ৰাষ্ট্ৰপতি সচিবালয়
কুনো ৰাষ্ট্ৰীয় উদ্যান পৰিদৰ্শন কৰিলে ৰাষ্ট্ৰপতি শ্ৰীমতী দ্ৰৌপদী মুৰ্মুৱে
प्रविष्टि तिथि:
21 JUN 2026 10:20PM by PIB Guwahati
আজি (২১ জুন, ২০২৬) মধ্যপ্ৰদেশৰ কুনো ৰাষ্ট্ৰীয় উদ্যান পৰিদৰ্শন কৰে ভাৰতৰ ৰাষ্ট্ৰপতি শ্ৰীমতী দ্ৰৌপদী মুৰ্মুৱে। ৰাষ্ট্ৰীয় উদ্যানৰ চিতা ব্যৱস্থাপনা এলেকা ভ্ৰমণ কৰাৰ সময়ত তেওঁক বিভাগীয় বন বিষয়াই প্ৰকল্প চিতা সম্পৰ্কে সবিশেষ অৱগত কৰে।
২০২৫ চনৰ নৱেম্বৰ মাহত বটছৱানালৈ কৰা চৰকাৰী ভ্ৰমণৰ সময়ত ৰাষ্ট্ৰপতিগৰাকীয়ে বটছৱানাই কুনোলৈ আগবঢ়োৱা
আঠটা চিতাৰ প্ৰতীকী হস্তান্তৰৰ সাক্ষী হৈছিল। সেই চিতাকেইটা ২০২৬ চনৰ ফেব্ৰুৱাৰী মাহত কুনোলৈ অনা হৈছিল।
২০২২ চনৰ ১৭ ছেপ্টেম্বৰত পৰিবেশ, বন আৰু জলবায়ু পৰিৱৰ্তন মন্ত্ৰালয়ৰ তত্বাৱধানত তথা ৰাষ্ট্ৰীয় ব্যাঘ্র সংৰক্ষণ কৰ্তৃপক্ষৰ নেতৃত্বত আৰম্ভ হোৱা প্ৰকল্প চিতাৰ সৈতে জৈৱ বৈচিত্ৰ্য পুনৰুদ্ধাৰৰ প্ৰতি ভাৰতৰ অটল দায়বদ্ধতাৰ বিষয়তো সন্নিৱিষ্ট কৰা হৈছে। এই প্ৰকল্পৰ লক্ষ্য হৈছে দেশত বিলুপ্ত হোৱাৰ পিছত চিতাক পুনৰ ভাৰতলৈ ঘূৰাই অনা।
প্ৰকল্প চিতাৰ অধীনত কুনো ৰাষ্ট্ৰীয় উদ্যানখন ভাৰতৰ প্ৰথম চিতা পুনৰ সৃষ্টিৰ স্থান হিচাপে গঢ়ি তোলা হৈছে। কাৰণ ইয়াত চিতাৰ বাবে আদৰ্শ বাসস্থান, খাদ্যৰ বাবে প্ৰচুৰ চিকাৰ আৰু মানুহৰ পৰা সৃষ্টি হোৱা ব্যাঘাত তেনেই কম। কুনো ৰাষ্ট্ৰীয় উদ্যানত ২০২২ চনৰ ছেপ্টেম্বৰ মাহত নামিবিয়াৰ পৰা চিতাৰ প্ৰথমটো গোট, ২০২৩ চনৰ ফেব্ৰুৱাৰী মাহত দক্ষিণ আফ্ৰিকাৰ পৰা দ্বিতীয়টো গোট আৰু ২০২৬ চনৰ ফেব্ৰুৱাৰী মাহত বটছৱানাৰ পৰা তৃতীয়টো গোট অনা হৈছিল।
***
MJPS/SS/ST/DM
(रिलीज़ आईडी: 2278541)
आगंतुक पटल : 38