসন সিস্তেমগী উরেপ-উয়ুং তমগনি। হায়রিবা ত্রান্সমিসন সিস্তেমশিং অসিনা রাজস্থানদা পুথোকপা রিন্যুএবল ইনর্জি ইভাক্য়ুএত্ তৌবদা লাইথোকহল্লগনি অমসুং রাজ্য় অসিদা অথিংবা লৈতনা পাৱর শপ্লাই শোয়দনা ফংহনবদা মতেং পাংগনি।

প্রধান মন্ত্রিনা রাজস্থান সরকারগী তোঙান তোঙানবা দিপার্তমেন্তশিংগী মনুংদা রিক্রুইত্ তৌরবা নহা চাওরাক্না ৫৪,০০০দা এপোইন্তমেন্ত লেতরসু শিন্নগনি। লৌমিশিং অসিদা এজুকেসন, ইনর্জি, হোম, পঞ্চায়তি রাজ, ত্রান্সপোর্ত, হায়র এজুকেসন, স্কীল দিবেলপমেন্ত, প্লানিং, এগ্ৃকলচর, ইনফোরমেসন তেক্নোলোজি, অমসুং এদ্মিনিস্ত্রেতিবা রিফোর্মগী দিপার্তমেন্তশিংগী পর্সোনেলশিং য়াওরি।

সনান্দদা পি.এম.

প্রধান মন্ত্রিনা গুজরাতকি সনান্দদা সি.জি. শঙ্গাবা অসিনা ফেসিলিতি অসিদা কম্মর্সিএলল প্রদক্সন হৌরকপগা লোয়ননা ভারতকি সেমিকন্দক্তর মেন্যুফেকচরিংগী খোঙচত্তা মশক থোকপা মায়লস্তোন অমা ওইরি। মসিনা মালেমগী সেমিকন্দক্তর ভেল্যু চেন্দা ভারতকি পোজিসন মপাঙ্গল কনখত্হন্নবা অচৌবা খোঙথাং অমা রিপ্রজেন্ত তৌরি। প্রোজেক্ত অসি ইন্দিয়া সেমিকন্দক্তর মিসন (আই.এস..এম.)গী মখাদা অয়াবা পিখিবা অহানবা মরিগী মনুংদা অমনি অমসুং মসি পুন্নাা লুপা করোর ৭,৫০০ হেন্না থাদদুনা দিবেলপ তৌখ্রে।

মপূঙ ফানা রেম্প তৌরবা মতুংদা, ফেসিলিতি অসিনা চহিগী ওইনা সেমিকন্দক্তর চিপ বিলিয়ন ৫ ফাওবগী পুথোকপগী কেপাসিতি লৈগনি অমসুং আর্তিফিসিএল ইন্তিলিজেন্স (এ.আই.) অমসুং হায়-পর্ফোরমেন্স কম্প্যুতিংদা য়াম্না থুনা অহোঙবা পুরকপনা মরম ওইদুনা মেমোরি অমসুং স্তোরেজ সোলুসনশিংগী মালেমগী ওইনা হেনগৎলক্লিবা দিমান্দা অসি থেংনবদা মতেং পাংগনি। ফেসিলিতি অসিনা ওতোমোতিব, ইন্দস্ত্রিয়েল, তেলিকম্যুনিকেসন, ৫-জি, অমসুং ইন্তরনেৎ ওফ থিংশ (আই.ও.তি.) সেক্তর পুম্বগী কস্তমরশিংদা মতেং পাংগনি। সি.জি. সেমীগী খুদোংচাবা অসি এন্দ-তু.-এন্দ সেমিকন্দক্তর এসেম্বল অমসুং সর্ভিশ তৌই, মসিনা ৱেফর দ্রীল, এসেম্বলী, তেস্তিং, পেকেজ দিজাইন, ফেলিয়র এনালাইসিস, তেস্ত প্রোগ্রাম দিভেলপমেন্ত, প্রদক্ত ন্যুত্রিলাইজেসন অমসুং লোজিস্তিক্স সপোর্ত তৌবা য়াওরি।

ফেসিলিতি অসি হাংদোকপনা ভারতপু থাজবা য়াবা অমসুং মশা মরোমদোম লেপচবা ঙম্বা সেমিকন্দক্তর মেন্যুফেকচরিং দেস্তিনেসন অমা ওইনা থম্লি অমসুং লৈবাক অসিদা অচেত্পা অমসুং মশা মরোমদোম লেপচবা ঙম্বা তেক্নোলোজি ইকোসিস্তেম অমা শেমগৎনবা প্রধান মন্ত্রিগী ভিজনগা চুশিন্নরি।

***