রাস্ত্রপতিগী লোইশঙ
ভারতকী রাস্ত্রপতিনা কুনো নেস্নেল পার্ক্তা চৎখ্রে
प्रविष्टि तिथि:
21 JUN 2026 10:20PM by PIB Imphal
ভারতকী রাস্ত্রপতি শ্রীমতি দ্রৌপদী মর্মুনা ঙসি (জুন ২১, ২০২৬) মধ্য প্রদেশকী কুনো নেস্নেল পার্ক্তা চৎখ্রে। মহাক্না নেস্নেল পার্ক্কী চিতাহ মেনেজমেন্ত এরিয়াদা চৎখি অমসুং প্রোজেক্ত চিতাহগী মতাংদা দিভিজনেল ফোরেস্ত ওফিসরনা পাউদমখি।
২০২৫গী নবেম্বরদা বোতসৱানাদা মহাক্কী স্তেত ভিজিৎ মনুংদা, রাস্ত্রপতিনা বোতসৱানাদগী ফ্রেব্রুৱারী ২০২৬দা কুনোদা লাকখিবা চিতাহ ৮গী মরু ওইবা দান তৌরকপগী থৌরম অদু য়েংখি।
প্রোজেক্ত চিতাহ অসি সেপ্তেম্বর ১৭, ২০২২দা এনভাইর্নমেন্ত, ফোরেস্ত অমসুং ক্লাইমেৎ চেঞ্জ মন্ত্রালয়গী মীৎয়েং মখাদা অমসুং নেস্নেল তাইগর কঞ্জার্বেসন ওথোরিতীনা লুচিংদুনা হৌদোকখিবনি, মসিনা ভারতকী বাইওদাইভর্সিতী হন্না শেমগৎনবগী লেংদ্রবা ফিরেপ অদু উৎলি। প্রোজেক্ত অসিগী পান্দমদি লৈবাক অসিদা চিতাহ মুৎখ্রবা মতুংদা ভারত্তা অমুক হন্না চিতাহ পুরকপা অসিনি।
প্রোজেক্ত চিতাহগী মখাদা, কুনো নেস্নেল পার্ক অসি ভারতকী অহানবা চিতাহ অমুক হন্না পুশিল্লক্নবা মফম অমা ওইনা শেমগৎখ্রে মরমদি মসিদা অফবা লৈফম, মরাং কায়না চাগদবা শা, অমসুং মীওইবনা অকাইবা পীবা হন্থবা মফম অমা লৈ। কুনো নেস্নেল পার্ক্তা, চিতাহগী অহানবা কাংলুপ অসি সেপ্তেম্বর ২০২২দা নামিবিয়াদগী, অনিশুবা কাংলুপ অসি ফেব্রুৱারী ২০২৩দা খা অফ্রিকাদগী, অমসুং অহুমশুবা কাংলুপ অসি ফেব্রুৱারী ২০২৬তা বোতসৱানাদগী য়ৌরকখি।
***
(रिलीज़ आईडी: 2280036)
आगंतुक पटल : 15