غیر ملکی سونے کی سرحد پار اسمگلنگ کے خلاف ایک بڑی کارروائی میں محکمہ محصولات انٹیلی جنس (ڈی آر آئی) نے مغربی بنگال میں ہند-بنگلہ دیش سرحد کے ساتھ سرگرم ایک سونا اسمگلنگ کے منظم گینگ کا کامیابی کے ساتھ پردہ فاش کرتے ہوئے اسے ختم کر دیا۔

خفیہ اطلاعات کی بنیاد پر کی گئی ایک کارروائی میں محکمہ محصولات انٹیلی جنس (ڈی آر آئی) کے حکام نے مغربی بنگال کے ضلع نادیہ میں کرشن نگر سے چکداہ کی جانب الگ الگ موٹر سائیکلوں پر سفر کرنے والے سات افراد کو روک لیا۔ ان کی تلاشی کے دوران غیر ملکی نشانات والے اور مٹائے گئے نشانات کے حامل 180 سونے کے بسکٹ برآمد ہوئے، جنہیں گرفتاری سے بچنے کے لیے خصوصی طور پر تیار کیے گئے کپڑے کے بیلٹوں میں مہارت کے ساتھ کمر کے گرد چھپا کر رکھا گیا تھا۔

برآمد شدہ غیر ملکی سونا، جس کا مجموعی وزن تقریباً 24 کلو گرام اور مالیت تقریباً 34 کروڑ روپے بتائی گئی ہے، کسٹمز ایکٹ، 1962 کے تحت ضبط کر لیا گیا۔ اسمگلنگ کی اس کارروائی میں ملوث تمام سات افراد کو گرفتار کر لیا گیا ہے۔

ابتدائی تحقیقات سے معلوم ہوا ہے کہ یہ کیریئرز اسمگل شدہ سونا ہند-بنگلہ دیش سرحد کے قریب واقع مختلف مقامات سے حاصل کرتے تھے اور بعد میں اسے دوسرے کیریئرز کے حوالے کرنے کے لیے منتقل کر رہے تھے۔

***

ش ح ۔   م  د ۔  م  ص

U : 9422