રહેવાસીઓની સુવિધા વધારવાની દિશામાં વધુ એક પગલું ભરતાં, યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI) એ હવે લોકોને આધાર કેન્દ્રની મુલાકાત લેવાની જરૂરિયાતને દૂર કરીને, સીધા જ આધાર એપ દ્વારા આધારમાં પોતાનું ઇમેઇલ આઇડી ઉમેરવા અથવા અપડેટ કરવાની મંજૂરી આપી છે.

આ માત્ર આધાર એપ દ્વારા એક મફત સેવા છે, જે 1 જુલાઈ 2026 થી 6 મહિનાના સમયગાળા માટે લાગુ થશે, જેનાથી રહેવાસીઓ માટે તેમની આધાર માહિતી અપ-ટુ-ડેટ રાખવી પહેલા કરતાં વધુ સરળ બનશે. રૂબરૂ મુલાકાત લેવાની જરૂરિયાતને દૂર કરીને, આ પહેલ વિકસિત ભારત તરફ ડિજિટલ ઇન્ડિયા પહેલના ભાગરૂપે લોકોને અનુકૂળ ડિજિટલ સેવા પૂરી પાડવા માટેની UIDAIની પ્રતિબદ્ધતાને રેખાંકિત કરે છે.

આધાર એપ પર નવી સેવા ઉપલબ્ધ થયાના 2 દિવસની અંદર, 250,000 થી વધુ લોકોએ તેમના ઇમેઇલ સરનામાં અપડેટ કર્યા છે. આધાર સાથે ઇમેઇલ લિંક કરવાથી જ્યારે પણ આધાર પ્રમાણીકરણ વિનંતી અમલમાં મૂકવામાં આવે ત્યારે રીઅલ-ટાઇમ ઇમેઇલ સૂચનાઓ મેળવવામાં મદદ મળે છે.

તે પારદર્શિતા વધારે છે અને આધાર નંબર ધારકોને કોઈપણ હેતુ માટે તેમના આધારના ઉપયોગ વિશે માહિતગાર રહેવા સક્ષમ બનાવીને સુરક્ષાનું એક વધારાનું સ્તર પૂરું પાડે છે.

જીવન જીવવાની સુવિધામાં સુધારો કરવા માટે ડિઝાઇન કરાયેલી, નવી આધાર એપ લોકોને તેમના સ્માર્ટફોન પરથી સીધા જ મોબાઇલ નંબર અપડેટ અને સરનામું અપડેટ સહિતની બહુવિધ સેવાઓનો સરળતાથી લાભ લેવા સક્ષમ બનાવી રહી છે.

અત્યાર સુધીમાં, 40 લાખથી વધુ લોકોએ નવી આધાર એપનો ઉપયોગ કરીને તેમના મોબાઇલ નંબર અપડેટ કર્યા છે. આ સાથે જ, આશરે 10 લાખ લોકોએ સરનામું અપડેટ કરવા માટે આ એપનો ઉપયોગ કર્યો છે.

UIDAI લોકોને આધારમાં ઇમેઇલ આઇડી ઉમેરવા અને અપડેટ કરવાની સુવિધાનો લાભ લેવા પ્રોત્સાહિત કરે છે. રહેવાસીઓ આધાર એપ ડાઉનલોડ અથવા અપડેટ કરીને અપડેટ ઇમેઇલ ફીચરનો ઉપયોગ કરી શકે છે.

નવી આધાર એપ એન્ડ્રોઇડ (Android) અને એપલ (Apple) iOS બંને પ્લેટફોર્મ પર ઉપલબ્ધ છે. લોકો અહીંથી ડાઉનલોડ કરી શકે છે:

Android: https://play.google.com/store/apps/details?id=in.gov.uidai.pehchaan&hl=en_IN

iOS - https://apps.apple.com/in/app/aadhaar/id6744029871

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com